本帖最後由 matt88p 於 2017-9-17 11:41 編輯
小弟都用緊901直推, 其實都唔係話差, 直推嚟講算係幾好力水!!
當然一定加咗後級係第二個境界, 所以呢個係必定要, 但係唔需要一開始就加, 況且如果後級加得唔好, 配錯嘢隨時衰過直推, 小弟聽過都唔少次........ 真心!! 我曾經聽過901因為配錯後級, 將一隻本身好厚聲嘅JBL中置, 竟然能夠將"超人對蝙蝠俠" 裏面蝙蝠俠把聲搞到薄過張紙!
其實好多人好主觀覺得av amp後級無力, 自己隻耳仔覺得冇力, 就會assume所有人都覺得無力..... 其實"人嘅主觀角度"真係好奇怪.......硬係要將自己依家嘅聽感, 套落去一啲新手嗰度, 但係冇調返轉諗過, 自己新手嘅時候係點??
其實咁樣等同於一個人喺一間公司做咗好耐, 就assume一個新同事一開始就明白曬成間公司運作冇分別!!
小弟家母曾經話, 覺得套裝機同旗艦機冇分別, 咁又係咪代表家母耳仔有問題??
我識得好多真正大師級, 會講到畀你聽, 有後級冇後級分別, 會非常客觀分析, 但係唔會一句踩落嚟, 一嘢就話av amp好廢, av amp無力, 因為其實咁樣講好忘本同埋得罪!!
講番後級, 真心你要對比加咗後級佢梗係爭幾皮啦, 但係絕對唔代表av amp本身唔夠力推, 況且師兄如果係啱啱玩, 如果你加部平平哋嘅後級又冇乜意思, 咁唔通你入門一玩, 玩一部天價嘅後級咩??
其實莫講話901, 如果真係啱啱玩, 就算畀一部onkyo入門機畀你, 其實你都唔會覺得差得去邊, 因為正常啱啱玩嘅朋友根本冇可能聽到咩叫夠力唔夠力, 一步一步嚟啦師兄, 慢慢享受改變樂趣!! 或者你喜歡可以"一步到位"都得, 但係其實真心呢句嘢幾搞笑, 因為就算你點樣買, 都總有更高級嘅嘢, 呢句說話我亦都聽過極多老友買影音嘢嗰陣講過, 但係最後一樣係不斷升級, 咁樣其實...... 何謂"一步到位" ???
P. S 師兄pm咗一啲901 info畀你, 可以參考下! {:9_425:} |
發表於 2017-9-16 22:12
樓主
