古典黑膠

kl122002

因為積落的黑膠潮, 今年多左好多黑膠鋪而且是比以前亮眼不少. 有別以往的是今年古典似乎特別的多.
不少鋪都是放古典出來賣, 有好多其實都是好野.
新膠的找主要四大代理就有了, 比如silkroad, naxos ,上揚, 信昌.  

舊膠就比較精彩, 皆因有一些是以前未見過的私人收藏首次出現, , 有些是OK 的,
個別一兩家在早年前已有, 只是我覺賣得太貴, 而且condition 又真是麻麻地, 亂以入手.
還有些鋪今年玩"兼賣",  即是原本sell 器材, 又順道找了少少黑膠來賣.  不過這種攤檔我認為大家最好留意一下,
有時候conditoin 是欠了一些, 比如有我之前說過的 "袋紋", 花痕 (是大大條已變白的花痕), 又有時候是賣得overprice 左少少.
如果不知價, 或者心大心細又心類意亂, 就不太建議入手.

old8woman

黑膠唱片有時真的幾海鮮價，
所以不熟悉行情的人就要留心了！

kl122002

old8woman 發表於 2017-8-13 07:44
黑膠唱片有時真的幾海鮮價，
所以不熟悉行情的人就要留心了！

非常同意
今日買黑膠, 行左好多鋪,  有一套心得
最重要是自己要有一個預算, 比如只打算用HK$100入一張唱片就用100, 不是變成了1000
當年黑膠收得太平, 換句話說今日高價入是等於幫手俾鋪方甘多年的倉租, 兼俾大大舊錢俾人賺.
值得留意這些錄音是經過30年起的歲月, 舊再版是一定的存在. 如個一個錄音是在1950年的, 那麼一定在首版計起後5-10年有一次再版. 其實這些再版在當時不差, 量大, 在今日也值得一聽
如果覺早期版太貴, 入手近年的再版吧

condition 是一門學問. 買2手黑膠是好比六合彩
正光睇, 側光睇, 都可以睇到有無事.
我是會用手指去試下輕輕捽一些疑似的花痕, 袋印, 霉點之類, 如果唔退, 好硬, 就唔好入手了.
如果有疑惑, 那麼即使是稀有盤都不入.

有時是好可笑的, 好看的cover卻又跟一個花到七彩的碟,
按比例, 碟重要過cover ; 除非你只打算要一個cover

xxx138

kl122002 發表於 2017-8-13 09:33
非常同意
今日買黑膠, 行左好多鋪,  有一套心得
最重要是自己要有一個預算, 比如只打算用HK$10 ...

我是會用手指去試下輕輕捽一些疑似的花痕, 袋印, 霉點之類, 如果唔退, 好硬, 就唔好入手了 <===可以咩,未试過,5怪得成日賴嘢......

old8woman

我都可以憑肉眼經驗檢查二手黑膠，知道是否仍然正常
命中率八成左右，/但亦有試過目測完美，
但一放落唱盤問題就出現（通常是炒豆聲，噪音）……

kl122002

xxx138 發表於 2017-8-13 11:34
我是會用手指去試下輕輕捽一些疑似的花痕, 袋印, 霉點之類, 如果唔退, 好硬, 就唔好入手了  ...

我是以左手中, 無名指托碟, 拇指定住, 右手在邊轉碟,
如果袋印就一定是整張黑膠都是, 最外圍無聲的位置是在你轉張碟時(用正光, 側光看時), 可以做,
只果是塵絲, 就一定在轉的時候會變樣 ,  平看也見到是立體的
在反碟時換手, 輕輕不為意地碰一下, 主要用手指肉 (指甲前少少的肉, 所以指甲一定要剪短) 去做,  呢個動作是有技巧的, 一定要快,  

不一定人人做到, 不如如果你擔心, 無論如何最好俾老世望左先, 指明俾佢睇原本有懷疑的地方. 我知有D老細鐘意屈錢.

另一方面, 呢個可以測出到底張碟值唔值錢.
好貴的大多唔批 , 老世一定親自來搞, 平的話老世望住都唔出聲.

kl122002

old8woman 發表於 2017-8-13 11:48
我都可以憑肉眼經驗檢查二手黑膠，知道是否仍然正常
命中率八成左右，/但亦有試過目測完美，
但一放落唱盤 ...

紋路入面真是好難知是實況. 我最多只可以由側光的反視佔到7成.
正常/良好的盤些點點, 是音軌的紋路來的. 不過是較深,  而且是正光下看到是入面而不是表面的位置.
炒豆果類碟的紋在側光中睇到較多一點點的野, 密密地, 不規則, 很近表面, 對比起正常/良好的唔同.  皆因是唱針搞出來的,  

old8woman

kl122002 發表於 2017-8-13 14:01
紋路入面真是好難知是實況. 我最多只可以由側光的反視佔到7成.
正常/良好的盤些點點, 是音軌的紋路來的. ...

尤其是一些因為使用平價唱盤(唱頭)而"唱傷",
不小心使用,粗手粗腳使用而弄傷的黑膠,基本上都較難看出
為甚麽我老公的黑膠唱片"幾老友都吾借"是有理由的

kl122002

old8woman 發表於 2017-8-14 20:18
尤其是一些因為使用平價唱盤(唱頭)而"唱傷",
不小心使用,粗手粗腳使用而弄傷的黑膠,基本上都較難看出
為 ...

以前我都用過平價盤, 當年真是深感其害. 針粗, 是可以發聲但無細節, 動態可言, 紋路可以說是唱一次粗一次.
今時今日都仲用人用呢種盤, 而且大呼"好聲" ....死得.
其實現在一個Project入門盤都已非常好.  

有位朋友譏諷得好 : "聽古典的都好鬼孤寒"   
以前黑膠不是貴, 心態上是唱壞了就再買一張, 非常少人注意呢回事. 不過聽古典的, 真是比聽流行曲的注重張唱片.   
講真, 只限識左好耐, 交心的, 知道有多少學識的我才借.

更重要的是我對人地用去偷錄我借出的黑膠非常反感, 而且撞破過不少, 從此斷交無數.   
如果是資金, 碟源問題, 我去幫手找找, 少量金錢的資助是沒問題, 但絕不可以借了就去錄一份當自己.