日韓4K電視大對決:最強SonyLED及OLED選購攻略分享會

小瑟

Lching 發表於 2017-10-21 13:57
直播停左

頭先部機可能熱過頭, HANG左一陣呢!! SORRY~~~

harrylo

多謝大王和眾兄弟，

參加了這分享會，真係學到好多嘢，平日見到果啲所謂 4 K 規格，都係得啲模糊概念，經過呢個分享會，大王深入淺出，又有文字演示解釋，重有專業嘉賓現場解說，真係明白哂。

今次同場日/韓機拍住，以電視預設模式播同一片段，出來比較兩系機嘅畫面，同埋機內喇叭音質，令我完全知道我要嘅電視係邊一部。真係多謝哂 !

個人感覺，部 A1E OLED 雖然或者在畫面上 , 或者會因人各有所好，未必一致認同畫面係最好，但如以電視機音響作比較，我敢講佢一定會贏曬。

再講，部 Z9D 需然係 LED 電視，但係佢出到嘅畫面，令我真係重新領略到，sony 佢哋 LED 電視背光系統嘅威力。

錦上添花嘅就係影音從業員X先生 , 戴住面具 , 現身說法行內嘅銷售手法 , 過癮 !

以上係今次出席嘅小許感受，講錯唔好打面，多謝 post76 !

小瑟

harrylo 發表於 2017-10-21 19:30
多謝大王和眾兄弟，

參加了這分享會，真係學到好多嘢，平日見到果啲所謂 4 K 規格，都係得啲模糊概念，經 ...

多謝Harry兄的回覆，今次希望可以用簡單一D既方法另大家更了解4K電視，咁樣科水買機時就更覺值得呢。

hohodog900

小瑟 發表於 2017-10-22 10:35
多謝Harry兄的回覆，今次希望可以用簡單一D既方法另大家更了解4K電視，咁樣科水買機時就更覺值得呢。{:1_ ...

good job

Versa

之前出席過幾次SONY x Post76活動，包括Z9D跟韓系電視對決、SONY OLED-A1示範會，每次都獲益良多，今次再來個期待已久的日、韓牌子OLED TV對決，加上SONY Z9D/9300E對韓系QLED TV對決，睇完仲有小禮物，當然要支持支持再支持！

以下係小弟個人感受（因企位不同，感受可能跟其他師兄有分別）

先講SONY vs 韓系L牌OLED TV對決，共看了4段示範...

1. Alien:Covenant 異形聖約，最後段女主角引異形到太空船貨倉內追逐一幕
先講少少前言，會場所見，A1顯示靜態照片畫面時，亮度其實比L牌OLED TV更光，但播電影時，L牌畫面反而比SONY光。以小弟本身用開L牌OLED TV記憶中，當default設定時「動態對比度」會設為高，播暗畫面會把亮度再推高作補償，SONY亦有類似的X-tended Dynamic Range設定。現場觀看，L牌的光暗對比有點誇張、刺眼，明顯重手左，SONY則比較順眼、自然，黑位依然一貫OLED特色，做到全黑，極暗位漸層處理個人覺得SONY做得較好。當然這是各自default setting取向，用家可以再調教，只是SONY即使用default設定，畫面已經好睇得下。聲音方面，相信不用多講，L牌薄聲，A1低頻完勝，一出聲，成個氣氛出番黎。


2. Logan 盧根，反派Pierce到沙漠廢工場找Logan一段
估計SONY是用default電影mode，亮度比L牌default為低，色溫高，所以睇落A1膚色有點黃，但顏色光暗平衡也做得不錯。L牌色溫中等，不冷不暖（以電影來說其實是偏冷了）而且天空顏色有點人工化，唔真實。但實際使用時，用家可以自己再調色溫。


3. Fashion Show
仍然是L牌比較光亮，吸睛。A1亮度及色溫順眼一點，比較接近真實。有幾個鏡頭model穿白衫，L牌有爆光看不到detail，A1則仍然可見衣服texture層次。


4. TVB新聞報導，私家車炒入油麻地果欄
看報導員的臉，今次反而是L牌比較瘀黃，SONY A1較紅潤。SONY處理膚色或鮮紅色還是略勝一籌。


然後是SONY Z9D/9300E vs 韓系S牌QLED TV對決...
因小弟目標並非LED TV，所以只略略望下，睇左兩段

1. Alien:Covenant 異形聖約，今次是片頭David被創造出來後，跟「父親」在白色房間對話一段
因企位問題，我站在9300E及Z9D果邊，要大斜角睇韓牌QLED，但也睇到三部之中，無論對比，亮度平均，白色層次漸變，膚色，都是Z9D贏。聲音也是韓系S牌薄聲，Z9D厚聲一點


2. Guardians of the Galaxy 2
因我冇睇過呢套戲，所以唔太清楚係邊段，只見隊友跟怪獸搏命打生打死時，小樹人掛住聽歌跳舞，幾攪笑～ 其實唔需比較，一睇已知韓牌成個畫面好灰，黑bar漏光嚴重。Z9D在同樣光度下，顏色／立體感贏幾條街，黑bar漏光輕微。言而大會說這是各自的default設定比較，實際用家可以再調，但我未用過韓系S牌TV，可以調至什麼程度就不得而知了。


除比較外，今次仲來個「又要威 又要戴頭盔」環節。sales銷售手法聽得多，但由sales親口說出來，真係第一次。

今次分享會地點仍然是酒店宴會廳舉行，還有一班SONY及Post76人員助陣，真要多謝所有工作人員的努力及招待！

andy223

好可惜今次 JOIN 唔到。。。

想知道 9300E 相比 Z9D，輸幾多呢 ？

小瑟

Versa 發表於 2017-10-22 18:14
之前出席過幾次SONY x Post76活動，包括Z9D跟韓系電視對決、SONY OLED-A1示範會，每次都獲益良多，今次再來 ...

好DETAIL的REPORT呀, 你果然唔洗MARK分紙都記得哂D感覺喎~~~

imbdcollector

我覺得 Z9D 黑位略略好過 9300E，但尺寸好似 9300E 會多 D 走盞, 如果唔係下下熄燈睇戲,我覺得 9300E 其實夠曬玩

wil-wil

遊戲正式開始，當日出席版友有留言分享都可以得到，詳情請睇以上資料!!

Versa

小瑟 發表於 2017-10-23 17:12
好DETAIL的REPORT呀, 你果然唔洗MARK分紙都記得哂D感覺喎~~~

哈～大王真係記得小弟唔mark分
我第二樣冇咁好記性，但影音玩樂既野就...
而且現場佈置，一邊led，另一邊oled，目標清晰
除試畫面外，今次仲試埋聲，以前我買電視只要求畫面，對聲冇乜要求，但看來以後對電視聲音部份要求可以set高d