<同門> : 港版 Blu-ray "(實物圖)"

bananaman

Thank you brother xlarge for sharing your experience, I going to change the disc today but I think it is not necessary now!! The local br disc............

darren14

即係真係隻碟本身有問題啦.......重有諗過入黎睇睇..... 畫又唔得, 聲又冇甘"忽"....

chongun

呢套戲好彩係租回來,我真係好耐未睇過一奪咁差既blu-ray,劇情本身無咩好講,都係一般黑社會片種加d粗口對白。
但係d畫質完全侮辱左blu-ray, 我可以話靚小小質數既DVD都好過佢。 至於音效, 什麼True HD,跟本無用武之地, 我唔會搵到邊一段可以攞去試聲, 好唔明出blu-ray來做咩, 簡直係屈水之作, 我$25租金兩個人睇都俾多左呢套戲...

劉一舟

所以我不嬲都話 "環乳出品，一定死梗" 就係咁解！！！


P.S.質素同 "警察故事" 港版BD比又如何？

朗

尋晚租左呢套同門既BD睇, Dolby True HD 7.1廣東話同國語, DTS HDMA 5,1廣東話都無問題. 畫汁雖然唔算特別正, 但肯定好過DVD. 1.85:1既畫面比例, 睇呢類非常唔寫實既寫實黑社會港產片就最岩feel, 聲效就無野好講, 呢的成本所限既港產片點可能要求有, 甚至好多試機位呢? 實在, 亦唔見得, 亦唔可能套套荷李活劇情片有試機位啫.

講番劇情, 套用官恩娜係製作特輯入面所講, 套戲係應該當一部偵探片甘睇, 事實上成套戲係故事上都盡量鋪排好多伏線前後呼應, 比觀眾可以稍為用小小腦去follow. 選角方面, 黃貫中, 陳子聰, 恭碩良, 以至一出場無耐就中槍戲份唔多既潘源良, 四個社團大佬都演得好自然, 性格鮮明, 配搭好有新鮮感.

作為一套商業片, 絕對收貨. 作為一套港產片, 值得支持.

何況, 袛係兩張套票13蚊多D既租金啫.