Splatoon 2 偷跑試玩初心報告

阿定

昨晚 Splatoon 2 英文版偷賣了，如果昨晚有留意Game76 Facebook 應該見到有直播實機試玩的了





先講講遊戲內容，線上對戰Server已經開通了，不過有遊戲的人不多，要成功開局需要超強的耐性，我自己就成晚都試唔到，但有朋友去到深夜一點終於成功開局對戰了，上圖Lv16的是老任員工嗎？





第一代Amiibo可以用來刷衣服，上面兩張圖的頭盔就是用Amiibo刷出來的，亦可同Amiibo人偶係場館入面一齊影相，同其它遊戲一樣，Amiibo並沒有分區碼，留意番，無論你係第一代還是第二代，要刷出全部服裝都要先注冊amiibo, 咁就會出頭部配件，之後匯入服裝設定，再到線上對戰lobby叫出amiibo, 再打10-20場，就可以再得到第二件衫配件，之後再打10-20場就可以拿腳部配件，儲齊一套，而兩位第一代打氣用花技娘，則先要完成單機的Hero Mode才可解鎖服裝





單機方面，同一代一樣，有線下任務，主要作用算是練習操作吧，強烈建議新手先玩一會線下任務，頭幾日上線同人對戰，你只會被第一代老手玩家秒殺而已，先練好基本操作，再讓老手離開Lv1，遲一兩日才上線對戰也是好事



最後，版本問題，行貨跟日版，只有日文，無英文，如果要玩英文，咁就要買歐美地區的水貨了，昨天偷跑的就是英文版水貨，是沒有日文的！

Splatfest (祭典) 方面，一代時期係有24小時比玩家玩的，不過美日歐係分開的，主題同時間(時差)都有分別，但一樣可以同朋友組隊參加，不過時差關系大家都要係祭典時間入面玩才可以，平時對戰基本上是全球的，不用太擔心，地圖DLC亦係全球統一免費的，不過今集有無付費DLC仍未有任何公佈，估計有的機會不大，最多係同現實的商品做合作，送下衫褲咁，就好似日版係日本七仔預購有TShirt送架，小恩小惠而已！

未知的情況現在除了(祭典) 是否同一代一樣會有時差同埋唔同的祭典外，亦未知不同地區卡帶版本能否線下面聯，如果擔心的朋友，建議睇定點先決定，兩我亦會係日版發售後，盡快試英文版同日文版面聯，有問題歡迎發問

rck

你好，不好意思，想請問一下：
"要刷出全部服裝都要先注冊amiibo, 咁就會出頭部配件，之後匯入服裝設定，再到線上對戰lobby叫出amiibo, 再打10-20場，就可以再得到第二件衫配件"

不明白 - 匯入服裝設定，再到線上對戰lobby叫出amiibo, 再打10-20場
這是怎樣做的呢？