GTS 普通版實物圖 + 首日玩既感想

lkljason · 發表於 2017-10-20 10:12

雖然我唔算GT既粉絲，不過"鬚花"咁多集都係狗衝一出即買，之前一直想入限量版，但可惜無貨，所以最終入左普通版，諗住一開機考幾個牌就同d朋友on9打返場，點知個大廳未解鎖，諗住可能要考到咁上下牌至解到，點知越玩越後都未解咁咪一直考落去，好唔容易兼好憤氣捱眼訓首日打到兩點幾考曬d車牌佢 (講真係就係好似易過以前d，但有d關真係想打到你掉手掣，要全金相信我唔得亦都唔想挑戰，因為真係未想換電視住)，最後考曬48個牌都未解個大廳，成班朋友諗搞咩呀！最後有個後join既機友講原來睇兩段播片就已經解到大廳個鎖，屌一聲~~~~~~完！

今次影相場景超多，相機設定真係好似單鏡機乜都有得玩，真係玩影相mode都玩你一排，另外對拉花有興趣又有心機，又可以玩一排，即係未落場已經玩你兩排。仲有個VR有朋友試左，效果聽講唔錯，保守d講靚過VR Drive Club，朋友玩VR Drive Club會見暈，玩GTS就無事！

而初回普通版都送左3部車，不過未試唔知掂唔掂！