點解我會問師兄門有冇用套呢, 因為上星期手多, 試咗D野,
話說我唔想整花部機, 一開箱都即刻入反個套, 一直都冇除套嚟聽歌, 用咗一段時間, 發現機頂插頭有一條花痕, 所以最終都攞部機去咗包膠, 一直都唔覺包咗膠有改變聲底, 原裝套實在太易整花, 錫住用都係花晒, 所以又買咗個Dignis, 一直相安無事. 受到毒神將佢部380Cu combo 拆去包膠後聲底開揚啟發, 再加上早前網上見到有師兄包膠後一樣發現聲底焗促咗, 及後發現介開背後包膠有所善, 毅然將我部SP1K 嘅背面包膠界開.
點知一點, 嘩, 乜D聲唔同晒嘅, 開揚咁多, 又多好多detail, 高音出好多, 尾音仲長咗好多, 之係試完咪入返個Dignis套, 咦喂, D聲又死死實實咁嘅, 攞反部機出嚟, 真係開揚好開, 反覆試咗幾次, 個分別真係好明顯下, 唔係心理作用, 用自已聽開嘅歌, 5秒內已經可以分辨得到. 搞到而家要打真軍先開心.
我對比過Dignis 個套, 聲係最差, 佢亦箍得部機最緊, 原裝套介乎於裸機與Dignis之間.
各位師兄可以試試. 不過各個組合唔同, 效果唔一定相同, 跟個人喜好同樂曲亦都有關, 可能有人會覺得入套可能仲好聽都有咁嘅可能. 我同一位師兄提過呢個改動, 佢試咗都有相同發現, 所以先提提各位可以試一下.
|
[複製鏈接]
發表於 2017-9-11 06:50
