《追龍》滿載昔日的回憶……（有劇透）

day2013

     如果你睇過《跛豪》，照計都會入場睇睇究竟有乜唔同！睇過其它報導，知道甄子丹為拍好部戲，扮跛搞到腳趾外彎……！睇到經過化粧，佢弄厚左上唇及令鼻子變歪（配合角色經常打架）努力演出。但可能之前呂良偉那種囂張加增肥演出，相比較爲真實，忠於真人之下，總不能叫佢將髮線後移配合，所以，呈現的霸氣氣勢……。還有那句《生死有命、富貴在天》説得太多了，另外，追殺個位亨特警司那一場戲拖得太長太長，某幾句對白更意有所指……！潮州話夠多、港式粗口太少、又拳頭、又毒品，就係冇枕頭係差小小！劉德華開場送禮那一幕演出，總覺得同其它埸口比較起有格格不入，他總體演出是好的，但那年代的避彈衣及差人斯文的對白，加上最後自轟一槍的反應……！特別驚喜是劇組找到當年的寶馬車及巴士上鏡^_^ 整體是劇本比較濃縮，這個故事三個鐘會更好！最後，電影完後，請各位等等，還有一幕不要錯過！

ltho3k

本來唸過去睇, 但見到王晶是其中一個導演, 就怕佢係爛片

mike384

小弟以前都喜歡睇王晶片, 雖然好多技術上的野佢都慳得就慳, 劇情亦白到有點兒白痴的地步, 但覺得佢夠直接, 作風係觀眾想睇乜佢就拍乜.
而家佢都冇變, 但對象觀眾明顯不再是香港人了, 我理解佢對市場的選擇同取向, 亦唔係想拘泥於香港唔香港, 但笑唔出就係笑唔出, 冇FEEL就係冇FEEL, 我也不需要改變自己的喜好去就佢.
講到以前跛豪同雷洛兩套電影, 我自己係BUY 前者的, 導演同演員好多都較優勝, 呢套我仲爭扎緊睇唔睇, 都唔排除去睇個早場的, 但王晶上一部黑白迷宮就見到TRAILER已經驚到走了.

alleelarry

mike384 發表於 2017-9-29 09:24
小弟以前都喜歡睇王晶片, 雖然好多技術上的野佢都慳得就慳, 劇情亦白到有點兒白痴的地步, 但覺得佢夠直接,  ...

《黑白迷宮》其實都有內涵既，拍得有情有義，但就係D場面處理就是旦左D咁囉！

mike384

alleelarry 發表於 2017-9-29 12:17
《黑白迷宮》其實都有內涵既，拍得有情有義，但就係D場面處理就是旦左D咁囉！ ...

但有阿春哥個度就算吧啦....小弟對春哥真係無言.

alleelarry

mike384 發表於 2017-9-29 12:37
但有阿春哥個度就算吧啦....小弟對春哥真係無言.

又給你說中了，佢既角色定位差，連佢自己都演得唔多好

G36

王晶算把喇，劉華亦繼續拍呢d戲.....

Hon

王晶還王晶, 用自己欣賞角度入場睇下會好D

當然, 你話睇完TRAILER連套戲都唔想睇就另計LA.

如果要同呂生嗰套黎比較, 其實可以話無得比, 所以至加埋洛哥落去, 令到宇宙最強既角色更加鮮明, 亦因為咁再加上現今時代既問題, 呢類大陸俾錢拍既戲已經唔好太計較, 主因係佢地只會左抄右抄, 破豪無事, 但內容上無晒特色, 只見到好多其他戲既效果加左入去, 變得不倫不類.

故事我幾鍾意 - 兄弟情, 2個鐘多小小可以叫趕又可以叫算係咁, 太長會變悶, 太短就變左紀錄片多過係一套戲, 不過不失.

一開始超多片商既排頭, 心諗: 套戲死火啦... 果然無估錯.
中路唔可以叫悶, 但藝術成份太高, 要強國人反思呢樣野相信世界末日都改變唔到..
結尾係唏噓, 但總算收得好, 一代枭雄落幕感慨...

整體上可以話無新鮮感, 除非你連破豪同洛哥都唔識就另作別論, 致命傷都只係俾錢嗰度...

HD_2

破豪本來係華仔

alleelarry

HD_2 發表於 2017-10-1 13:30
破豪本來係華仔

是指原來的安排嗎？