它又回來了(Lexicon ZX7)

jason1969

pac 發表於 2017-8-29 13:17
精神哥不如你分享一下你對ZX7有幾精神啦

這只是分享係個人意見{:9_407:}
LexiconZX7後級家庭影院來講算完美 , 重量138lb/63kg, 8ohm每聲道輸出300W x 7聲道7 RCA/XLR, 這套後級力水發揮得超水準,高音/中/低音,清晰透明,我盡情享受,無論聽歌或睇戲都是到位 ,我對Kef Reference 207/2 飽晒{:9_432:} (我用ZX7 x 2部 Bi-amping)

jason1969

sharkpigyu 發表於 2017-8-29 13:55
勁呀！賣完又買返! 甘我都要好好珍惜我部lexicon!

我都係好珍惜ZX7 {:9_426:} share下你個人意見

xhatax

Lexicon ZX7 ，我都想........

bigair

pac 發表於 2017-8-29 10:55
今次這部機感覺好似比之前那清D，唔知有無記錯

你換左前級，清d係正常

sharkpigyu

pac 發表於 2017-8-29 14:51
當然啦！你唔好退燒呀

暫時都未退燒! 起碼等埋你家訪我先!

kelvinchan

最後一部?

sharkpigyu

jason1969 發表於 2017-8-29 14:53
我都係好珍惜ZX7  share下你個人意見

我就唔係zx7 我只係用細佬rx7！不過我就無乜中肯意見 始終rx7係我第一部後級(希望亦係最後一部) 之前都係用開合併機 無試過其他後級! 我只可分享下當初點解會買rx7 當然百分之99係因為pac兄 個時乜都唔識(其實而家都係) 又想學人地試下玩前後級 甘就梗係要問下高人 個時好好彩係76可以認識一個這樣無私又熱心助人嘅ching 呢位就係pac兄啦 回想當時都覺得自己好很煩 但pac兄一點都無介意 仲比左好多意見我 而家想返起真係要好好多謝你 好記得當時買rx7嘅過程 係非常簡單 就係當日大約12點我就致電地庫米高哥 問有無rx7(當然又要達朵話識pac兄) 米高哥話有 甘我就話我而家衝落來比錢 跟住米高哥話你有無錢係身 (個刻心唸米高哥你唔係甘睇我呀嘛 我認真想買架喎 ) 原來米高哥個意思係你唔駛落來 我直接搵人送過來比你 跟住你比錢個司機就得 (個刻心唸甘鬼簡單 ) 跟住我話好呀 我而家即刻去銀行攞! 米高哥話你係pac兄嘅朋友就係我嘅朋友 個刻不倫米高哥只係做生意嘅手法定係點 但個刻個心真係好窩心 終於有被人尊重嘅感覺 記得以前初玩真係有點怕去旺角掃樓 個時又乜都唔識 sales過來問我想要咩 我又講唔出 個刻又無乜概念 我就話我第一次玩 跟住第二句問我有幾多筆直 我話得甘多 跟住就硬銷我呢啲野 話你得甘少budget就係玩呢啲 個刻個心真係唔係甘好受 跟住我話我再考慮下先 跟住個sales就贈我一句 "你慢慢去格價啦" 個一刻我就同自己講就算呢間係全港最平 我都唔會係呢度買 算啦 以前啲事都係唔再提啦！講返rx7先 跟住令我最大驚喜就係當日下午3點已經送到來 效率超快 跟住米高哥仲要有事後服務打電話來問我識唔識點用部rx7 話裝好之後叫我打比佢有咩感覺 仲叫我小心啲搬話幾重下部機！
最終我用左3個鐘搞掂部機 一試戲只可講係去左第二個level 個種力度 飽滿感 控制力 唔係當時部合併機比到我！ 非常滿意rx7嘅表現 用左一段時間 pac兄當然毒下我叫我試下zx7 仲正呀 不過我豆腐潤甘細嘅屋企加上又係喇叭仔 zx7根本係我度毫無發揮 所以我就一直用rx7至今！

orhui

超羨慕！

fatdog

sharkpigyu 發表於 2017-8-29 17:37
我就唔係zx7 我只係用細佬rx7！不過我就無乜中肯意見 始終rx7係我第一部後級(希望亦係最後一部) 之前都係 ...

師兄,我也對rx7有興趣,
可否pm價錢?,謝謝

sharkpigyu

fatdog 發表於 2017-8-29 18:03
師兄,我也對rx7有興趣,
可否pm價錢?,謝謝

我呢個價係3年前 而家應該平左 仲有當年應承左唔可以公開個價錢 雖然過左3年 但都唔想失信於人 我只可講當年買係$3xxxx!