三年大限又到...非常簡單既報告 (53#續)

SonSon

話說3年前新居入伙換咗部LG, 滿心歡喜玩咗一年, 到2015出現HDR, 以為14年model都有得upgrade啦, 點知收到係壞消息一個 , 但係初時未有4K player所以都冇乜感覺, 但係自從入手xbox, 之後買埋203, 睇4K碟時冇HDR享受唔到dolby vision個種心情知幾咁難受呢 ........加上Post76頻頻搞電視試影聚會.............每次參加完心中梗係有條剌, 一切就好似最初由天堂跌落地獄咁 .

三年之癢又到期, 係時侯再玩大D, 呢次輪到LG

雖然901同203已隨時standby, 眼見一眾ching大手買入A1, Z9D, E7P等好葡萄呀...........  , 係一直係貧窮線生活掙扎既我, 自問冇能力咁疏爽, 每次換電視都有種罪惡感呢 . 但係換機成癮呢家嘢冇可能戒到呢, 所以開始做定功課鎖定目標先 , 因為空間足夠, 首先係考慮75吋, 但係較為頂級型號價錢太離地啦, 價錢合理既中階型號又表現又唔係咁突出, 限米煮限飯, 所以無奈目標用返65吋 . Sony A1.........好係好, 但成5萬真係out budget, 雖然係Dream TV但成本太高都過唔到自己個關呢, 唯有放棄 . LG E7P............唯一可同A1比較既型號, 最終又係有少少out budget決定放棄, Sony Z9D..........揀佢因為唯一算頂級有3D功能, 可以間中睇吓3D, 價錢亦勉強負擔到, 列考慮之列. LG C7P..........OLED之中係預算範圍內, 外國評價又唔差, LGSJ9500...........新入選, 因為呢次nano cell技術睇過真係唔錯, 比以往改進幾大. 唔考慮品牌包括samsung...........唔知點解大家都係泡菜機, samsung感覺梗係刺眼D, panasonic............評價最高既5年保??都未試過用電視多過5年, 唔想蹝咗保養 , sharp.............曾經有不快經歷算吧 .

初步Setup完成（Sharp LC-60LX840H + Onkyo TX-NR818）

當男人既決心黎到既時候係阻都阻唔住, 首先要解決兩樣嘢, 第一關老婆大人..........但佢居然同我講, 要換就換75吋, 否則一樣大對佢無意思............唔係麻 , 最後多番唇舌解釋因$$$後終於批出. 跟住就係將現有部LG搵戶好人家, 問過AV 生命因為依家電視價平唔再有trade in 服務. 又見過其他ching話回收二手價平所以放棄. 最後都係舊有辦法放二手市場, 可能開價平關係, 一星期已搞掂. 跟住落黎梗係諗儘快填返幅牆, 避免家徒四壁睇曼聯要用放大鏡啦........

有咗目標, 經過初步格價後, 決定下一站向AV 生命進發.............(待續)

good88690

留名等睇高潮

Kkl12345

好有小説味道 留名等睇

Versa

換電視係最開心
留名等睇結果，我估換左 65Z9D
註：你老闆好高招，攞批文？即批。你癲？我癲過你，要換就換75吋，等你下次敢唔敢

hangson

C7P 同 E7P 其實都一樣,  E7就多個SOUND BAR 野係底部,  出聲就正面D, 同多塊玻璃貼住個PANEL, 感覺好似有D高檔.
C7P 就簡約D,  冇SOUND BAR 係底部就四四方方.   不過比我選擇我會選擇C7P.  簡約得黎平D.  

兩者都ATMOS.....  不過TV既ATMOS 又真係.........

vicken

我睇過啲師兄講蟲蟲機都幾好喎有冇考慮蟲蟲？
又平香港 好多75吋9400我見2萬尾人仔，利申我無用， 因為初頭我都諗住換75吋電視所以就留意下 但最尾換咗投影機因為尺寸更加大但冇電視更鮮豔不過我絕對收貨 因為我都諗過如果一部75吋嘅z9d 就算喺蟲到買都要四萬人仔， 但係其實黎計香港已經玩到投影機+幕

小瑟

留名睇出野!

norip999

個架LG架BOR

reallyfatboy

等睇好野

wman

得未呀。。