MADONNA 大曬冷

takeishi · 發表於 2017-3-28 10:19

本帖最後由 takeishi 於 2017-3-28 10:27 編輯

PET SHOP BOYS 真係講過架. 佢話MADONNA最好的一張專輯就係第一張.
以佢自已命名的大碟, MADONNA ~ 後期德版再 RE-ISSUE 名為 THE FIRST ALBUM
全隻碟只得8隻歌. 但係每首歌都可獨當一面. 成為一支受歡迎的單曲. 而且收錄的版本.
每支曲都是超過6分鍾的Exented版本. 足夠令人聽出耳油. 全隻碟以Disco電子音樂pop,
dance為主打. 喜歡madonna的朋友也知道就是第一隻碟斷定了madonna往後幾拾年來的
音樂定位. 那時候Madonna的出現. 從Holiday , Everybody開始已經深深地打入音樂反叛年代.
娜姐的形象更加由borderline開始令人跟隨. 掛滿全身誇張的飾物. 鬆頭散髮可上濃厚的化妝.
那時候的madonna已經從眾多的新歌手裡面成功脫穎而出.

你看~這個是最初的封面. 就算現在30多年後再看也一點沒有覺得OUT的感覺.
我非常超喜歡這張專輯. 如果你問我. 那個版本最靚. 唔駛問. 一定係日本版最原始的兩個封面.
呢家RE-ISSUE的美版180GM的黑膠也比不上呢兩張3拾幾年前日本印的黑膠的質素.

而呢兩個封面呢~淺色些小既係最原始. 最盤古初開的美版. 另一張深色的呢.
頂佢~垃圾到唔X駛限既......韓國版. 真係買黎儲架昨. 封面印刷. 重衰過自已屋企COLOR PRINT,
個封套呢. 比起廁紙厚小小咁啦. 嘩~隻膠. 放落個盤度聽. 得啦. 除左想講粗口之外都無咩Comment,
D聲衰到呢. 唔識形容.

後來LIKE A VIRGIN的空前成功. 令到呢張碟再次令人關注. 但係當時唱片公司覺得起初的形象不太配合
LIKE A VIRGIN的造型. 所以~用另一輯相再重出呢隻大碟. 呢個就係後來再RE-ISSUE的德國版的黑膠. 其實我覺得.
呢個封面先至唔配合. 望落去成個女巫咁. 不過算啦. 多個封面做收藏.

而至於CD版本呢. 嘩~多囉. 呢度都只係我既收藏其中一部份昨.
隔幾年又RE-ISSUE, 隔幾年又RE-ISSUE, 呢幾拾年來不停係咁重出. 重推又重發,
日本版最多. 大大話話真係十幾廿個版本. 買到你破產都唔得掂. 我都買唔齊咁多啦.
我都只係揀D最重要既版本黎買.

嘩~圖案碟. 呢9隻野呢. 儲左我幾拾年架啦. 相信知深既娜迷都知道.
MADONNA早期出過一次圖案碟, 以香港版的3張圖案碟最為珍貴. 其次就係日本版.
而後期呢. 市面上出過3隻BOOTLEG版既圖案碟. (非官方的), 所以~果陣香港都算好巴閉架.
全世界各地只係得香港同埋日本發行呢3款珍貴圖案碟. 呢家呢套野晌E-BAY炒到天價架.
特別係香港版. 你想搵番隻黎買都幾難囉. 日本版呢. 我成日都講. 日本版話俾你知限量既.
意思即係無限量咁解. 到今時今日我都仍然好多時晌日本都搵到呢幾隻圖案碟有得賣.
價錢大約$3000-6000円不等. 視乎邊度買. 質素如何啦. 不過~香港D炒碟佬呢通常都賣過千架啦.
德記呀. 信和7樓呢幾間野. 你千其唔好俾佢搵到. 佢搵到既你就真係無運行啦. 唯有硬食炒價啦.

takeishi · 發表於 2017-3-28 14:42

本帖最後由 takeishi 於 2017-3-28 14:44 編輯

由第一隻DEBUT大碟既單曲開始講起呢. 最多人熟識既唔駛講就肯定係HOLIDAY
次次演唱會都幾乎實會唱既. 跟住 EVERYBODY. LUCKY STAR , BORDERLINE. BURNING UP
什至起初想打單曲但取消了的 PHYSCIAL ATTENTION 每首歌都有唔同既節奏. 唔同既感覺.
但係首首曲我都鍾意. 以下就係我既7"吋碟...........

psb · 發表於 2017-3-28 19:58

本帖最後由 psb 於 2017-3-28 20:11 編輯

takeishi 發表於 2017-3-28 14:42
由第一隻DEBUT大碟既單曲開始講起呢. 最多人熟識既唔駛講就肯定係HOLIDAY
次次演唱會都幾乎實會 ...

多謝 Takeishi 兄你嘅心得同珍貴靚相分享

，呢啲資訊你唔講小弟呢一世都唔知，你嘅所有娜姐 Lucky Star／Holiday etc. 7" single 細碟封面都係第一次見，珍貴嘅幾隻港產圖案碟真係未摸過！眼界大開

！小弟亦分享下收藏娜姐嘅心得 .... 娜姐頭幾隻大碟時期 , 80s pop 味好重 , 小弟未第一時間留意佢，果陣時卻對 Modern Talking 嘅 "Atlantis Is Calling"，"Brother Louie", "Cheri Cheri Lady"....等等獨特一殊嘅歐陸浪漫電音著迷。開始對娜姐產生興趣係 "Papa Don't Preach" , 12" Extended Version 加長版嘅 pop music 同管弦樂混合得好靚

, 之後嘅 "Express Yourself" ， "Like A Prayer"， "Vogue", "Justify My Love", "Rescue Me" 等等嘅非常 house music 就上晒癮，特別係 Vogue/Justify My Love

好型。因為呢幾首 house music，入咗第一隻娜姐細碟精選大碟CD "The Immaculate Collection", 然後先至慢慢逐隻執返佢嘅頭幾隻大碟 CD 嚟作全集收藏。