毒物再用： Ground Loop

Alman

電池RCA線聽得不亦樂乎之際， XX又痕：  Gound Loop 加埋落去， 又會點？

其實幾年前已被Ground Loop 搞到癲； 後來又地盒， BGT， 又 RC Network， 令到喇叭插座爆棚， 唯有將GP 移到它處， 亦不太在意其效果。

以前的link ：https://post76.hk/thread-147732-1-1.html

先把用銅箔所做的GP駁上， 即時動態及空間增加， 立竿見影， 知其寶刀未老：

圖下為 銅箔Ground Loop， 身形壯碩， 上為Duelund 油絲銀箔線GP (只是單枝線， 無甚效果）


有此效果， 拿拿林整返對"正宗 " Ground Loop ： 採用漆皮線。 Neotech 的棉漆線正大派用場：













掂呀， 稍後分享。。。。。

raylee

好似幾易整WOR...又試下先

johnnykut

網上傳聞中愈係用多芯愈好，唔知alman兄既製作心得又點呢？？？？

曾經買左幾米0.5漆皮線，已經開好晒料
但刮漆皮既過程悶到訓著，刮左十幾條就放低左

Alman

johnnykut 發表於 2017-3-8 18:47
網上傳聞中愈係用多芯愈好，唔知alman兄既製作心得又點呢？？？？

曾經買左幾米0.5漆皮線，已經開好晒料

係呀， 原創者說要用極幼的漆皮線， 用到幾百條添。  剛整好的Neotech 漆皮線符合提議。  網上的人乜鬼都用嚟試， 例如 CAT5 線， 喇叭線等等。小弟稍後會用Cardas 漆皮線整多對粗身嘅同Neotech 比較下。

開漆皮真係pain in the ass。  You tube 有人教用 flux： 把漆皮線㸃上flux， 用高溫焊鐵上錫後去辣漆皮，要試試先得。  Cardas 教人用 solder pot， 真難， 何來個pot也！   

leojai

可以用幼砂紙磨去表層

Alman

今晚用Cardas 11.5 awg 漆皮線整多對Ground Loop。  去漆方法採用上文You tube所提的，滋滋聲D線好快上錫， 用萬能錶度， 通電！

原本打算用三條線組成GL， 但太粗入唔到叉。 最後只用兩條， 揀了大口徑的 WBT先搞掂。。。立刻換上取代Neotech：

音色比Neotech雄勁及更有質感。 同之前的 銅箔GL音色相近， 但銅箔GL好似無咁focused。  Neotech則傾向細緻斯文。稍後要來個正式比較去作實。  Ground Loop 真係本少利大， 立竿見影， 各位不妨一試

johnnykut

Alman 發表於 2017-3-9 12:17
今晚用Cardas 11.5 awg 漆皮線整多對Ground Loop。  去漆方法採用上文You tube所提的，滋滋聲D線好快上錫， ...

請問係逐條做"去漆",定係可以幾條幾條咁做????

Alman

johnnykut 發表於 2017-3-9 16:25
請問係逐條做"去漆",定係可以幾條幾條咁做????

初初試分開一小束焊， 後來改為把條線略為分開點flux去整。

Alman

四圍插旗

今日用Cardas 漆皮線又整多對Ground Loop， 插係Amp喇叭輸出負極， 音場聲音變得更清晰實在， 動態亦增大， 好過癮。。。。

既然仲有對 Neotech 係度， 不如插埋去喇叭的高音輸入（低音負極已插有Cardas）， 睇下點？

真係得意： 整體音場略為退後， 但聲音變得稍為柔些和更具分析力， 微絲細眼的聲音出埋嚟。 聖桑骷顱之舞的尾段大爆棚那些三角鈴， 比前更突顯， 沒有黐住的感覺之餘， 非常有動感。沖天炮的鼓聲， 叮叮查查聲分開晒， 定位更好。

原來負極可以有咁多嘢玩 （BGT， 地盒， Ground Loop。。。  ）， 有一些新諗法， 有時間再分享。

Alman

改粗ground loop， 然後電之

插amp的GL， 限於蕉插直徑， 只能入一條Cardas 線， 今日決定加粗佢， 方法是以銅箔疊埋加厚剪一 T， 直 I 入蕉插， 橫 — 兩頭分別焊上兩條Cardas。蕉插入口加入兩三支單支銅線以補強。

今次去盡D， GL接去 45 V電池， 睇下會否有益。。。。

先講加粗GL： 聲音更solid更具空間感及泛音。  接上電池後， D聲會變沉厚DD。  未能話邊樣好D， 等煲耐先作準。