教你如何不用申請信用卡都可以上網買東西

阿定

其實大家可能唔知，信用卡唔一定要申請的，便利店其實可以買一張信用卡回來的，同買一張八達通差不多，買你想要的金額，然後打電話或上網登記開通後就可以使用，你入200蚊，就可以買200蚊內的野，用唔晒，可以留下一次用，唔夠錢，可以去增值(有最少增值金額，一般為HKD500，所以可能用一次買一張更好)



我們先假設大家要買任天堂eShop的遊戲，大家可以先上網(MasterCard官網)睇睇匯價，例如你要買5000Yen，海外簽卡有1.9%手續費(實際手續費請查詢發卡機構)，即係你要增值357蚊，如果穩陣少少，可以增值360或370蚊(因為匯率會有波動)，咁你就可以購買5000Yen的遊戲的了



同樣地，大家亦可到Amazon 日本或美國之類的網站，購買點數卡，無論係任天堂，Playstation，XBOX都可以，不過要留意番係咪Email比Code你，而不是寄給你的 (如果要求有日本或美國地址，自己找一個當地地址填入去就可以，至於你如何可以得到當地地址，我就唔多講啦) (迷之聲:日本旅行時好多人用酒店地址收貨)，如果改了日本地址都不讓你買，請試用電腦版瀏覽器



同樣地，大家亦可以到Amazon之類的網站購買實碟或其他產品，如果購物時發覺單筆消費有上限時，例如只能每次買最多1000蚊，可改為先增值Amazon戶口，然後再用結餘埋單


注1: 據說Tag & Go係任天堂eShop不能購買遊戲，有待大家報告 (25/8更新，已有師兄實測 Tag & Go 無問題可到美日區任天堂eShop購物)
注2: 實際使用要留意番唔同的發卡機構條款，大部份要取回錢出來係要手續費的，而部份係頭一年免收月費，之後有可能收月費，所以建議大家買回去後最好盡快使用，要幾多才入幾多錢落去，相隔太長時間情願買過張新卡都唔好增值張卡

阿定

呢期Switch大熱，我地用Switch來做介紹，日本eShop出日文的，大家對番個位應該就可以啦！



先揀好你要買的Game，然後揀 Purchase (購買)



之後揀番用Credit Card(信用卡)



第一個係揀要幾多增值幾多，例如你要買USD19.99，揀呢個就會收你USD19.99架啦

而下面其他係增值一個數目入去，例如增值USD50，咁買完Game後就會有USD30.01留番下次用

如果比完錢，收到SMS過左數，但都無得下載，好大機會係你信用卡公司以為你張卡比人盜用左，所以買唔到，基本上你有兩個解決方法，買多次一樣的，月結單來時睇下會唔會扣了兩次錢，多數只會扣一次錢的，如果不幸扣多了一次，打去Card Center同佢地講扣錢錢，一般都可以解決，如果怕事後追會追唔到，亦可以即時打上去Card Center，問下係咪扣唔到數，一般Card Center係會即時答到你的，Card Center電話就係你張卡後面有寫，個別銀行打去係好耐都無人聽，呢個要留意番，要有少少耐性，如果實在唔想咁煩，用番上面的方法，去Amazon買點數卡吧！

阿定

另外，日本 Amazon買 Switch 的下載版遊戲，係有特價的，會比你係eShop買平少少，不過同香港買實卡比，仍未夠平，因為香港買Game除非炒起，否則多數平過日本買，但如果你想買下載版，去Amazon買 Download Code都可以慳番少少錢，而如果無實卡賣的Game或DLC，咁就更加適合了



以下係小編精選後，其中幾個比較受歡迎的購買頁面連結

Overcooked 2

Splatoon2 Octo Expansion

薩爾達傳說 曠野之息 Expansion Pass

係Amazon買完，可以係Amazon網頁的  Order History 或 Game Library 睇番條Code，



之後去日本eShop入番條Code就可以了，無論買Game同買點數卡都係呢度入Code 兌換就可以要留意番的係日本Amazon買的遊戲，要去番日本eShop兌換











如果開戶時揀了香港地區，你係連eShop都用唔到的，咁你就要跟以下方法把戶口轉番去日本地區啦
如何更改 Nintendo ID 賬戶地區

googleli

如果想課金玩足球小將可唔可以買日本iTunes點數卡，唔想野野落金源先課到金

阿定

googleli 發表於 2017-6-23 16:24
如果想課金玩足球小將可唔可以買日本iTunes點數卡，唔想野野落金源先課到金 ...

有無試過JCB信用卡？Aeon同東亞都有出

Szelong

我尋日都落左坑，係信和買行，送套同貼要$2850,
不過老婆用刀指住都要買，但我就開唔到eshop,有乜野要setup？

阿定

Szelong 發表於 2017-7-4 15:48
我尋日都落左坑，係信和買行，送套同貼要$2850,
不過老婆用刀指住都要買，但我就開唔到eshop,有乜野要setup ...

入錯香港戶口？

Szelong

阿定 發表於 2017-7-10 18:36
入錯香港戶口？

開錯香港account

阿定

Amazon做緊日本任天堂點數卡95折啊
2017年8月21日(月) 9時30分 ～ 2017年9月4日(月) 23時59分 (日本時間)

https://www.amazon.co.jp/b?node=5347837051



用來買Monster Hunter XX 都只係410蚊

1. 先去Amazon買6000Yen點數卡，折後約HKD410 (間間銀行匯價都不同)
2. 到主機內的eShop脫換點數
3. 在eShop購買MHXX，今晚11點下載遊玩(通常9點都會有得下載，可以試下)

買了的點數，要等Amazon發貨，有可能要一兩個鐘或更耐，發貨是經Email的，也可以到Game Library查看





P.S.: 如果改了日本地址都不讓你買，請試用電腦版瀏覽器

阿定

Splatoon 2 的 付費 DLC Octo Expansion Amazon JP 做緊特價


-->按我購買<--

教學: 如何在Amazon購買下載版遊戲

首次係Amazon購買，有可能要等一陣先收得Code