大家對黑膠的睇法?

kl122002

不, 不是要指名道姓的說某店, 某seller...之前已有post講過了, 不想在此爭辯

只是為了和大家進入 (對我而言是"回歸") 黑膠, 我比然覺個市道係有少少說不出的光怪陸離
即, 現在可以說是 "有人辭官歸百里,有人漏夜趕科場 "

古典界中, 我見一些2手黑膠的價因為版本已升高不少 (都算正常), 不過承接力可以說是真的大欠. 有價無市

又或者其他如非當下熱門的流行曲 (而是當時的而言是不錯的, 如Bee Gees, Boney M等),
可以說是冷到去爛的地步, 都無人要.

叫我覺好奇呢的, 是呢邊廂無乜人要, 又有一D文章話黑膠大勢回來了
到或大家覺時下黑膠市是如何???  真金紅爐煉青丹, 定還是純粹無野搵野玩?

old8woman

黑膠唱片再次流行,我的愚見,總是覺得很難回到當年(1980年代或以前)
的情况,而且,不是在潑泠水,再版黑膠唱片跟本和原版黑膠
完全兩種聲音!
可能是年青人貪新潮,玩黑膠才"潮得起"吧

kl122002

明白師姐你的感覺, 而我也有同感.
Reissue 的東西真是一時時, 有时不錯有時失望, 我倒是想知為何會發生這種事?
好比AP 最近出的Royal Ballet 被說是不錯, 我聽過是可以接受; 但反而是另一張 Venice就聽到一點點批評, 真是兩極

這個熱潮是不是真的只因後生的引起? 我諗未必.
之前還是不時有說黑膠, 不過篇幅有限, 熱潮都不算什麼, 頂多只是閃熱.
反而是我覺奇怪的地方是為什麼今次可以紅甘耐.  

dynaco

廣東碟自八十年代, 有D質素都差, 尤其是宝記, 華星.....
如果個頭分析力太高, 乜齒音都出黎...
依家重出嗰D.....算九數罷

takeishi

我由80年代初玩到呢家. 眼見黑膠碟由盛轉衰. 再由衰轉盛. 廿幾30年來. 黑膠碟既地位. 一定係無可置疑.
只係~以前我細個時代. 未有CD出現之前. 黑膠其實係好普通既音樂產品. 要聽歌就要買黑膠. 如今...........
黑膠碟被過度催棒. 被人棒到上天咁既神級地位. 但其實. 真係膠膠一塊而已. 你話佢音質好靚好靚無得比.
其實只係個製式唔同. 播出黎唔同感覺. 當然. 黑膠 or CD 各有各好處. 各有各特色. 鍾意邊樣. 各有所好.
只係~值唔值幾千蚊去買隻原來幾拾蚊既黑膠碟. 呢個就真係

manid903

呢幾年大陸人好有錢,玩到沒野好玩,就玩膠, 落嚟hk 大力掃一些紅遍大陸的hk 歌手的貨,講你都唔信, 賣得最貴係王菲,哥哥,王傑, beyond , 一值維持2 手市場之冠,全部300 入場到數千!麟,梅艷芳, 羅文,關正傑.sam hui ...當年出最多黑膠的, 根本唔係大陸人杯茶, hk 100 幾十有隻,外國碟咩queen, bee gees, beatles ...你估大陸多人識嗎? 即使hk,咪仍然係hk 老一輩先識, 後生果批有人聽嗎? 解釋了樓上c hing 平貴參次現象!
第2 係呢幾年唱片公司也有research, 睇準商機,力谷狂出所謂特別的垃圾圖膠出來賣比大陸人, 只要有個歌手個樣就買架啦, 大陸人會同你講音質嗎???? 識音質嗎??? 情況等如當年出iphone, 大陸人連咩叫app, 點用都唔知, 總之要有,我就有身份象徵囉, 現在黑膠市場,電影市場一樣, 根本銷售對象就唔係香港人, 你地問黑膠會維持幾耐? 問大陸人幾時玩厭咪幾時停囉! 香港新興果班所謂潮人收皮啦, 頂多一人買一隻, 佔市場幾多? 大陸人係嚟一次過一張專輯買10 隻8 隻拖gap 掃的, 不論在hmv 或2 手膠店! 上面係我呢幾年見到黑膠現象吧
至於音質,仍然果句, 個人投黑膠, 論方便, 投cd 同網音啦

skychan

始終CD易放一點
黑膠係海鮮價, 還要看新舊折舊等問題
香港人現在只會放了家中值錢的CD, 然後Rip進家中電腦作檔案備份

kl122002

takeishi 發表於 2017-5-12 09:23
我由80年代初玩到呢家. 眼見黑膠碟由盛轉衰. 再由衰轉盛. 廿幾30年來. 黑膠碟既地位. 一定係無可置疑.
只 ...

真時, 當年無CD時, 不過有卡式, reel... 黑膠只是一種media storage medium 而已
以前都好似有唱一下初期盤(如80年代捧 50年代的stereo 錄音, 兩個時代出入是30年左右), 不過就真是小圈子活動, 唔似今日甘樣 大叫 "嘩, 好值錢的頭版!"

用過千去入一張黑膠album...視乎是什麼黑膠曲目和演出者了,
值得的話, 我係拼死都買.
只是一次好了, 多次就真係破產

manid903

kl122002 發表於 2017-5-12 14:09
真時, 當年無CD時, 不過有卡式, reel... 黑膠只是一種media storage medium 而已
以前都好似有唱一下初期 ...

一千蚊隻真係好肉赤,暫時我克制自己唔可以超越我家中最貴果隻($800)   但你睇琳妹, 一出下下cd 都$300, 演唱會果隻平極都$950 , 死未! 買得幾多隻..

takeishi

  黑膠碟既熱潮~大慨就連HMV都高估左佢. 睇下呢本書既下場就知. 我晌HMV前一排攪果個所謂既 RECORD STORE DAY度買碟送既.
呢家本書仍然半賣半送. 可想而知.

內容呢 OK啦. 呃下D初哥就可以既. 我地呢D老PAT-PAT, 睇完只係覺得.




  基本上本書都幾好既. 樣樣都有介紹. 亦都好全面. 咩都有講. 只係樣樣都講個面.
另一方面亦都覺得佢只係純粹吹噓黑膠是如何神級. 如果神聖. 玩膠就係......."潮".
我最不敢認同既就係呢位.. 睇完真係係....得啖"笑"