帶大家去行下日本最大型既二手影音店

takeishi

見最近悶悶地~不如. 帶大家去日本行下當地最地道既二手夜冷影音店呢.

大家去日本. 不外乎都係行新宿, 池袋. 上野. 呢D地方. 就算搵碟啦. 最多都遠極都係去横浜。
今期我帶你地去個另類D冷門D既地方搵碟. 東京~八王子.

東京~八王子 , 其實呢個地方都唔錯架. 京王線十幾個站就到. 其實唔係真係太遠既. 由新宿去都係40分鐘左右.
而且八王子都算靜中帶旺. 百貨公司. Tower Record, HMV 都有. 最重要既就係. 佢有間好大間既BOOK-OFF, 同埋. Hobby Off

BOOK-OFF 大家都識~係日本最大型既二手CD同書既連鎖店.
不過. 我呢期介紹俾大家知既係BOOK OFF既姊妹店. Hobby Off

HOBBY OFF ~ 集合左所有影音既二手夜冷店. 晌裡面你可以搵到所有. 有關影音既二手野.
例如. HI-FI啦. 喇叭啦. M啦. 碟啦. 總之. 你諗到既. 佢都會有. 你諗唔到既. 佢亦都會有. 包你有意想不到既驚喜

而且價錢呢. 絕對係十分之超值. 晌日本買二手野. 大家可以絕對放心.
唔怕貨不對辨或者係品質有問題. 因為佢地會CHECK過晒Work唔work先至放出黎賣既.
所以~如果大家真係驚有問題既. 亦都可以即場試到滿足先至俾錢, 當然啦. 二手野.
唔會有保養架啦. 但係~唔鍾意既. 你可以拎番返黎trade or sell番俾佢地.

好啦. 事不猶遲. 起程. 由新宿出發. 坐京王線就可以直達八王子.






  路經有間好靚既建築物~係間酒店. 晌度住一晚都唔錯架. 順便可以搵下碟.   




晌八王子車站行十分鐘左右啦. 就見到架啦.






成坐都係賣二手影音野. 有book-off啦. hobby off啦. mode off 啦. 咩off都有齊晒. 爭在無fuxk-off架昨.



  由門口睇入去你已經feel到佢有幾大幾誇張.



入到去~唔駛講, 你問我. 我梗係先去睇碟先架啦. CD多到嚇死你. 我唔介紹啦. CD二手碟度度都有.







最開心既就係. 佢連黑膠碟都有. 而且藏碟量都算豐富. 咩野類型都搵到得
淨係睇碟都搵我個幾兩個鍾啦.












  當然DVD都一定會有啦. 不過DVD我就真係無咩興趣啦.




其他野~例如擴音機啦. HI-FI. 喇叭. CD機. 黑膠碟機. DVD機. 總之. 你想要咩. 佢都會搵到.








我見到有個黑膠盤我好鬼死鍾意架. 都係5千幾円、都不合幾想搬佢返香港.
只可惜我果日行程唔容許我拎住部咁重既機昨. 如果唔係. 我一定買佢返屋企呀.






大喇叭, 小喇叭. 咩都有 ~ 總之. 你一定搵到你想要既野啦. 只不過問題係. 點樣搬佢返香港咁解既姐.










除左機之外. 重有好多細細件既PART零件.






重有好多好多100円任揀既碟. 晌佢度. 包你可以行足一日一夜都無問題呀.











玩具佢都有架. 不過唔係我杯茶. 所以都無咩點留意




好啦~下次去開日本. 大家可以多個地方考慮下去搵碟啦.
呢度就係叫做.........八王子啦.

player

的確正 .... !

countryboyhk

呢間 hard-off 真係勁大間 我睇過d youtube 片, 有d日本人用一千, 幾百羊就托左部 mini hifi 番屋企, 仲要操作正常.

jimmy188

正到冇朋友，可惜冇十萬分俾，若果有一定要俾盡師兄你……
師兄真有心，影埋相，圖文並茂，呢度已經冇乜人分享心得了……反而鬧爆多的是……真心讚呀！！

teddyng637

師兄，想一問你，東京一帶邊度有一手或二手 Blu-Ray 買呀？？

takeishi

countryboyhk 發表於 2017-6-27 17:04
呢間 hard-off 真係勁大間  我睇過d youtube 片, 有d日本人用一千, 幾百羊就托左部 mini hifi 番 ...

我睇中左個sony黑膠唱盤, 迷你型果隻呢. 嘩~勁想搬佢返香港. 5千幾円. 3百幾蚊. 又型又靚仔.
只可惜. 果朝早我神咁早去八王子. 夜晚重有鬼咁多行程未行. 我無理由袋住個唱盤由朝行到黑架.
所以~最後迫住唯有放棄. 唉.....下次我一定會揀夜晚先去. 掃完碟順手拎番酒店.

ykluk

呢個post超掂, 要收藏先~

keith688

師兄:好詳細

jasugun

呢間好似係全日本最大
不過旅行好少會去到果頭
未有機會朝聖

countryboyhk

takeishi 發表於 2017-6-28 16:10
我睇中左個sony黑膠唱盤, 迷你型果隻呢. 嘩~勁想搬佢返香港. 5千幾円. 3百幾蚊. 又型又靚仔.
只可惜. 果 ...

可以寄宅急便番酒店 當然最合理係買左之後, 係你行程既下一站個 JR 站, 用 600羊租個 大LOCKER放住先 , 夜晚攞佢番酒店

下次再去, 記住大手大手買, 然後直接打包寄船番香港