Onkyo TX-NR626機過保無做登記無單

xxmartin

Szelong 發表於 2017-5-25 10:42
可能係BD個掣死左，不停俾訊號，導致其他掣無反應

我打聽過深圳兩間非官方修 Onkyo avm機既店，都係一樣咁線上分析，一間佢話可以我自己折個面板比佢修報價300人仔，修完自己裝番，另一間要成部機比佢chack，燒cpu的話無得整，唔使收錢，其他問題600全包咁話..............

其實兩邊價錢我都可以接受，問題當然係太遠啦，如果真係搬上深圳，前者當然係首選，起碼唔使成部機搬，不過，雖然佢好實牙實齒話壞面板機會率好高，但唔包整完100%無問題，因為始終唔係成部機比佢check...............好煩惱唔知點決定，再睇過網上check到香港修呢科既鋪頭，一係就老人醫院，掉低部機封晒塵都未必開始答到幾時整完，一係就整完保三日，搵到既評語都好似唔多好咁

ps:師兄係咪呢科？如果係可以私下針針嘛？

xxmartin

ylcheung 發表於 2017-5-25 16:02
應該一定會過千元的，不如考慮換過－部比較化算！

過千就肯定唔會整啦，其實之前用果部Pioneer幾千蚊既入門機都好地地，係無咁多野玩，輸出又得一個，但係勝在穩定，之後自己貪得意放左去轉呢部，講真，用落其實一直有好多奇怪問題，只不過無時間去理，因為有時佢又正常番，所以無深究，估唔到真正壞機都係發生係過保養既時日.........真係設計得好準確

bigair

bd/dvd固定 << 即係轉唔到其他channel?

tonyl626

AV amp 過咗保養期都係換過部好過，番原廠整貴到飛起，攞出街整就冇零件。

xxmartin

bigair 發表於 2017-5-25 16:55
bd/dvd固定

開機出現畫面

我詳細再講比師兄你分析一下
現在開機一插電源會自動著機，著機後所有能按的制都沒有反應，包括紅光線遙控接收，頭一次開機(對上一次開機一個小時後)，會出現圖中顯示，間斷性亂按掣可能會有些反應，例如volume掣，不過都只係一迅間反應 ，同埋100%會固定係bd/dvd通道(會有畫有聲正常輸出)，不過一樣所有掣都用唔到，試過出現如果唔理照樣繼續開著，出現過自動跳去CBL/CAT通路、又或者機身顯示屏無燈著(只顯示HDMI2.2左上角小圖案).........

以上是冷機插電既反應，之後拔電再插，開機後，都之會固定在BD/DVD通路，機身顯示唔會再出現上面既"奇蹟"

以上全部測試，只接插輸出一個主區hdmi輸出，輸入就淨係插hdmi bd/dvd一個、其他全部抆走晒

Szelong

xxmartin 發表於 2017-5-25 16:15
我打聽過深圳兩間非官方修 Onkyo avm機既店，都係一樣咁線上分析，一間佢話可以我自己折個面板比佢修報價 ...

依幾日係hifi展，未有時間可以幫你整

xxmartin

Szelong 發表於 2017-5-25 17:15
依幾日係hifi展，未有時間可以幫你整

我等完左個展之後都可以啊，不過師兄可以講講大約時間、流程、地點、費用比我知嘛？因為我都係第一次要為擴音機修理問題苦惱，沒經驗啊！
私下傾都可以，先謝過大師傅

bigair

xxmartin 發表於 2017-5-25 17:12
我詳細再講比師兄你分析一下
現在開機一插電源會自動著機，著機後所有能按的制都沒有反應，包括紅光線 ...

能按到 CBL/SAT + ON 制 reset嗎？

xxmartin

bigair 發表於 2017-5-29 14:35
能按到 CBL/SAT + ON 制 reset嗎？

試過好多次唔得，因為一插電源，就自動開機，開機時所有掣都無反應，即係面殼上，所有掣包括紅外線接收，熄機都係要拔插蘇，唯一仲有反應就係個3.5mm插試聲場既插，插落去會識去Audyssey MultEQ: Auto Setup，不過都係做唔到下一步落去。

茶母

檢查吓機面啲掣有冇撳咗入去彈唔返出嚟，或者攞風筒吹吓部機先開機，

抆走哂機身所有插試吓有冇事，都唔得都係拎去維修或者換機，

但都係建議拎去行維修，反正檢查費係咪都要收(過咗保養)，而且檢查完都要報價俾你整定唔整，

唔啱價咪唔整囉，

拎上大陸整咪又係要搬部機上去，又或者拆面板師兄你識拆還好，唔識拆到時攪到一鑊泡重煩。