5010整完兩日又壞過

morrise

部5010行貨13年尾機 , 部機著唔到, 直頭無電到,
上網睇外國User 多數都係死relay, 因為正常著機有"噠"一聲,而我部就咩野聲都無.
部機鬼死咁重 ,車去海運,再拖車仔上維修部...比左220 check 機費,
好啦 ,Check 左幾日, 話壞面板要換 , 整左兩個星期, 收多900大元

星期六攞機 , 我已經再問清楚 , 洗唔洗再試一試無問題我先攞走部機, 免得再行多轉!
個職員就話C Fu整完試左成個星期,話試清楚一定無問題!
插一插電話著到機呀, 我見面板有野出, 咪比錢攞機走啦.

點知兩日後我插電源線開機, 部機面板唔著display既,
拔返線, 試埋troubleshoot, reset大法,
等左陣再插線, 著到機啦, 著左廿秒 ....又自動熄機....
之後就無再見過面板有野出.....而部機就不斷"噠噠"聲...

應該換relay 又唔換...走去換個面板....最後比佢攪到無曬心機....
真係比佢玩死..... , 而家都唔知仲整唔整好.....

之前用過pioneer Lx -83 同 yamaha RX-3010....都係用到換機都唔壞!
今次真係對安橋失去信心, 兩萬幾蚊旗艦機都係咁話, 雖然過左兩年保養,
比左錢諗住整好, 不但產品有問題, 維修又唔好...仲要做苦力..

Dan0412

Hello morrise,

得悉閣下部機維修遇到持續有問題嘅事，深感難過。我們亦明白搬抬部機係一件苦差事。為了提供協助，我們需要了解整件事。可否PM電話給我們查出維修資料？以便進一步跟進這件事。

客戶服務中心資料
電話：+ 852 24298148
地址：香港九龍尖沙咀梳士巴利道3號星光行10樓1035室
週一至週六 上午9時至中午12時；下午1時至6時

morrise

安橋都算有D交代 , 今日有位張生打電話跟進我部5010既問題.
佢offer 免費收機去再check 機, 又要14日.
但如果另外有零件要換的話要再報價, 另外維修完再決定用咩野方式去取機.
原定安排左星期四收機. 不過而家可能有變 , 因為..................

係到要感謝~Ambrosia 師兄，
1.首先佢打左好大篇既....安橋起動運作原理. 令我大開眼界!
2. 係佢推測係"POFF2無由low變為high，有粒fuse燒左，F2001A或F2002B燒了，去下載NR5010service manual，在P14 i:7位置，即右下角。如果燒左，自己換粒同電壓及A數的上去。"
我相信, 背得出依一頁既人....無幾多位.....勁~!

最後發現唔係Fuse 燒 ,
係安橋維修部人為問題, 有條P2003線, 插得唔好..鬆到直情甩左.
插返好後, 面板正常. 開機正常, 不過轉行5.1>7.1 FH 時好似反應慢左.
而家要再慢慢試有無聲出先同其他問題先.

morrise

以下係引述 Ambrosia 師兄，既文字 好直得參考!!! 希望師兄唔介意我公開你既心得~!!!

師兄，禾想幫一幫你。每一部垃圾安橋都會開機後喊三聲，即係：啲…噠……噠，頭一聲“啲”係電源輸入的板子，叫啟動板做成的，這板子會出12v ST（叫STandby電壓）為粒MPU（main micro-processor）提供3.3v。只要有這個3.3V電壓（POFF會由low變high），而MPOWER、APOWER1及APOWER2都會由Low轉High令這啟動板的3個relays ON，都會有啲…噠一聲，那管大牛有無電壓輸出即POFF2是low。你聽一聽自己部機有無啲噠一聲，就知原因是否起動板及MPU問題。當MPU有電後，佢會進行reset（Q7018），這電壓也是由12v ST提供，當reset後，粒5.000MHz晶振會起振，之後MPU會由裏面粒bios去讀取開機程序，bios在MPU就面。之後再會同粒EEPROM Q7017溝通，如果粒Q7017瓜左，也會九成九會開吾著機。這些開機程序是一個程式，當讀取時會叫粒MPU令到MPOWER、APOWER1、APOWER2由L變為H，如果有3.3v St電壓正常時。噠由對功放部份提供電壓的2個relays提供，即放大電路B 及B-電壓，最後一聲由speaker relays 提供。你的重點是查啟動板供電即12v ST電壓 及MPU供電、MPU裏面粒BIOS（個程式燒了入去粒MPU裏面，可能個程式的某些開機步驟程序流失了）、reset、晶振及EEPROM。

師兄禾無睇你全文，所以睇漏左野，之後就無再見過面板有野出.....而部機就不斷"噠噠"聲...係咪啲……噠……啲……噠不停循環，如果係，你部機個POFF2無由low變為high，有粒fuse燒左，F2001A或F2002B燒了，去下載NR5010service manual，在P14 i:7位置，即右下角。如果燒左，自己換粒同電壓及A數的上去。