超級誠意推介~ ~ ~《逆權司機》

杜sir

絕對是今年必看的電影
更好大機會囊括來年奧斯卡金像獎最佳外語片
每個有良知的人必定會覺得好看
超級誠意推介~ ~ ~逆權司機

alleelarry

我都睇左，但要落筆好像有千言萬語，到最後還是寫不出來……

小瑟

尋晚睇左，係勁的，同埋真係好估唔到依家可以拍返件事出來。

mike384

都睇左, 非常好睇.
其實我平時唔係太喜歡睇韓國電影, 呢套係例外, 拍出了一種異常的質感出來.
後來睇返D報導, 主角司機的真實身份一直都係一個迷, 但直至上個月, 佢個仔終於將個身份曝光了.
很有FEEL的一部電影.

alleelarry

mike384 發表於 2017-10-6 09:03
都睇左, 非常好睇.
其實我平時唔係太喜歡睇韓國電影, 呢套係例外, 拍出了一種異常的質感出來.
後來睇返D報 ...

我用司機角度去諗，或許我也會「隱姓埋名」，英雄當過了，也得要為家人著想吧！

係個仔出黎講番的話，咪同部戲有D出入！？

睇完套戲，太太提醒我一件事，電影中究竟有幾多係真！？當中又有幾多細節因為要達至「戲劇化」而改編，正如《Argo–救參任務》咁，當比較過真實記錄同電影，雖然主體不變，但效果就好唔同

alleelarry

杜SIR，可以跟大家分享一下，「良知」以外還有咩打動了你？

mike384

alleelarry 發表於 2017-10-6 09:55
我用司機角度去諗，或許我也會「隱姓埋名」，英雄當過了，也得要為家人著想吧！

係個仔出黎講番的話，咪 ...

從件事的幾個客觀事實去諗返, 司機應該都係一個幾機靈的人, 經過光洲一事, 點會唔怕報復.
用假名係正常.
而真實身份的曝光, 係今年9月, 所以明顯地, 電影中出現的司機的私事, 形象等, 都只是能靠德國記者的口述, 之後再加上電影人的創作而成.
以上的一D猜測, 會有劇透成份:
1. 司機的家庭, 相信佢架車真係有幅相之類的, 記者對司機的家庭的認知/猜測, 都應該係從呢張相開始.
而喪偶, 獨力養大女兒的種種細節, 以司機的英文能力, 相信未必係親耳所聞,
2. 光洲幫市民的幾位司機, 相信這多少是真實的, 也是整套戲最能感動我的部份, 最後一場CAR CHASE, 比其他荷理活追車場面要更加壯烈.
3. 而該片係直接同德國記者取材的, 當然會有多數係事實,

alleelarry

mike384 發表於 2017-10-6 11:06
從件事的幾個客觀事實去諗返, 司機應該都係一個幾機靈的人, 經過光洲一事, 點會唔怕報復.
用假名係正常.
...

假設電影資料以德國記者為依歸的話，我地可以試下由呢位記者角度去諗下，其實全程佢見既係唔少，但聽得到幾多呢？

回想過來，或許好多細節都係虛構，但電影本身既意義先至重要，就係要提醒世人反省過去的對與錯！

mike384

alleelarry 發表於 2017-10-6 12:43
假設電影資料以德國記者為依歸的話，我地可以試下由呢位記者角度去諗下，其實全程佢見既係唔少，但聽得到 ...

這套片中有幾樣野好肯定的
1) 記者拍下的片段
2) 片段中所發生的事
而至於記者拍下的過程,幫過佢的人,  如果出入光洲當然也可以很精彩, 但已經冇得太深究, 將這部份交給電影人去包裝亦好正常.

alleelarry

mike384 發表於 2017-10-6 12:46
這套片中有幾樣野好肯定的
1) 記者拍下的片段
2) 片段中所發生的事

說的正是，所以電影不一定是只當成「娛樂」！

我當日係 The Sky 到睇，6院本身支援「全景聲」(開場前有播片段)，雖然電影本身係無，但某程度上有受惠於設備，槍戰火砲場面好有「現場」感！