美女+野獸 + 有色眼鏡? (少劇透)

kl122002

今早再睇一次, 算是比之前的仔細再留意一下大家說的問題位置.
其本上大家都知原本的故事, 不說了.

先大致說說, 其實呢套電影係幾好睇, 拍得是慢少少, 按理是交足功課. 前前後後是有交代.
一直以為個魔咒是很久遠, 以最後大家相認的一幕計, 我估也只是十餘年的事
其實好多位置, 動作都是用返之前動畫版的, 不妨比對.

是有些曲目沒了, 比有動畫版的To Be human again. 新的Be our guest 有少少跟不上舊的拍子.
新加入的曲目 How Does a Moment Last Forever 是很不錯的 有種終於令這個童話故事成長的感足.

真人版加入了重要的交代 : 為什麼大家變成了傢俱之後還是愛護著已變成野獸的皇子.
忽然覺好彩是用Emma Watson, 如果是Emma Stone 就似乎少了童話的感覺.  Watson 原來真係唱得 也跳得幾好.
我覺野獸不夠野獸, 那個鼻太似人了.
女巫的出入場是點怪突, 起初是OK , 之後是再出現施法又轉一個角度之後不見了, 就是很怪了

我又另外睇到一件事, 有少少疑惑?
這故事大前提下說是皇子向不少人收了不少稅去為了自己的城堡. 話說如果這位城主只有一個小村做收稅, 而又有一個要1日路程的小鎮的話,
甘樣可以話 呢個村+鎮有好巨大的生產力去交大量的稅?

CG是造得很好, 所以真是很值得一看.    
這個老童話在這裡是成長了的版本, 卻是沒有如其他的被改到七彩
唔知下次是哪個故事改真人版?  仲有加左乜料入去?

好了, 之前我都開post 講近年的真人版加左好多料. 老實講, 美國的電影近幾年都加左好多政治料. 似乎片廠對社會有好多不滿?
今次都用了American African, 加入同性戀,  尾後還有數秒的 "中途轉gay "還是 "性別認知障礙" （?）
搞到社論講gay講得甘紅, 又事實係證明左演 LeFou 的Josh Gad 是演得幾成功.  

再仔細點看,
美女與野獸呢個童話可以說是人獸戀故事, 只是因為野獸變返人之後所以唔覺呢個係問題.
如果有思想潔辟的, 或者都是不好去看電影好了.

ttkai322

略嫌Emma Watson表情生硬， 難得Emma Watson個氣質咁配合到Belle角色， 對導演咁都收貨覺得有點失望。 CG唔錯， 音效配合唔到某D震撼感，配合上差左小小。 OVERALL 係好睇嘅， 不過又未達到好精彩。 個人意見

gashapon

我昨天都睇了, 電影版基本上係用真人將卡通版再拍一次出來, 印象中改動唔多(當然我又無逐個shot咁去比較). 我印象最深反而係最尾時d"傢具"變返真人, 見到原來咁多人有份客串~ 我自己對Emma Watson做女主角又無咩特別感覺, 只係有少少覺得佢太"細路女"? (網上睇原來佢已經26歲?) 搞到成日形住佢未成年就走去嫁比王子咁~ 另外睇beast時望到佢對眼反而令我想起monster inc阿毛毛. (beast 個樣未必太cute了吧~ XD)

另外有少少唔明一開始明明講男主角(beast) 係一個"土豪", 向條村d人收稅來自己享樂. 但中了魔法之後就變成了beast. 之後講到好似隔了好多年, 耐到連d村民都忘記了有呢座城堡. 但最後d人相認又代表應該只係10年左右的事? 否則失憶的阿叔點認返佢老婆同仔?

最後提一提比較炒得熱的"同性戀"劇情, 我未入場已經睇過有關報導, 但我又無特別覺得真係算是"基情", 如果咁就會教壞小孩, 那個小孩的智商未必也太低了吧... 如果咁都算, 咁我認為captain america同bucky更加基呢! 如果成套戲只睇到呢個point, 我只能說:"你心中有鬼, 你就會見到鬼".

ttkai322

gashapon 發表於 2017-3-20 12:21
我昨天都睇了, 電影版基本上係用真人將卡通版再拍一次出來, 印象中改動唔多(當然我又無逐個shot咁去比較).  ...

魔法同時亦清洗左其他人對個城堡及王子所有記憶

kl122002

ttkai322 發表於 2017-3-20 16:30
魔法同時亦清洗左其他人對個城堡及王子所有記憶

如果是後來大家還原而有了記憶, 就沒什麼問題.
只是在最後城堡傢俬打鬥的一場中,  Mrs Pott在吊燈認出自已的老公時, 就弄出個缺口.

與其說是清洗, 不如說是禁止了? 因為連去城堡的路開關都搞到甘故意.
還是應說, 個女巫的法力麻麻地?

ccfa_hp

gashapon 發表於 2017-3-20 12:21
我昨天都睇了, 電影版基本上係用真人將卡通版再拍一次出來, 印象中改動唔多(當然我又無逐個shot咁去比較).  ...

我只能說:"你心中有鬼, 你就會見到鬼" <-- Good

gashapon

kl122002 發表於 2017-3-20 21:28
如果是後來大家還原而有了記憶, 就沒什麼問題.
只是在最後城堡傢俬打鬥的一場中,  Mrs Pott在吊燈認出自 ...

始終是童話故事, 所以實際上一定有唔少bug啦. 所以我都係盡量照睇就算. 女巫擺明有心玩王子啦, 又將佢變成beast, 又令人忘記了城堡的存在. 講真都無人去到座城, 就算將王子變到湯告魯斯都搵唔到真愛啦~ XD

不過唔知點解我覺得beast靚過王子真人, 另外最正係Gaston (Luke Evans) 真係好入戲, 一路睇都好想打佢~ XD

mike384

呢套聽到唔少人都讚佢美術好, 所以都有興趣入場一看.
至於基唔基情, 各有各觀點啦, 幾年前套FROZEN都有人話家姐其實係雷絲邊, 一首LET IT GO當了成出櫃歌, 但我個人就覺得家姐DD似性冷感症狀多.

kl122002

gashapon 發表於 2017-3-21 08:52
始終是童話故事, 所以實際上一定有唔少bug啦. 所以我都係盡量照睇就算. 女巫擺明有心玩王子啦, 又將佢變 ...

由動畫版至今日的真人版, 都是beast 的外表好睇過人樣
真是可以話個女巫全心搞鬼.

kl122002

mike384 發表於 2017-3-21 10:21
呢套聽到唔少人都讚佢美術好, 所以都有興趣入場一看.
至於基唔基情, 各有各觀點啦, 幾年前套FROZEN都有人話 ...

CG 是不差, 衣著上都可以, 沒太美式的改格風. Belle 的平平了, 但就Gatson 的一套就唔錯.

其實呢套真係唔易拍, 睇左少少youtube 的B-roll 片, 是Emma Watson 獨自面對空白的地方(傢俱, beast等) 去唱同做戲.
好似連個真人/替物都唔知有無, 不難怪Emma 臉上有少少生硬.

[youtube]g9J1bRRxD_Q[/youtube]