《蜘蛛俠：強勢回歸 Spider-Man home coming》睇後感

gashapon

雖然我係batman的fans, 但如果要講第一個我認識的superhero角色, 我就會答蜘蛛俠. 基本上第一次去睇superhero電影就係Tobey仔的spiderman, 所以一直都對蜘蛛俠的電影有興趣. 睇睇下已經由Tobey的"第一代"變到了現在的第3代了.

未睇今集之前其實有少少擔心, 因trailer中不停出現tony stark, 令我會擔心到底係睇蜘蛛俠定ironman. 好彩電影都係集中返peter為主, tony只係"陪襯"的作用.

成套戲都好睇, 不過有時會覺得, 雖然明知蜘蛛俠本身是一個比較喜歡搞gag的角色, 但都覺得電影中的gag/笑位太多, 變成有少少"低能"的地步.(例如Happy的設定) 同埋一開始peter"自拍"那段我覺得有點煩  XD

比起蜘蛛俠, 我反而更喜歡對壞人的描寫, 感覺更有血有肉. Keaton十分搶鏡. 其中某一幕(唔劇透) 見Peter屙屎唔出咁o既樣真係好緊張.

有少少不滿就係d CG做得唔太仔細? 因為我睇時, 某幾幕飛來飛去時, 都有種眼花花的感覺, 就好似睇變形金鋼時, 一變形就會out focus咁.

可能自己年紀唔細, 見peter是高中生的設定唔算太喜歡. 個人都係比較喜歡佢剛出來工作(例如spiderman 1,2) 那個時期. 另外就係, 除了第一代電影會真係拍到Peter同Aunt May好窮, 上一代同今集都係得個講字, 一d都唔覺得佢地生活有問題. 感覺有少少"離地". 反而Tobey版我見佢送pizza, 比老細鬧, 無錢交租等, 睇完真係會同情佢. 感覺會深刻d.

ps: 雷神條belt, 係叫"Megingjord"

radhk

>> 反而Tobey版我見佢送pizza, 比老細鬧, 無錢交租等, 睇完真係會同情佢. 感覺會深刻d.

x2

另外, 對豬豬俠套高科技戰衣, 我都唔太鍾意, 太高科技, 搞到另一個ironman咁.

正宗球迷

radhk 發表於 2017-7-8 13:49
>> 反而Tobey版我見佢送pizza, 比老細鬧, 無錢交租等, 睇完真係會同情佢. 感覺會深刻d.

x2

完全有同感, 件衫玩到iron man 咁款,全智能多左啦.
唔好話美國隊長件衫著左又會有呢個情況. 如果設定跟番上兩代咁做就正常好多啦,最多加多幾款武器已經夠哂.

正宗球迷

成套戲米高基頓做得好出色, 發揮得好好, 唔知回到homecoming 2仲有冇佢出.
個堆復仇者武器都好刻意簡介下,想有跟開既投入D, 之後幾部片就會出.

蜘蛛俠重返marvel studio後, 可能要夾番復仇者眾人能力, 佢唔可能做到上兩代咁, 一個近呼搞掂哂災難,
好似爛船咁,如果上兩集,應該搞掂哂,呢集睇到係要弱化佢,同時做到佢小朋友咁要tony不斷睇實佢.
獨立一個系列去睇, spiderman似係贏得好驚險, 只係靠個心去作戰既設定, 有別其餘英雄電影,以及上兩代.

漫畫入邊spiderman正式出勤係邊個時段,如果跟番復仇者,佢已經好早著件自製衫出社區執勤,
咁樣就可以解釋下初出黎阿ben已經走左,可以話佢比上兩代早左賺錢黎脫貧. 片中peter都有講may係已經過左一段好長既傷心期.

粗人敵卡

米高基頓做得好正

horace_tsang

唔太喜歡spiderman變成ironman契仔一樣，乜都靠佢，spiderboy就差唔多。講真，marvel入面，我最愛spiderman，是因為他的獨立性，而家變成復仇者一員，失去咗可觀性，重要裙腳仔一樣，aunt May又變成索女，我覺得好亂，會唔會下集aunt May索到有人追，原來係壞蛋頭目，蜘蛛仔大義滅親，ironman再阿番嬸嬸，不敢想像。

始終第一代Toby仔最好，情節上最合理，大家係覺得女主角唔夠靚罷！今集變咗黑人，重要高過spiderboy成個頭，下集可能揾個華人做女友，又有超能力，總之有咁前衛得咁前衛，唔係點吸引後生仔女入塲。

alleelarry

係記憶中，小時候看的《蜘蛛俠》沒有太多笑位，而且是十分冷靜，究竟是我記錯，還是經過多年演變，設定都變埋……

ltho3k

我睇左, 都係鐘意第一版蜘蛛侠多D,
而家新嗰個好似Iron man version spiderman...遲D其他Marvel 英進會否全部着晒 智能衫.....

gashapon

我對spiderman的戰衣變成"iron-spider"都接受到, 因為某程度上多了類似POV的鏡頭, 由peter眼中望見的畫面. 但唔太喜歡peter 一無o左件戰衣就變到好似一個普通人, 完全無晒spider sense 咁, 呢樣係我唔喜歡的.

漫畫中peter本身真係當tony係師傅, 不過civil war 入面佢錯信tony而公開了自己身份, 令到佢d對手去殺佢但錯手殺了aunt May. 電影版的tony正義好多. 今集故事中的peter只有15歲, 我又睇唔到佢點可以出來工作來幫補生活(佢連買背包都要問aunt May拎錢), 所以我自己都比較喜歡再大個d, 獨立d的peter.

mike384

該片的重點明顯係想將蜘蛛仔重新包裝，　將佢的崛起同復仇者綁緊，　方便日後的大量作品和商品的展開。
冇計，　本來就係個Star System的一名，　畀罪大獨立後都算好評，　今次結合都難免要洗底一番。
個人覺得該片太小朋友，　校園青春劇啦，　好唔好米睇觀眾口味Lor，　我就麻麻了。但考慮到迪迪尼係咩公司，　覺得都好合理。
而由於事前冇睇介紹同預告片，　鳥人的出現都算一個驚喜，　第一時間即刻諗到同名電影, 真心笑左出黎，呢招好野呀。
感覺上呢套直頭係Birdman 2 （好主觀的）