好彩港版都有 Atmos "猿人爭霸戰" 4K 初評 (實物圖)

Hugo Fok

平時都唔會咁心急出 post , 但見到大家估估下, 收工第一時間入手先, 証實下究竟港版條 SOUNDTRACK 究竟有 Atmos 定無 Atmos.... 效果點就未知，希望今晚開到聲 Try Try






剛剛完場, 睇返今集 D 色水比較冷, 顏色變化可能略遜於第二集...而整體畫質都偏向自然風格 (6.5K 拍攝, 2K 後製), 細節 (毛髮、雪花) 清晰唔過火，實景 / CG 的差異在 4K 下極明顯，但無刻意執 SHARP 執利強化視覺衝擊。比較想讚系呢個系列是少數能逃過 "好不過三" 命運既作品, 無用 "最終章" 由頭炸到尾既公式鋪故事, 文戲武戲鋪排有致，猿人表情交足戲有凸之餘，趨淚位真系睇到眼濕濕 (近期套 <BLADE RUNNER 2049> 都有類似感受)... 7 月份 <猿人> / <蜘蛛俠> 特登 "留肚" (就系知道碟必入, 唔入戲院可慳翻一百幾十 ) 就等第一日出碟衝去買。自問兩套大作 (<猿人> / <蜘蛛俠>) 中, 我覺得<蜘蛛俠> 動作場面比較多 D 花款同睇頭,有好多之前從未見到既諗頭都出現系新作裡面，但故事整體追看性其實一般, 輕輕鬆鬆兩個鐘個種 TYPE。至於猿人系 "無期待" (講真真系用平常心去睇) 下見到電影風格明顯又轉型, 今集感性 / 搞笑元素雖都系留於大作電影的公式層面，但感染力相當強, 對我來講是一部有衝動翻第二次既戲 (聲方面未有得開大喇叭試, 遲下詳細測評再補上...)   





呢幕如果系翻睇第二次的話,真系心酸到流淚 (入戲院睇過呢套戲既 CHING 一定知我講咩 )

jc2ssych

補充, 昨晚做了4kUHD 和 BD 的A/B test, 有啲在戲院好清的畫面, 在BD的呈現是矇查查的。

例如,  中近鏡影披住雪既樹木。4K 深綠色、淺綠色都尚算分明。BD係水彩畫, 一撻就算。

G36

jc2ssych 發表於 2017-10-13 08:07
補充, 昨晚做了4kUHD 和 BD 的A/B test, 有啲在戲院好清的畫面, 在BD的呈現是矇查查的。

例如,  中近鏡影 ...

Atmos音效如何？

jc2ssych

G36 發表於 2017-10-13 08:38
Atmos音效如何？

晚上睇戲, 無得開聲

SonSon

包裝好簡潔呀

realworld360

mc27588

sharkpigyu

我都剛入手 雖然已經睇左戲 但呢套戲係入選我2017最愛電影頭3名 所以4K一出係必入無疑！ 呢套4K畫面如果10分滿分 我會比8.5分 畫面算係非常乾淨 黑位實淨 對比層次非常好 雖然未去到老變5嘅級數 但我已經好滿意! 至於聲效 呢條鴨毛只能用強橫來形容 如果10分滿分我會比9.5 套戲一開始已經比到鴨毛嘅威力你 天空喇叭從天而降嘅雨點聲 簡直一開始已令你代入士兵嘅心態 所有子彈聲 炸彈低音聲強勁凌厲 記得套戲一開始有連續3個炸彈由遠至近炸埋來 距離感一流 完全感受於其中! 至於尾段Caesar逃走個part 亦係考驗喇叭同十仔嘅時候！ 仲有呢套戲我自覺亦考驗中置嘅實力 其中一個主因就係Caesar把聲實在太man man到係有低音出 哈哈！不過最令我深刻都係Caesar係瀑布底個段 鴨毛所營造嘅空間感好真實 絕對有令你置身其中嘅感覺! 最後一提就係我覺得呢套戲嘅背景音樂好好 絕對令呢套戲加了不少分!

最後我想講呢套戲一定要睇鴨毛 因為好多段係好明顯鴨毛先做到個種氣氛 空間感!

shrek-01

我見4K有Atmos我都買……了
因之前未睇過頭兩集
所以入返頭兩集(但是頭兩集冇Atmos所以不入4K....可以平返D）
第三集4K有Atmos聲音重真係好正

Hugo Fok

恭喜 CHING 又有新碟到手 ,   ...  講開我今朝終於有時間試埋 Ｄ 音效, 發現同頭兩集一樣都交得幾足, 好多場景都聽到四方八面猿人既聲氣, 一頭一尾兩段交鋒戲 D 動態效果、包圍感都夠埋身... 而且 ATMOS TRACK 係密度上都有唔少幫助, 我諗今個月最值得入應該都係呢套 <猿人> 同 <蜘蛛俠> 啦