實試 X-mini SUPA 模擬環迴立體聲藍牙喇叭

阿定

早前見到Post76 同其他媒體都有介紹X-mini SUPA 藍牙喇叭，其中好多報導都有特別提到打機特別好聲，所以就問小瑟幫手借了一部回來給Game76平台試試實機效果啦。

呢部模擬環迴立體聲藍牙喇叭一到我手，我就立即接駁去近期大熱的Nintendo Switch了(要用3.5mm插頭)，但我覺得D聲都無咩特別呀，好多藍牙喇叭都唔見得會差過佢啊，咪又係藍牙喇叭一個，但當我轉用Theater Mode後(按開機掣一次轉Mode)，成件事係唔同晒，打拳聲感覺到拳拳到肉，飛車聲前去後，左去右都聽得好清楚，連架車入了隧道都聽到少少回音添，感覺似加了小型Subwoofer咁，重低音同環迴立體聲變得好突出，又真係交到功課啊。



跟機會有個座送比你，聽講係頭500部先有，但我寫呢篇稿時，見街鋪仍有送，底座十分重手，真心覺得穩陣，可以摺埋，收番埋都唔算好阻頂，，基本上你夾電話，夾Switch，夾iPad都唔成問題，好似我咁，夾住部Switch再放個喇叭上去，都幾Perfect Match！

最後，(無認真地)試了用iPad同電話用藍牙聯機聽歌睇戲，老實講，開Theater Mode睇戲係唔錯的，不過聽歌就未必隻隻歌都適合開Theater Mode，呢樣就要留意番啦

下面有實機試玩的片段，不過只係用手機拍攝，接收回來的聲同現場好大分別，不過都可以比大家參考下，最少證實到我係真係試過用過先介紹比大家就是(笑)。

ARMS篇
Mario Kart篇


Post76 早前的介紹: 手機、平板電腦Soundbar！X-mini SUPA 模擬環迴立體聲藍牙喇叭

leedsu

thanks, I bought one already.