無咁多錢買原裝第一版的陳慧嫻 – 歸來吧 黑膠; 實在太貴啦; 最近有新出的 RE-ISSUE ; 仲話要 Abby-road re-mastering , 諗住無死錯人啦; 點知又一次中伏!
坦白講, 反覆聽左幾次, 完完全全唔似聽緊黑膠; 仲衰過聽 CD , 隻碟既高清味十足, 重要過多添, 我起初以為我個唱盤好耐無調校過, set 錯野, 點知聽夏韶聲隻 “諳 1” 好正常喎, 再聽番慧嫻呢隻碟, 依然高音好多, 係聽到好多濕碎聲, 但係好人工化, 完完全全做出來的感覺, 聲音重有啲假添! 因為高音誇張的部份, 變相搶走人聲部份, 出來效果好唔正常! 低音係有既, 但係係比較低的部份才聽到, 中間最可貴的 mid-bass 部份無左好多! 好彩係聽女聲, 如果唔係就好難聽!
跟住唔服氣, 攞隻圖案碟出來聽, 電平雖然比較低, 要開高2格,音質雖然平平無奇, 但係起碼係正正常常, 無咁誇張, 起碼聽到佢係唱緊歌, 唔係聽緊 HIFI 效果!
(雖然聽CD係讓賽, 價值為唱盤價的 四分一, 不過都要比較的)
聽隻金 CD, 坦白講, 隻金碟係高音比較多了些少, 但起碼正正常常, 音色一定好聽過呢2 隻黑膠!
再聽隻精選88 系列, 雖然唔係有好多歌相同, 但聽最尾首 “月亮” , 點知音色及平衡度, 全部贏晒; 高, 中, 低瓣瓣齊, 聲音密度都係好足夠, 好似梁朝偉話齋, 好浮, 浮晒出來, 無嘜邉瓣少左, 唔怪得之咁多人炒舊碟買來聽, 有個中道理的!
一早啲前輩已經講左, 聽 CD 好過聽 RE-ISSUE 啲中文碟, 點知比佢講中晒, 唔服氣都無用, 又一次中伏!
其實唱片公司現在已經係食老本, 全部出晒啲番抄碟, 都唔緊要, 好心出碟前自己聽一聽啦, 唔好賣咁多廣告, 慳番啲錢請啲有質數既公司做碟啦, 還是真係大火燒晒啲 master tape ? 搞到無晒所有質量可言 ? 再咁落去, 真係無嘜人再肯比錢出來買碟架, 我地班發燒友已經係真金白銀比錢買碟既一群人, 如果唱片公司搞到連我地都死心既話, 大家諗吓將來會發展成點? 祝大家越聽越好聲!
|
[複製鏈接]
[img=240,180]http://i1268.photobucket.com/albums/jj562/ernietse/20181111_102154_zps2zgy6okj.gif[/im
發表於 2017-6-27 22:52
晚上好
巧巧聲 哇 !
