第二張大碟 "Paintings In My Mind" 內，第一首主打 single "I'll Be Your Everything" 打入美國榜首，但覺得首歌似係為啲女而唱 , 不是小弟杯茶。更具吸引力嘅反而係打入美國 Top 40 嘅第二首主打 single "When I Dream Of You", 好靚旋律琴鍵同弦樂。大碟 title track "Paintings In My Mind" , 小弟最愛，一首好有深度嘅經典，驚嘆不已。"Paintings In My Mind" 大碟每首動聽嘅都係出自 Tommy Page 佢手筆，當年19歲嘅佢，竟然寫出一首 "Paintings In My Mind" 旋律咁動聽同感人嘅歌詞，人大個咗，更加了解歌詞嘅含意，更有共鳴同感動，好感人嘅音樂弦樂，特別係首歌中段至到尾段，音樂好感性有氣勢，加上Tommy 把聲，每次聽都會眼濕濕 , 以後都唔會再有第二位咁有音樂才華又肯奮鬥同創作嘅年輕歌手 , 好唔捨得你 。分享懷念....
繼續懷念Tommy Page，第三張大碟 "From The Heart"，大碟音樂偏向歐陸浪漫同好靚嘅管弦樂音樂編排，好靚嘅一隻大碟...成隻碟俾人一種冬天落雪嘅浪漫感覺。碟內多數都係冧歌情歌。分享 Tommy Page 本人作曲同填詞嘅 "I still Believe (In You ＆ Me)", 傷感但音樂好靚嘅一首歌。首歌好長，因為有兩個部分。第一個 Prelude 部分係首歌開頭扣人心弦嘅弦樂/音樂，之後好迷人好靚嘅 keyboard 彈奏開始了首歌。Tommy Page 本人亦好喜歡呢首歌。首 "I'll Never Forget You"，學生年代更歌不離口 , 見到 Video 當年 Tommy 俊俏嘅面孔，倍感心酸 ....。碟內最後一首 "Never Fall In Love Again" , 傷感情歌，首歌尾段刻意編排嘅落雨同雷聲更顯凄凉。全部啲靚歌 Tommy 佢本人一手包辦作曲...
分享第四張 Tommy Page "A Friend To Rely On"大碟CD，一隻新歌+精選+混音 remixes。大碟收錄一首又係 Tommy 佢作曲，同 Sally 合唱情歌 "I Am Always Dreaming Of You"。"A Friend To Rely On" 其實係佢成名曲 "A Shoulder To Cry On" 嘅純音樂 instrumental version 版，好靚感性琴鍵弦樂，首音樂後半段好靚 , 將首歌情懷抒發得更透徹。極具吸引力好重 house music 元素嘅 "A Zillion Kisses" 12" Big Beat Mix 混音版亦係呢隻大碟吸引之處，其它新歌都好偏向當年 90年代英美歐流行嘅 house music。
1994年 Tommy Page 第五張 "Time"大碟CD , 小弟嘅至愛 , 入咗兩個唔同封面嘅大碟版本。超喜歡 Tommy Page 作曲 R＆B 味道嘅 "Places In My Heart" , 音樂好正 (特別係首歌結尾時)，如果尾段音樂加長就好.... 更深愛另一首Tommy Page 作曲嘅 "Spend Tonight With You", 好靚嘅情歌同音樂編曲，聽一兩次就會上癮 , 百聽不厭。 師兄們又知唔知道原來同 Tommy 合唱 "Can't Get Enough Of You" 嘅女仔其實係香港著名靚女星歌手江希文(Liz Kong)女神 ?? 江希文唱英文歌完全唔似佢把聲 , 特別係首歌尾段嘅合唱部分，佢好識唱歌 , 把聲好正 , 真係聽唔出係佢！聽下 Liz Kong (江希文)同 Tommy Page 合唱嘅 "Can't Get Enough Of You", 睇下認唔認得出江希文(Liz Kong)把聲 ...
再分享較為後期嘅 Tommy Page 大碟作品 "Ten Til Midnight", for fans only , 相信呢度唔會有人會有，係千禧年 Tommy 只係為粉絲而錄製一隻大碟，超級罕有 , "Ten Til Midnight" 令小弟想起舞曲味道好重嘅 Tommy Page 首張個人大碟。"Ten Til Midnight" 大碟一半係悅耳嘅 2000年代比較 update 舞曲電子 Hip Hop 風格，另一半係靚情歌。小弟好辛苦透過佢哥哥 Jimmy Page 嘅 Ebay 網站訂購此 CD，當初好彩有入 , 如今作為珍藏紀念 , 倍感珍貴 , Tommy Page 全集在手，今生無悔。 好 cool 嘅 "Only My Imagination", 小弟嘅杯茶 , 自自然然會諗起 首張大碟嘅 "African Sunset", "Dream Come True"同 "Kissing In The Rain" 都係有驚喜嘅電音{:9_420:}。"You're The only One" 又係一首超經典靚情歌, 亦係 Tommy 本人嘅 favourite。"A Shoulder To Cry On" 相信大家好熟悉，但此碟收錄嘅係 2000年版本:
[複製鏈接]
發表於 2017-3-24 22:16
樓主
。大碟 title track "Paintings In My Mind" , 小弟最愛，一首好有深度嘅經典，驚嘆不已。"Paintings In My Mind" 大碟每首動聽嘅都係出自 Tommy Page 佢手筆，當年19歲嘅佢，竟然寫出一首 "Paintings In My Mind" 旋律咁動聽同感人嘅歌詞，人大個咗，更加了解歌詞嘅含意，更有共鳴同感動，好感人嘅音樂弦樂，特別係首歌中段至到尾段，音樂好感性有氣勢，加上Tommy 把聲，每次聽都會眼濕濕 , 以後都唔會再有第二位咁有音樂才華又肯奮鬥同創作嘅年輕歌手 , 好唔捨得你 
。分享懷念....
...
，好靚感性琴鍵弦樂，首音樂後半段好靚 , 將首歌情懷抒發得更透徹。極具吸引力好重 house music 元素嘅 "A Zillion Kisses" 12" Big Beat Mix 混音版亦係呢隻大碟吸引之處
?? 江希文唱英文歌完全唔似佢把聲
, 特別係首歌尾段嘅合唱部分，佢好識唱歌 , 把聲好正
, 自自然然會諗起 首張大碟嘅 "African Sunset", "Dream Come True"
