想講講(孤兒)同(殺人犯)既分別！有劇情。

tennishk

剛剛睇左(孤兒)，想講講同(殺人犯)既分別！有劇情。

兩套戲劇情好似，唔知邊套拍先，亦唔知有冇偷矯，或者可能真係咁矯。而我是睇(殺人犯)先。
首先講講兩隻套戲既細佬，(殺人犯)係一個細佬仔，而(孤兒)係細佬女，但孤兒個女仔年紀較大，演技亦較幼細。

劇情講兩個兒童同樣是孤兒，同樣是有不老証，當時睇(殺人犯)時，會覺得香港既兒童院點解會冇個女孩既記錄！
而睇(孤兒)就沒有這問題，一個俄羅斯來的小女，假記錄，我想如果(殺人犯)既男童交代是來自國內，可能比較合理。

(殺人犯)既男主角，城城身為警務人員，知道收養的兒子是凶手，竟然唔識拉佢，我當時在戲院睇，會諗，如果帶佢去醫院，乜都水落石出啦。
而(孤兒)講述養母曾有酲酒惡習，當養母知道養女有問題後，身邊所有人包括丈夫亦覺得是她自己因飲酒而生的問題！

兩套戲最大分別，(孤兒)由頭到尾，導演用拍攝手法拍出女孩由第一步踏入新家庭後，處心積累的犯案過程。
而(殺人犯)大部份時間，導演想觀眾玩999誰是凶手，而最關鍵的劇情，是兩位男主角以金田一方式用口述講10分鐘交代疑團！這亦是我覺得非常敗筆的另一原因！

當然，每套戲都有人支持，或者有人會較鐘意(殺人犯)，但我個人而言，就較為接受(孤兒)導演：豪梅寇勒特瑟拉 Jaume Serra 的拍攝手法。

Hon

人好得意既, 細路仔講野加埋個樣你都信, 到人左之後人地只會住你既成長紀錄同習慣, 所以呢兩套戲既編劇幾好, 可惜既係, 殺人犯中我覺得城城既演技over左, 過份刻意將自己既角色突出, 雖然到個 小朋友解開謎底時會嚇一跳, 但另一個感覺就係城城呢個角色好多餘  

相反孤疑將個故仔好平坦咁做落去, 雖然起伏不大, 但做得陰森同突如其來既效果, 一路睇係會知道個女仔就係真兇, 但佢捉到大人對小朋友呢種心態, 所以結局都算完滿小小地結束.....

elvisoph

可唔可以講下孤疑另一個ending係點?thanks

成龍大哥

可唔可以講下孤疑另一個ending係點?thanks
elvisoph 發表於 2009-12-13 21:47

冇咩特別,講個女仔打扮到好靚咁等人拉,,

成龍大哥

我覺得娛樂性重要D,劇情有多少反駁難免,聽古唔好駁古,

horace_tsang

tennishk兄分析得好好，我主觀上覺得港片抄橋多些〔當然無証據，但那些突兀的場口顯然是舖排不足引致"硬着陸"。〕

tennishk

我覺得娛樂性重要D,劇情有多少反駁難免,聽古唔好駁古,
成龍大哥 發表於 2009-12-14 00:34

當然，但當兩套戲無論劇情、人物也極為相似時，就難免另人作出比較。

LAWSON

我覺得孤兒有個優點亦係缺點,就係個女仔唔會長大,但係其實佢都係有老化到,佢係靠化妝既(有皺紋同牙黃哂),唔好既地方就係個女仔點樣可以化到咁後生呀. 同埋佢只係唔長大,唔係長生不老.冇可能冇老化.殺人犯就係犯左呢個錯處,佢唔應該話到佢係咁細個.

p.s我上星期四睇,星期六嚮csw見到乞兒仔.

stephenchiu

我睇完<孤疑>覺得非常好.
睇完<殺人犯>覺得好離譜.

faihim

我睇完覺得非常好.
睇完覺得好離譜.
stephenchiu 發表於 2009-12-14 22:58

同意.兩部比較,真係一天一地.淨係睇孤疑既小女孩主角既演技,已經值回票價.