小收穫 大公開 (3月12日 日版 鉄板燒 實物圖)

evafan

回復 290# victor_wong


    而家後悔跌價個時無入lor

victor_wong

回復  victor_wong


    而家後悔跌價個時無入lor
evafan 發表於 2011-11-17 11:44

睇吓聖誕有冇機~~

jack331

回復  victor_wong


    而家後悔跌價個時無入lor
evafan 發表於 2011-11-17 11:44

    我都係咁話, US$62咋

victor_wong

有邊套戲同導演嘅戲, 可以令我不顧一切同時入兩個版本? 答案就係 奇洛斯基, 同日收貨, 衫都未換已經要開封同測試, 終於証實英版有 DTS-HD-MASTER AUDIO 5.0, 我偷偷哋用部 Sony A 區機播, 哈, 竟然播到喎! 盒面同碟面寫 B 區, 原來係吹水, 同美版 Criterion 比較, 美版 2.0 得左右聲, 感覺上差很遠一始終中置出對白聲好 feel 好多, 而 SF 方面, 美版可算係全面勝出, 但論包裝, 我都係鐘意英版多少少, 三個 BD 盒, 三個原本封面, 簡潔得嚟毫不造作, 美版全紙皮包裝, 好易花同爛, 論畫質, 美版比較實同黑位清, 但我個人比較鐘意英版畫質, 感覺上雖然比較 soft, 但感覺很自然; 唔怕講, 我仲訂咗隻舊版 DVD Boxset, 因為 SF 有少少唔同, 但件貨仲喺運送途中.

幾隻鎖 B 碟方面; Touch of evil 同 楢山節考, 係心頭好, 唔入真係有少少周身唔舒服; The Conversation  同 失憶大道 都等咗好耐至入, 前者同美版唔同係有本書仔, 而 aspect ratio 亦有少少唔同, 美版係 1.78:1, 英版係 1.85:1, 各有好壞, 但我入咗英版, 就唔會再入美版; 至於港版 Super 8, 一場撞火車, 雖則係 TrueHD 7.1, 但冇比 DTS-HD-MASTER AUDIO 差, 簡直係重現戲院 feel, 最重要係, 我 D 器材只係一般, 証實隻碟做得好好, 而港式中字嘅提供亦做得好好, 洲立都算爭返啖氣, 如果 Box Set 可以做好 D 毫更理想, 嚟緊 M.I. Box Set 恐怕都係同恐龍 Box Set 一樣一都會係一盒一 case 三碟求其了事吧.

victor_wong

再加三隻 Criterion 同隻港版 影武者, 12 怒漢 雖則拍於 1957, 但娛樂性一流, 各人演技很好, 冇過時感覺, 而 Rushmore 我覺得係百看不厭, 非常爆笑, The rules of the game 係純懷舊, 點都要一看; 而 影武者 畫十分麻麻, 但最重要係中字加 5.1, 美版 Criterion 都係得 3.0, 問你點可以唔入隻港版沖喜吓!

jack331

有邊套戲同導演嘅戲, 可以令我不顧一切同時入兩個版本? 答案就係 奇洛斯基, 同日收貨, 衫都未換已經要開封 ...
victor_wong 發表於 2011-11-26 08:20

    ching介紹紅白藍呢套真係唔錯, 一直都想買黎睇, 知道英版無鎖就可以安心買, 其實CC版個包裝我都幾鍾意.
另外其他果D戲都介紹得好好, 因為呢D戲我一套都未睇過, 可以睇住ching的介紹黎買

victor_wong

ching介紹紅白藍呢套真係唔錯, 一直都想買黎睇, 知道英版無鎖就可以安心買, 其實CC版個包裝我都幾鍾 ...
jack331 發表於 2011-11-26 12:58

Oh ching I just tested it again. For the UK version. If you need to access to the SF. You still need a region B blu-ray player. Sorry for the mistake. The movie itself is region free   

Fabregas

師兄原來都係Kieslowski迷！
呢位導演對小弟睇戲既興趣有極大影響，係佢令我對啲冇咁商業味既電影有興趣！
由Dekalog錄影帶已有收藏！
兩生花，藍白紅亦有LD， DVD，Blu-ray!
英版有DTS-HD-MASTER AUDIO 5.0,，正！包裝我都鐘意英版，較有當年LD，DVD feel!
音效係藍白紅三部曲好重要，因戲內想表達既嘢其實好多係由配樂而唔係對白交代！

jack331

Oh ching I just tested it again. For the UK version. If you need to access to the SF. You still n ...
victor_wong 發表於 2011-11-26 13:43

    SF鎖B唔緊要, 我有HTPC

victor_wong

師兄原來都係Kieslowski迷！
呢位導演對小弟睇戲既興趣有極大影響，係佢令我對啲冇咁商業味既電影有興趣！
...
Fabregas 發表於 2011-11-26 15:05

以下含劇情, 未看者不要閱讀

Fabregas jack131 CHing, 呢套藍白紅昨晚再睇, 感覺依然強烈, 只可以用 " 觸動人心" 嚟形容, 就算唔講結局, 故事以 " 自由 ", " 平等 "," 博愛" 法國三色旗嘅 symbo 互相交織出三個看似互不關連, 最終但卻又息息相關; " 藍 " 嘅開始係一場交通意外, 女主角失去老公同女兒一自此困在自己嘅世界當中, 借朋友之情, 甚 至肉體, 去忘掉內心深處嘅傷痕, 自己不能哭泣, 別人 (工人) 看見她, 只能說見她不能哭, 只好代她哭好了, 人同人之間嗰種相如以濡, 盡在於此, 失去自由, 並不只限於肉身, 心靈深處, 聽到街外傳來音樂聲, 也不難感受到一陣陣悲痛.

白當中, 透過男主角渴望得到移民身份而做盡一切的方法, 以喜劇形式表達, 當然表達了社會不公平之處, 但亦帶出人需要那種 sense of belonging 的訢求, 繼承自由嘅主題亦非常合理, 為身份, 你會願意付出多少代價, 又是否值得呢?

去到紅, 作為 Model 嘅女主角, 與因前犯錯而與世隔絕那法官嘅一段友情, 特別係女主角, 片首要相一張側面海報, 攝影師要追求那種表情悲哀, 竟最終在遊船災難中無意中得到, 法官亦漸學會關心別人, 不只困在自己嘅世界當中, 博愛之情同主題亦此帶出, 這完全可與藍嘅個人封閉世界, 擴展到張開眼睛看世界的主題一脈相承, 藍那超級近女主角眼部 close up 聽醫生告訴她悲劇嘅發生, 到紅結尾所有主角同在船上穫救, 也說明咗大同世界, 巧合有時係意外, 但都係必須嘅生命元素之一.

電影結論係, 從失去心靈自由, 到個人身份自我肯定, 到人與人及世界的溝通技巧; 還是 Kieslowski 最喜歡嘅命題之一, " 哲學 ", 何謂生命之價值, 透過藝術嘗試表達了, 誠意盼望, 十誡 Dekalog 即使係電視劇也能夠出 blu-ray 啦.