重低音壞咗維修一問

lopangkar

各位師兄, 如果你隻" 十仔 " 過咗保養期之後壞咗 , 而個維修價可能係買部新的 1/3 至1半 . 你哋會唔會選擇整 ? 定買過部新 ?
另如果唔整舊嗰部 , 你哋會點處理呢 ? 賣咗比 " 收買佬 " ? 會有幾多錢 ?
另多唔多玩年多兩年就壞的個案 ? 想睇下大家意見.

大mo

我隻8吋十仔上星期無啦啦都壞咗，不過就用咗5年，但少用，攞咗去整要收1500蚊，係買價約1/3價錢，因如果買個新嘅會考慮上10-12吋，但好昂貴，暫時冇錢買住，所以唯有維修。但如果再壞就一定唔整買個新，舊嘅就免費送俾人，等有心人攞去維修再用。賣俾收買佬D價好賤，送俾人無咁嬲。

lopangkar

近排隻十仔" 突然死亡" , 死因應該係份AMP 瓜咗 ( 邊忽就唔知 , 表面睇唔到 ), 叫做玩咗年半, 每星期2-3次. 當堂成個" O " 哂嘴 , 皮幾嘢貨 年半收皮 ! CHECK 下過咗保 , 大鑊 ! 打去代理問 " 先檢查費$900 + 運費$500" , 再檢查後報價整 ( 未見官先唔見$1400 ) . 跟住試下問 " 樂民維修 " , 佢哋就話有整過同款十仔 , 但都要預4-5千 . 真係愈窮愈見鬼 , 周身冇水嚟壞機 .
而家企咗係道望住部十仔 , 1.) 整 - 唔見錢 + 唔知整好可以玩多幾耐 ? ( 1年 , 年半 .... ? 電子嘢冇得估 , 要死就死 , 到時乖乖付款 . )
                                      2.) 唔整 - 賣 = 垃圾價 ( 比幾舊 )
                                      3.) 買過部 - 有冇好介紹 邊款冇咁" 瀨啊 "
須知玩電子嘢 " 撞手神" , 但冇人想遇到呢種 "短命" 音響.

toms110

lopangkar 發表於 2017-7-10 16:15
近排隻十仔" 突然死亡" , 死因應該係份AMP 瓜咗 ( 邊忽就唔知 , 表面睇唔到 ), 叫做玩咗年半, 每星期2-3次. ...

一睇師兄描述就估到係威達JL, 我都用緊112, touch wood未有事

scheuk

如果十仔系貴價款式，咁就整，如果只值幾千銀，吾多值得去整。

anson11

我隻 Sunfire 玩咗幾年都無事，

但玩完我一定熄機！

killbear

我曾經有隻 sunfire 十仔壞左拎去代理整 . 檢查費$500. 結果檢查左十個月先報到價俾我 $1500. 真是離哂浦. 個時我已經另外買左另一隻牌子十仔. 以後都唔會再買呢隻牌子十仔 .代理服務真的不知所謂. 早知拎去鴨記整好過

Jordan1107

師兄我的十仔也有些問題，出聲很微弱而且震動很少不知甚麼事？

茶母

我覺得考慮整先啦，當佢整係買新嘅3-40％就去馬，太貴先決定換新啦，環保嘛

Jimmyjimmy

威記十仔長開壞過兩隻，都係兩三年左右，宜家用完關大制