關於2手買賣.....(投訴)

Hon

唔好意思, 其實我都唔想投訴, 始終都只想大家和和氣氣咁响呢個區睇下post買下野, 但尋日呢個買賣真係唔多合理,  希望版主明白.

http://www.post76.com/discuss/vi ... &extra=page%3D1

我由上午9點幾回覆話要, 到夜晚再check就睇到已售, 全日我都等賣家覆, 可惜換來pm一句" sorry.... sold"就算數, 我覺得咁樣好似兒戲左d, 枉我等足成日諗住交收, 如果唔check返既話我咪仲要一直咁等落去, 一個合理d既解釋都無, 希望版主可以留意下, 如日後各會員/或呢個會員都係咁賣碟既話, 我覺得一來嘥大家時間去等待, 二來換來既只係一吐氣......

ewartuen

1# Hon

可能咁橋那位ching其間有朋友要左, 又無留意到你個message呢, 應該只係誤會吧!

mankoo米高

Hon，想問吓其實你9點幾回覆話要之後，物主有無回應過你話ok會同你交收？

bo9bo99

我放個價係$320, 你個reply係: "300得唔得, 得就pm留電話俾我. pls check PM!" 我冇無回應過你話ok...我已經同你解釋左話已經有多過一位ching早過你contact我, 我唔明你為mug投訴...希望你明白我都要返工, 唔可能整日上o黎呢度check pm/post, 特別係上班時間...

係咪一定要我平賣畀你, 唔理其他早過你接觸我o既ching先叫合埋? 定係應該連工都唔返, 24小時o係部電腦面前stand by覆pm/post?

mankoo米高

Hon,如果物主所言屬實，咁佢並無應承過你話ok,照情況睇係你出"要約"，
而物主並無即時就你"要約"而作出回應(其實晚上物主已經pm回應咗你)是不是？
其實都兄係一場誤會啫，首先可能你並非pm回應物主嘅第一位版友，
再講，你"要約"中亦並非物主提出的售價，物主亦好自然會優先選擇"到價"嘅"要約"，
所以物主喺咁情况下亦跟本唔存在不守信用或不負責任吧？
買賣嘅嘢最緊要係各得其所大家開心，今次係誤會啫，互相體諒一吓啦！

我放個價係$320, 你個reply係: "300得唔得, 得就pm留電話俾我. pls check PM!" 我冇無回應過你話ok...我已經同你解釋左話已經有多過一位ching早過你contact我, 我唔明你為mug投訴...

係咪一定要我平賣畀你, 唔理其 ...
bo9bo99 發表於 2009-12-18 02:49

七彩小生

如冇promise 話ok , 又冇約人出來並放飛機, 我就覺得賣家冇任何問題.

tennishk

如賣家所講屬實，我會覺得完全冇問題囉。
首先，賣家係07:27 post上二手區，而買家係九點幾p.m話要，雙隔兩個鐘，
可能已有其他人p.m比賣家話要。
唔通你p.m左人就一定要人賣比你！仲要講價既，佢肯回覆都算比足面啦。
其實咁小事都要投訴，會唔會....

阿定

如果有幾十個人PM我話要，我只覆最快同到價果個，全部都唔覆，唔通我又有問題？
這裡是私人二手賣買，唔係鋪頭，無必要每個客都覆吧，覆你係人情，唔覆你係道理，同樣地，就算我同人買野，人地覆番我價錢無問題，我都有權再覆佢我已經買左，我自己亦唔可能白白咁係度等！

仲有就係，樓主開價同人地標價有距離，唔中標好合理，又無講明先PM先得，認真講，假如我放賣，同樣價錢，有新會員要，小瑟又話要，就算小瑟慢過新會員，我都會揀賣比小瑟啦，作為賣家，無講明先pm先得，又無講明價高者得，當然有權揀客，揀客可以揀價高，可以揀信用度，可以揀論壇資歷！

大玩偶

哈哈... 你一定係投 2 手野少啦 ...
通常放 2 手 ..... 閒閒地都係 3~4 個論壇放啦 ...
r33 / avbux / avfxxx 之類....
呢d 野.... 唔多唔少講運既 ...
特別係多人爭既情況 !

PP-HK

hon兄唔好因為呢d而勞氣, 雖則我都支持賣家冇問題, 但網上買賣再勞氣既case都唔知幾多, 除非你唔參與, 否則都要附上多點耐性。