本帖最後由 matt88p 於 2017-9-9 14:57 編輯
jasonfussy 發表於 2017-9-9 10:00
係咪o係個分頻點度set?
因為我用緊書架喇叭, 個分頻點教到70
師兄真心講分頻點真係好難講幾多, 因為我自己本身用pionner 901, 我front center全部行large = 全頻 + double bass至於surround同天花喇叭就全部80hz.
不過如果講番ButtKicker setting, 其實有幾個方法令到佢自然啲:
方法1)
ButtKicker上面有三個eq, movie, music, game. 其實震得最自然係movie mode, music mode既震動其實係最強, 因為佢要突顯音樂beat嘅特性, 如果music mode震動唔強返啲, 通常beat嘅節奏好短, 會感覺唔到, 所以相對如果用嚟睇戲會太誇張, 但係聽歌或者演唱會嗰陣比較適合, 同埋好得意一個地方當你裝咗ButtKicker喺梳化聽歌嘅時候, 你會好明顯清楚聽到多咗一陣bass, 尤其低音結他更為明顯, 因為其實呢隻ButtKicker係有聲嘅, 好簡單你試下攞一個紙盒, 放隻嘢上去, 完全唔用喇叭, 跟住聽首歌, 你會聽到隻嘢會發出最低嗰浸音樂聲, 好搞笑.
咁講埋game mode, 呢個模式嘅振動最弱最短, 我自己邏輯上認為(未必一定啱), 呢個設定應該因為打機嘅時候震動比較多同頻密, 因為大家都知打機嘅時候有時同一個頻率出幾百萬次, 尤其係槍game, 如果每一槍都好勁咁震一下, 我諗都幾大負荷, 所以呢一個模式原廠設定相對會比較弱.
所以講到最後一般睇戲都係用返movie mode, 但係有時因為有某啲戲低頻設定唔一樣, 我試過有陣時某啲movie可能套戲本身低頻太強會令到ButtKicker唔自然, 所以有時係咁嘅環境下我會將佢轉做game mode, 整體立即會自然好多, 因為本身game mode比較弱同短.
(有一點需要一提嘅係, 其實一般如果你ButtKicker set好咗, 攞咗平衡, 有七成八成以上嘅戲, 其實都可以一個setting搞掂, 只係有時有某幾套戲特別係需要改動setting)
方法2)
當然佢遙控亦都有volume調教大細聲, 可以直接唔轉模式 用番movie mode, 唔自然嘅時候, 直接將volume教細啲, 但係呢個方法有一樣嘢唔好, 就係因為ButtKicker amp本身上面冇顯示音量, 所以如果你set好咗一次, 你一旭volume, 下一次或者下一套戲就會亂咗, 因為講真要調教得佢同套戲銜接得好, 唔會令到震子同埋十仔之間失去平衡, 係要慢慢test, 咁你辛辛苦苦搵好咗個平衡, 一調教volume就會浪費之前功夫.
方法3)
如果係將ButtKicker接咗amp裏面嘅sub 2 input, 可以直接將sub 2裏面嘅db減少, 但係以小弟少少經驗, 如果你本身只sub 1 amp setting係 +1db計算, 咁起碼要將隻ButtKicker set到-10 to - 13db, 先可以有番自然嘅感覺.
以上全部都係小弟一啲小小嘅經驗之談, 希望幫到各位師兄!!  |
[複製鏈接]
樓主
發表於 2017-9-8 23:30
不過係由菊池手拉白幕轉去Stewart灰電幕
