情人節收到的聖誕禮物：InEar ProPhile-8

ml55

係情人節個日終於收到12月24號訂購的InEar ProPhile-8，等咗兩個月, 係情人節個日終於收到，心情真的好爽。自己手上有條 Stefan audioart 3.5 線，有條Forza AudioWork Quad hybrid semi-Litz UPOCC Cryo 7n 2.5 AK插，問題出在條2.5線，好像太清楚，冇咗啲音樂味，啲聲音一個字一個字咁出嚟，剛剛睇到一偏文章介紹Mad Cable呢個香港新品牌的產品，話銅渡金啲聲音會比較華麗，胆粗粗咁就同個公司負責人聨絡，訂購咗一條4絞銅鍍金線 2.5插，(其實亦在76和另外一個討論區裡面都搵到唔小資料，話呢隻耳機食銅線) ，等到今日終於收到條線，影齊啲相，就放上嚟76，至於條新耳機線，在用慢火煲，但啲聲音給予我的感覺，都已經唔駛講，好正，甜、有味道！好中意呢條線。

ml55

同場加多兩張相，另加一個特別配角，係好多討論區裡面都有睇到介紹，Technics RP-HV-100, 原來手上呢隻耳機都算係有小小江湖地位，當年買佢的時候，個價仲未有出嚟，個Sales仲要走去問個老闆，我買佢係因為當時個介紹牌寫著超勁低音，但因為佢個特殊造型，好難放入耳中，一直到現在，用到未超過10個小時，一直放在櫃桶內。

hphp

Technics RP-HV-100 經典.

未知難推否?

在下當年有幸曾擁有 RP-HV-70, 要 HK$ 275. 當年的最高價, (Technics RP-HV-100 , 作仍未見街)
它的本體太大，配戴困難.

jaffeinism

樓主, 隻PP8係厚聲定薄聲?

ml55

hphp 發表於 2017-3-8 03:53
Technics RP-HV-100 經典.

未知難推否?

回師兄，隻Technics RP-HV-100 唔會難推，啲聲音仲好靚，有時候我都會攞出來聽一下，但就如你所講，個形太奇怪，好難長戴，通常一首歌我就放下。當時買咗之後亦有小小後悔，因為不能長期使用，所以放在櫃桶內，一收就廿幾年。

ml55

jaffeinism 發表於 2017-3-8 05:42
樓主, 隻PP8係厚聲定薄聲?

師兄，隻PP8唔會厚聲，如果你喜歡SD4啲聲音，我唸你會喜歡PP8，因為佢係SD4的進階版本，而且更上一個層次，在我嚟講，SD4已經好好，好個TG334，TG334太亮，但一比較PP8，會有一種，呀，首歌原來可以咁樣嘅聲音，而且比較起SD4，清楚好多，SD4點都覺得好似有一層紗網咁。

ph0381

經thomann買有無得退VAT?
另外會唔會好大隻?

jaffeinism

ml55 發表於 2017-3-8 20:24
師兄，隻PP8唔會厚聲，如果你喜歡SD4啲聲音，我唸你會喜歡PP8，因為佢係SD4的進階版本，而且更上一個層次 ...

334無實際聽過... 不過睇文好多都係話鍾意佢染左個種中頻人聲

ml55

ph0381 發表於 2017-3-8 15:48
經thomann買有無得退VAT?
另外會唔會好大隻?

冇呀師兄，我住外國，冇退VAT，另外仲打咗我九十幾關稅，叧外隻耳機大小，相比我上一隻SD4S，大咗不止一啲啲，但好彩都剛剛好入到耳，只是耳膠部分我要用SpinFit最細個隻SS。

ml55

jaffeinism 發表於 2017-3-8 17:12
334無實際聽過... 不過睇文好多都係話鍾意佢染左個種中頻人聲

師兄，TG334確實係好聲，而且女聲真係正，但當聽男聲獨唱時候，就好似有一位師兄的文章中講過，好似有啲基情無限咁，當然、聽羅文唱係冇所謂，但其他男歌手的聲音，就有啲⋯⋯，所以我先至轉inear SD4S，現在用 ProPhile8 啲聲音就更好