|
|
垂手可得既 "音響聖杯". 效果當然唔及勁貴正品貨, 可以近乎零消費領會個中妙處.
此物可以改變中音,高音在聆聽環境中的音場, 空氣感. 頻率可低至女低音範圍. 運作原理我也摸不著.
起步材料係一隻湯麵瓷碗, 直徑約 7吋, 質地盡量選用手指彈碗邊時能發出清脆聲音, 餘音 10 多秒的瓷質.
單這一隻碗放在聆聽間既作用非常輕微, 但在碗中再放一個或多個振體, 情況會截然不同.
隨手既振體可以係一隻飯碗, 喇嘛銅砵, 叮叮叫人鐘等. 叫人鐘要拆出發聲罩, 罩口向上放在麵碗內.
麵碗與中心振體之間連接可有多種方式 1) 直接放在碗底中央, 2) 加墊一個螺絲帽等 (約 2 分螺絲大小最好用, 唔會輕易走位)
加墊螺絲帽效果最強, 振體可以自由振動, 如覺增強太多又可在振體上加適量泥膠作阻尼.
麵碗與振體之間發生既物理現象相信要專家出手, 可能係共鳴, 可能係互消.....
擺放位置 : 最有效係兩喇叭中間而高度係接近中高音既高度, 再在此點前後移. 如有第二, 第三隻麵碗, 放在喇叭後邊會令音場移後, 反之係走前.
麵碗放在喇叭與聆聽位間之直線會產生較強烈效果.
對中高音的增強或消減 : 不同位置會有增強或消減作用, 尤其是用多個麵碗.
麵碗既形狀 : 弧度接近圓形的似乎能令反射更均衡. 太直身或碗邊太"撻 / 平" 會令反射起集束.
瓷碗質地 : 厚薄有分別, 骨瓷似乎較好聲, 因彈指振音最清脆悅耳.
我最近既組合係 - 骨瓷湯麵碗, 叫人鐘罩倒放碗內, 罩邊貼上 3粒 保貼膠, 鐘罩內再放一粒半吋直徑鐵珠減振, 效果係弦樂唔吉耳, 喉聲多點韻味.
組合既變化極多, 多啲人分享經驗可令效能進化.
似乎此物對低頻駐波改善近零. 我仍是覺得用兩呎x兩呎左右為一組的重物(例如書架)貼近地面,放在駐波區最為有效. 用 Forgotten Mines, organ 也容易聽出. |
評分
-
查看全部評分
|
[複製鏈接]
發表於 2017-12-10 13:08
