AVM牌前級 配咩後級

kl122002

benwongkk 發表於 2017-9-1 16:39
不過而家新機2萬都搵唔到咩太好質數....

個人覺Bryston, Cyrus 是可以的, 不用太悲觀.

koalaau

yamaha pc2002m，m2的專業版。

買二手器材，我會考慮好多野，個人會考慮埋性價比，賣出價，製作足唔足料，維修問題（有些器材用特別零件未必有原裝或代用品），上網搵資料，睇下原裝乜野樣用咩料，新舊程度⋯等等。

唔止器材，我會睇埋賣家，古惑臭寸鬼鬼地都窄窄地，仲有賣日本機話110v的我一定唔買。

有時和資深賣家交易，仲放心過二手店，好多師兄志在換野玩，有d師兄係收藏家，賣野清倉唔係為賺錢，隨時執到好野添。

kl122002

brianwu4 發表於 2017-9-1 18:12
師兄玩二手有無咩要點去防雷，等小弟學下野

支電容, 縲絲口換過, 拆開過台機一定望到.
但好多時發現有問題的時候, 是當你連播了十數小時曲目之後發現.

香港好多人因為平而去買2手, 未幾之後又賣出去. 身邊有朋友這就是樣.
問原因, 答就是因為平而入手, 失望而放手.

koalaau

買二手除左做足功課，的確都要講彩數，有時未必係賣家呃你，而真係到你手先有問題。

我試過放部前級，有offer先冇聲出，攞去檢查原來只係甩焊，就係咁部機檢修完包冇問題先交收，咁就係買家好彩，到佢手先出事果幾百就係佢俾了。

brianwu4

kl122002 發表於 2017-9-1 18:45
支電容, 縲絲口換過, 拆開過台機一定望到.
但好多時發現有問題的時候, 是當你連播了十數小時曲目之後發 ...

電容好多時會壞而換過?

brianwu4

koalaau 發表於 2017-9-1 18:33
yamaha pc2002m，m2的專業版。

買二手器材，我會考慮好多野，個人會考慮埋性價比，賣出價，製作足唔足料， ...

一般點知平定貴?
100v點解唔會諗?

koalaau

brianwu4 發表於 2017-9-1 23:05
電容好多時會壞而換過?

電子野我都唔識，但細細粒果d電解電容或電阻，到期換過新我覺得冇問題，啱數值就得。

不過儲電的大電容（水塘）、火牛及功率管，就好多機都係用原廠野或特定牌子型號，通常都好耐用，如果換左就除時變哂聲，已經唔係原本部機了。

koalaau

brianwu4 發表於 2017-9-1 23:09
一般點知平定貴?
100v點解唔會諗?

衡量平貴在於比較，玩得耐就心中有數，如唔識亦可多留意同類產品市價，或上網參考外國拍賣價。

日本機係100v，講得話110v即係賣家一直插110v牛，長期過高電壓，部機有機會提早收工。

kl122002

brianwu4 發表於 2017-9-1 23:05
電容好多時會壞而換過?

支電容, 又俗稱水塘, 圓柱體甘樣的,
因為日子久了, 入面的物質會降解而漏出, 舊機不時有此情況, 例如老牌子 "山水 " 時有發生. 漏出來的液體可以腐蝕電路板, 週體的原子粒, 等同廢左台機.
香港即使有師傅去修理, 不過也不見得會平, 也不一定有得修理, 而且如另一位同好說, 真是換左會變聲.

有些原子粒有些好似3支腳,頂住粒當圓體的, 一燒左就真係可以無配件.

有些volume 制, 開關, 舊式的headphone 插等也在今日沒新零件代替, 找師傳維修的話也只是由另一台機轉移過去,

brianwu4

師兄約賣家或二手店會否要求拆機看? 小弟新手, 請指教