發燒音響 iPhone膽味濃

kan

iPhone多人用，配件自然多選擇，而當中嘅喇叭更係出到五花八門，正經嘅有、奇形怪狀嘅更有唔少，不過講到音質就難以同發燒級音響比拼。其實要用 iPhone聽出原聲都有計，最近就出現一部可連接 iPhone嘅膽機，音質幾可媲美中高檔嘅音響器材！

點解要用 iPhone聽歌？唔只因為佢型，其實 iPhone用上一個極佳 DAC解碼器，純粹講音質已可媲美高檔嘅 CD轉盤，若再接上新出現嘅 Trends PA-10膽機，試聽時特別覺得低頻夠實，中頻清晰，高頻音場夠闊，即使玩慣音響嘅用家，亦會覺得入得耳！呢款膽機大約只有手掌大小，上面見到可插一個 DJ/69228或 12AU7系列嘅膽（真空管），機背雖然與一般擴音機一樣，都係一排插頭，其實最左邊一組係專為 iPhone而設計，內置 6倍擴音功能，只要再用附送嘅音響線連接 iPhone底座嘅插頭，就可提高到發燒級兼膽味十足嘅音質。

對於發燒級玩家，可以更加講究，首先，音樂檔案格式最好以 AIFF或 Apple Lossless為佳，始終要聽得更多，非壓縮嘅檔案自然保存得最好。其次係加個良好嘅擴音機，做成前後級效果，聽落音質會更幼細，甚至係歌手輕微震音或吸氣聲都聽得清楚，猶如在你面前表演一樣！若然仲未夠發燒，更可以考慮埋膽機嘅精髓換膽，按照歌曲嘅類型、種類，更換適合嘅膽去聽，例如想聽到更好嘅人聲，可以選擇美國 GE 12AU7膽，人聲細緻，如同在耳邊演繹一樣，咁先叫做品味音樂。

http://hk.apple.nextmedia.com/te ... amp;art_id=13474731

有冇人知iphone用邊個model既DAC呢

wildwolf007

iphone 好聲?
唔係丫嗎.....

lskthomas

真係咁勁? 咁ipod classic會唔會比iphone更好呢?

t_wing

聽 D mp3 重要有膽味??

ohkiss

早前有朋友拿了部Ｐ記８２來我家裡玩。試完睇戲最得就拿部ＩＰＨＯＮＥ來試聽歌。因為我家裡沒有ＣＤ　ＰＬＡＹＥＲ
試完出來就話我套ＭＫ聲歌真係唔掂。無言！

tatat288

有冇咁神呀,,我覺得係廣告誇大,個部膽機仔可以做到低頻夠實，中頻清晰，高頻音場夠闊,咁真係要聽過先知啦,其次係加個良好嘅擴音機，做成前後級效果，聽落音質會更幼細，甚至係歌手輕微震音或吸氣聲都聽得清楚，猶如在你面前表演一樣唔知佢用邊部擴音機咁勁,應該介紹埋.

Celica

iphone digital out 我信,但係Analog out 就............

raymond430

iPhone謄味!?
會唔會係分析力唔夠,d聲濛濛地咁扮暖聲呀?

Ep-71

iPhone多人用，配件自然多選擇，而當中嘅喇叭更係出到五花八門，正經嘅有、奇形怪狀嘅更有唔少，不過講到音質就難以同發燒級音響比拼。其實要用 iPhone聽出原聲都有計，最近就出現一部可連接 iPhone嘅膽機，音質幾可 ...
kan 發表於 2009-12-1 09:52

我等緊試安橋個部