小朋友病, 真係好辛苦!!

小瑟

見到佢有鼻涕, 又唔識"新", 有啖, 又唔識CUT, 又發燒, 又訓唔到, 睇左二次醫生, 尋晚介2點幾發高燒, 即時飛去法國睇急診, 囉左藥, 食左一日, 都係冇用, 頭先仲要呵多次爛屎.......唉.......真係唔知點好, 大家有冇類似經驗可以分享下呢??

大家又係睇邊個醫生架?? 通常要睇幾多次先好得哂架呢????

雷因

而家仲發緊高燒？

wildwolf007

小朋友幾歲?
小朋友普通發燒唔洗太緊張,發高燒都係飲多d水,
如果39度以上就要用塞肛藥,同用暖水沬身,都唔得就真係要入醫院睇下.
冬天係特別多病痛架啦.

Westdoor

瑟哥,
見到個仔病,身心感覺重慘個自已病,今年中仔仔發燒兼疴嘔,一晚過後情況依舊,又係飛去法國,斷診係輪狀病毒感染,即時吊水入院,前後住左四日......因無買住院保險,埋單計唔見左部Nikon D700,幸好並無後遺症.
我條靚睇開紅堪兒料醫生吳天柱,細心加斷診準,但要等起碼兩粒鐘,又唔玩電話掛號....吹脹.
P.S.Dr.Ng 係超級音響,音樂發燒友,診所內有蛋機播唱LP名盤.超靚聲

小瑟

真係奴感動, 沖完個涼出黎就有三位好鬆弟回應我, 太好了!!!

而家仲發緊高燒？依家退左了, 今日都好彩, 冇燒過了!!!

小朋友幾歲?小朋友普通發燒唔洗太緊張.....小女依家15個月大, 尋晚就係 39.5度, 塞左肛藥了, 其實我地自己可唔可以去買定D肛藥返屋企看門口架呢???

見到個仔病,身心感覺重慘個自已病,今年中仔仔發燒兼疴.....西門兄, 真係好多謝你關心呀, 輪狀病毒真係唔野小呀, 所以我都同個女食左預防藥, 講開保險, 小女有買住院保, 經過呢次之後, 諗緊好唔好買埋一般醫生保 因為咁樣攪攪, 都唔見左我一部BDP了.......係呢, 唔知可唔可以 PM 吳醫生既DETAIL比我, 等我有需要時可以搵佢幫幫手呢???

wildwolf007

塞肛藥放入雪櫃可以放好耐,
通常睇醫生都會開定d看門口.

醫保睇個人,我就冇買,因為(touch wood)都係小病.

avmilk

小女呢2日都有鼻水...又驚佢吾夠衫但又驚著得多局病佢！

wildwolf007

小女呢2日都有鼻水...又驚佢吾夠衫但又驚著得多局病佢！
avmilk 發表於 2009-12-6 22:46

你摸佢手仔就知佢凍定熱,夠唔夠暖.
真係怕佢凍就帶冷帽,好過著得太多衫.

MarkMak

C hing，塞咗肛藥一般出身汗就好快退燒，但小心藥力退咗就好快燒返，如保持39度或以上不退，就入院la，小朋友發燒比大人普遍，因要升高体温打病菌，但如發高燒不退就要入院，所以我一般都suggest我D朋友買保險(ps 我不是sales)，因一般入院好似我個仔之前甘，都會住三、四日，住私家大約15K，我嗰次claim保險仲有幾佰蚊入袋添 (依家月供約400)

avmilk

你摸佢手仔就知佢凍定熱,夠唔夠暖.
真係怕佢凍就帶冷帽,好過著得太多衫.
wildwolf007 發表於 2009-12-6 22:51

ic...
依家密d同佢探熱, 希望只係小問題啦～