[定の影評] 《攻殼機動隊》Ghost in the Shell 速評

阿定

雖然我係一個日漫迷，亦知道《攻殼機動隊》是大受好評的名作，但無論漫畫，電影，電視動畫我都無去睇過，適逢真人版電影上映，昨天抽空去了睇首映，可能無期待，睇完特別喜出望外，如果你係怕了日漫改篇電影必爛的話，我可以講，絕對唔駛擔心，由頭到尾都好表達到日系動漫風格，香港場景非常多，多得來又唔會好似變形金剛咁搞到好討厭，特別來香港取境果然真實好多，還記得八九十年代的日漫，有唔少都係以香港做場景，《攻殼機動隊》亦係以香港為藍本設計，由於無睇原作，還原度高唔高我就唔知，但我真係覺得如果未來世界真係出現，未來的香港就係咁的樣，作為香港人，非常滿意！



動作場面方面，有好多場景都玩水玩得出神入化，槍戰場面亦唔少，特技方面，除了其中一兩個場景唔夠真外，整體都唔錯，聲音方面，我係FESTIVAL GRAND睇ATMOS版本，非常到位，由於槍戰同拳腳位唔少，所以十分值得為高清音效揀間好的戲院，畫面方面，我睇的係3D版本，唔算特別多用得著3D的場景，但因為唔少係實景未來化，睇3D會特別感受到未來世界的空間感，故事方面反駁位唔多，無悶場，好難想象係八十年代尾的作品改篇



整體而言，我覺得好睇過生化危機好多，始終係一個完整故事真人化，有好的故仔，加上製作認真，可以話係近幾年日本動漫改篇真人電影的最高之作，如果你無睇美漫都去睇Marvel電影，我覺得對多數睇日本動漫長大的香港人來講，無理由唔去睇呢套《攻殼機動隊》，就算好似我咁，無睇過原作的，都絕對唔會有睇唔明的問題出現，唯一美中不足應該係套緊身衫(?)唔夠性感

maxlo

多謝報導

pac

睇完你編報導有d興趣去睇下。謝謝

pbtour4il

換咗另一套緊身衫, 睇吓有冇好啲?

Benchong

多謝包膠

mike384

我係係睇完電影版先上YOUTUBE搵返95年套動畫睇的, 講真動畫的風格(押井守)並不是我杯茶, 但製作認真, 係一套唔錯的作品.
由於電影有唔少場面係來自呢套動畫, 睇落去會不其然地比較起來, 當然同成本亦有關啦, 覺得動畫的分鏡更加突出, 到位.
我對電影版的評價還不算差, 但不太喜歡女主角, 花大量金錢去用CG打造佢成為少校, 還不如捧個身材加身手都好的新人, 演技...其實主角就係TERMINATOR, 一個不需要太多表情的角色. 另外槍械方面嫌太CHEAP了, 雖然見到有意地模仿動畫版中的槍械, 但到喉唔到肺LOR.