小摩改 Oppo 203+意外的Pac家訪

sharkpigyu

等了又等 等了又等 終於等到26號放假 終於等到呢日 大約2星期前已經約了Pac兄幫小弟搞下部203 昨晚收工收夜晚12:00 返到屋企竟然訓唔著 可能太期待今日啦 今朝倒屎甘早就起左身 跟住就拆走部203就浩浩蕩蕩坐巴士殺落新蒲崗Pac兄整車公司 我同Pac兄同步到公司 見到Pac兄揸住架大Benz駛入公司 呢啲就係老闆同打工仔嘅分別 哈哈 Pac兄一落車就很神心專注裝返住香 祈求工作順利 而我當然都唔輸蝕 出去食返支煙先 又一例證 老闆同打工仔嘅分別 哈哈
跟住就同Pac兄食返個靚早餐 又講下影音經 半小時好快就過左！好啦 一返到Pac公司 Pac兄就開始幫我整部203啦 當然我就企係旁邊學下野 問下問題 跟住Pac兄三扒兩撥好快就搞掂我部203 將我部203 8pin同6pin換左做銀線 跟住再換左個Furutech IEC座同銀線 最後再幫我加張神奇沙紙係蓋低！ 好啦 小摩改203話甘快就搞掂啦
甘係整緊嘅途中 我已經留意到Pac兄間房有曬啲Pac”毒”盒係度 毒盒就駁住對KEF X300a 甘我當然睇下啲毒盒啦！ Pac兄跟住就話不如試下聽下 恭敬不如從命 當然試下啦
Wo wo wo 意想不到 居然呢對x300a可以比Pac兄推到甘好聲 只可講將對x300a發揮到極致! 跟住再試下用毒盒同不用毒盒嘅分別 竟然我呢對木造的耳都聽到分別 用了毒盒成個音場闊左 背景更靜 細節更出 成日聽ching講毒盒有幾好 今日終於親身自己聽 果然分別都幾明顯! 好啦 已經身中小毒 係時候想返屋企試下部203！竟然Pac兄爆出一句要唔要來我家聽下我套野 當然想啦 想上左好耐 完全無想過Pac兄會比我上去毒音室！我心唸 死就死啦 橫又毒死 掂又毒死 當然要死得轟烈啲
好啦 坐住大Benz又浩浩蕩蕩向著毒音室出發 Pac兄住的地方好正 周邊環境好舒服 又對住個無敵海景 太幸福啦！
好啦 一上到去毒音室 已經比對Reference 5吸引住 太吸睛啦 成間屋都係毒物 睇到人流曬口水 以前睇相睇得多 今日終於可以親眼睇 親手摸到
唔好講笑 Pac兄屋企個智能家居真先進 全部野一個電話控制曬 真誇張 好啦 戲肉到啦 一開始聽下兩聲道先 第一感覺 座地就真係座地 個種氣勢 音場根本唔係我呢啲書架仔可以比到我 第二感覺就係霸氣中不失細節 細節中帶出感動 我相信Pac兄真係放了不少心機係呢對Reference 5度 絕對唔係我呢啲新手可以踏足嘅境界 聽完真係好感動
好啦 超級戲肉到啦 就係7.1.4 Pac兄就試隻13 hours其中一段我聽 一個字 “顛” 個種包圍 個種低音 個種爆發力 個種衝力 個種爽度 完完全全將套戲嘅槍戰完美甘演繹左出來 完全置身其中 敵方中槍個下就如我中一樣 DD15+好恐怖呢
跟住Pac兄再比我試下有毒盒同無毒盒係多聲道上嘅分別 試返同一段 不用20秒嘅槍戰 我已經分別到 每一下開槍後嘅餘音 個種包圍嘅力度 氣氛係加左毒盒先做到 我唔識形容 只可講真的好神奇嘅盒子呢

好啦 又係個句 快樂嘅時光總係過得特別快 本人已經身中劇毒 好辛苦 跟住再同Pac兄食返個lunch 我就打道回府啦！
今日好多謝Pac兄嘅招呼 好多謝Pac兄比我上毒音室 令我呢個井底之蛙見識到咩叫”影” 咩叫”音” 今日又學到好多野 又要講多次 感激你Nelson兄

Cogor

師兄部UDP 203有無jb?

wman

摩改後同之前分别在那裡 ，相信分别應相當大

fm31331

小丑師兄，203補品 ，下次一定到粒Fuse。

toms110

好有興趣機殼底張沙紙

sharkpigyu

Cogor 發表於 2017-10-26 18:49
師兄部UDP 203有無jb?

有呀

sharkpigyu

wman 發表於 2017-10-26 19:03
摩改後同之前分别在那裡 ，相信分别應相當大

暫時初步感覺畫面明顯光左少少 至於聲音就爽快左 高頻感覺再亮麗左 低頻穩左 要再搵日放假慢慢再試清楚

sharkpigyu

fm31331 發表於 2017-10-26 19:15
小丑師兄，203補品 ，下次一定到粒Fuse。

哈哈 慢慢改 慢慢玩

sharkpigyu

toms110 發表於 2017-10-26 19:37
好有興趣機殼底張沙紙

沙紙聽pac兄講可以防止EMI 仲有粗幼沙紙之分 視乎自己需要

pac

個iec 尾插糸NCF 鍍銠，需要時間煲架