瑞華行開倉30/9日 後記....超搵笨

大佬John

話說前幾日睇到hkml報料...瑞華行開倉 28號派GP01, 30號派HGUC GP03D. ...咁就打去搵Marcolau諗住佢會想要呢隻野....不過仁兄話唔去囉....

一盒HGUC既模型竟然要賣成990蚊, 仲要加埋coupon先$900...你話有咩可能? 咁鬼死大個盒..又重又盛, 拎到我身水身汗, 手又痛, 腳又抽筋..

又要搵地方放呢舊野...好後悔去左....

係咪超搵笨呢?

一陣出詳細report

o岩o岩開盒check件完...幾經辛苦先將一塊二塊大膠塞返入A、B箱入面....所以唔會開出黎做開盒報告了...

我今日就六點鐘起身刷牙洗面換衫, 之後拎住M記早餐上1A出旺角, 轉41A去到青衣警署落車, 上層冇其他人, 得兩個o靚妹o係度講粗口....我睇得出佢地想溝我..不過我唔會彩佢

唔搭佢果D接駁車因為十一點先第一班, 去到實俾人掃晒D野喇...

八點去到派籌處已經有十零個人o係到打地舖.. 我問龍尾個少女:"呢度係咪龍尾?"...我身上咩都冇帶....等三個幾鐘頭, 我o係度冥想....如果你地要去既話, 建議帶定EPS, GPS, 指南針, 電筒, 蚊香, 地藏菩薩經..etc...

我排正第一行最尾U turn位, 我之前有一少男少女(17,18號)...之後一個男人(20號)......等到十點幾, 前面個少女call多左兩個阿哥黎....我後面個(20號)男人就出聲, 話"原本你得兩個人, 依家變四個, 我買唔到冇所謂..對後面既人唔公平"...因為呢個男人其實仲有一個freind(16號)排o係少男女前面, 但係個男人本身冇插隊...見住人地插佢隊, 20籌變23.佢梗係出聲喇...

跟住果兩個o岩o岩到既阿哥就叫果一對少男女走去龍尾排, 即係原本兩個人, 依家都係兩個人(17,18號), 擺平左件事....後尾地都有傾計....我又加把嘴...個個都係黎拎GP03D, 同GP01既...17,18號兩個阿哥 前日黎過, 見到一點鐘都仲有GP01...所以今日再黎排... 因為佢地識路, 所以就part去地入場....

等到十一點派籌果個著住白色吊帶背心既靚靚姐姐落黎....拎左籌即刻跑去搭lift...上到去仲要順籌入倉....跟17,18男號既指示,入去直行紅色區寫住今日必掃果度就係, 見到一座座PG推成既山, 有RX78, 渣, GP01,眼見有三四盒GP03D已經俾人拎左....我睇仲外牆最出1千零一盒GP03D...伸手去拎時咁o岩17號男又搭左對手上去...我睇住盒GP03D"讓"左俾佢..

...心灰之際返轉頭少少睇下, 原來先前座GP01山, 面頭幾盒拎開之後, 後面係GP03D來! 仲有八盒十盒...我埋去時有個人擋住我,原來係工作人員, 佢o係果度分派....我拎左之後就要順方向行....呢個時侯16號男話唔見左20號男,叫我幫佢抽一隻GP03D...我拎到... 手上有兩盒GP03D......

搵到20號男...佢勁緊張拎唔到GP03D...我話同佢拎左...16號男豎起手指公...俾左張蘋果既coupon我作回報....可以減90蚊....  呢個時侯... 先前既 17,18號男,一個拎住兩盒GP01一盒GP03D, 另一個拎住兩盒GP03D一盒GP01,係幫頭先排17,18果兩個少男女(細妹)拎既....不過個工作人員捉住佢兩個, 話每人每盒只可以拎一件,拉拉扯扯一陣...我見佢地唔係炒家...之前聽佢講都應該係真係砌既...我又只係拎左一盒GP03D,仲可以拎多盒GP01...就出手話:「我幫你拎一盒」.... 17號男就鬆毛鬆翼同個職員講:「咁得喇?」...18號男都將手上既GP03D交左俾21號男...依家17,18,19,20,21號每人都抽住GP03D+GP01.....

我放低D野俾20號男自己去行下仲有咩執...搵唔到MG燈頭...執左盒魂初號機劇場版$300, 我問21號抵唔抵,佢話抵不過D膠會自然脫落...講好左一陣交換MSN...俾錢果時佢地用card去另一個counter..同16,21號失散左......我仲幫17號拎住盒GP01...返轉頭搵佢. 見到之前果兩個少男女, 兩個阿哥唔見左人...留低GP01同GP03D各兩盒我俾埋手上盒GP01個女仔..:"呢盒都係你地架"...少女"嘩咁好既, 唔該你呀"

今日手上拎過兩盒GP03D, 一盒GP01 ...感覺好似好有錢....check out時見到有盒魂初號機, 個收銀問我:"加唔加錢換, $200, 最後一盒"...於是我就放低盒劇場版, 要左動畫版既...埋單$1100...
GP03D $990
減90蚊coupon
魂初號機 $200

之後同21號男走....拱住兩盒野搭車..都係吹下水交換MSN咁...有條友一手GP03, 一手GP01, 背脊綁住盒HY2M `1/60  馬沙Rick Dom, 成個Rambo咁...個巴士佬睇住一個二個手抽住大盒野上車....o係度滴汗...Smilies003.......我阿媽又滴汗:"你買架咩轟炸機返來呀?!"Smilies003


[ 本帖最後由 大佬John 於 2007-9-30 15:46 編輯 ]

Terence

唔知你哩盒有冇DVD送呢？
仲記得哩隻1/144初到港時，
可能由於太大盒阻住個倉，
各大模型舖紛紛割價求售，
信和地舖間模型舖未汁時，
我見到最平賣$680連DVD，
我都有沖動想買返盒，
不過最後諗到自己一定冇時間砌，
所以最後取消了念頭冇買到！:L

[ 本帖最後由 Terence 於 2007-9-30 14:51 編輯 ]

kennykky

:@ :@ :@ :@ :@ 想死開聲呀,我有得睇無得買:'( :'( :'(

大佬John

原帖由 Terence 於 2007-9-30 14:46 發表
唔知你哩盒有冇DVD送呢？
..

evo  DVD  ..冇了...有既話右上角會有金lable...
900蚊超抵了..

大佬John

原帖由 kennykky 於 2007-9-30 15:01 發表
:@ :@ :@ :@ :@ 想死開聲呀,我有得睇無得買:'( :'( :'(

subject講明搵笨...Smilies010

marcolau

我都諗到你去到要做"姑呢"啦.......
我又有野岩，所以咁山長水遠，咪搞我喇....^^

大佬John

加圖! 唔係Gato~...開盒

碌野竟然仲大過我果度!

大佬John

原帖由 marcolau 於 2007-9-30 16:43 發表
我都諗到你去到要做"姑呢"啦.......
我又有野岩，所以咁山長水遠，咪搞我喇....^^

原來出面仲要千五先落到樓.

knight

我只買了
Base
渣古Smilies003

chris0727

can i have a look