本帖最後由 WCHK 於 2017-5-25 12:01 編輯
礙於土地嘅問題(即是錢嘅問題), 小弟想揾 SACD 機深度不超過34cm, 但大部份SACD機都有返咁上下件頭. 難得搵到 Arcam SACD 機細部d 可 fit size, 又平平地入手.
可能設計細部d, 所以部機佈局有別於其他SACD機, 唱盤放側, 平衡輸出置中, 但RCA 去側邊. 搞到擺放釘腳都試咗一輪, 用3隻腳擺極都唔好聲, 放4隻腳就幾好.
播 SACD 分析力好OK, 特別用平衡時分離度更好, 聽到更多細節. 夠立體並定位準確, 音色平衡, 可惜高頻去得唔夠盡, 聽魔笛時, 女高音尤其明顯 (其實唔知點解我有少少偏好人聲用RCA).
鋼琴聲唔錯 (如果有更多共嗚同伸延就好啦, 不過入門機算唔錯) 中音區聲優美, 高音區唔乾硬, 低音區飽滿有力.
無得 download driver, 所以連唔到 USB 線. 用手機 wireless 去arcam 解碼都穩定, 但只可 hea 聽, 分析力一般. 不過用機本身去wireless browse PC 聽歌都幾好聲但個顯示器唔易 search (尤其當電腦有過萬首歌). 仲有今時今日都解唔到 DSD file, 有d 難接受. (25-5-2017: 唔好意思, 雖然spec 話唔support / 我之前手機試都唔得, 但剛發現原來可以. (25-5-2017) 可能之前手機問題, 疑為播唔到 HiRes, 轉了手機後, 所有24/96/192 全部播到而且音色很不錯. 就算 cds27 spec 話唔support DSD, 但原來可以wireless 可播DSD, 而且質素好好, 不過版面出唔到字或出古怪字. 其實用wireless 聽流行曲得好唔錯
|