AV show 2017 補品收獲

肥明達 · 發表於 2017-8-20 09:56

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

年年都有去AV show 睇嘢更有D 新發現，今年去左間叫ID works 嘅攤位睇demo時，發現左2件好神奇嘅補品，一件可以用係有USB 座嘅器材，另外一件話放係火牛底就能夠有効果，抱住半信半疑嘅心態咪買返屋企試吓，點知兩樣補品一齊放係部Oppo 203時，發生左意想不到嘅效果。

首先講吓枝USB, 個名叫做"Sugar K USB Optimizer" , 個日係攤位示範時個四眼哥哥話可以插係部機後即時可以提升30%聲畫效果，返到屋企插係部203機背USB 位，過左1-2分鐘後畫面果然sharp 醒左好多，光度/層次感/黑位/細緻度/颜色結實度都有明顯改善，至於聲音方面，用左枝嘢後聲音濶左好多，高音清淅左，人聲有好聲左，低音方面亦潛低左及狠勁度加強左，以為自己心理作用，又試吓吾插枝嘢啦，一冇用又打回原形，真係神奇。

另外一件補品叫“舒曼波魔毯”，四眼哥哥話呢張嘢仲可以charge 電及放係器材火牛底部位置就用得，見佢細細件又吾貴即管又買張試吓，今次加埋呢張毯效果又勁左，聲音上細緻度及狠勁度再提升左，原來以前套片有好多聽吾到嘅弱音呢家先開始聽到，連畫面顔色都sharp 醒左少少潻。

呢2件神奇補品真係令我有D驚喜，希望再煲煲佢睇吓仲有冇提升先。