黎瑞恩《Vfresh 感恩》靚聲專輯音樂分享會(會後討論)

小瑟

黎瑞恩親筆簽名《感恩 Vfresh》特別版黑膠認購區(20隻成團) https://post76.hk/forum.php?mod=viewthread&tid=253104&fromuid=4

昨天的分享會多謝大家到來的支持, 係度就同大家分享返昨日的FB LIVE器材介紹同SETUP過程啦. 

 *另外大家記得回覆留言分享返你昨天的感覺, 講得最好果10位會可以得到小恩子的簽名海報架, 同埋當場每位分享既版友都會有返"活動"積分比大家啦, 呢個"活動"積分有咩用??? 遲下就會話到比大家知架勒~~

辛勞的SETUP過程!! 

 

  三百萬的器材逐件睇

Gunner

經過十多年來等待, 終於等到小恩子復出了, 真的十家感謝POST 76的安排, 讓大家可以近距離見到小恩子, 最驚喜是現場演唱環節。也非常享受現場SACD試聽, 因為有得試聽SOULUTION 746+LIMITED EDITION, 雅詠音響及輝煌影音三百萬器材, 好震撼。POST 76 除安排了小恩子及監制專輯分享, ,還有之後的 新碟簽名及合照環節, 可以近距離跟小恩子交流, 今次活動十分完美。希望將來辦多些同類活動, 令樂迷對歌手和制作及音響知識有多些了解。在此多謝POST76各工作人員的 悉心安排。

chauchungsum

我在1991年首次聽小恩子'發誓'首本名曲，之後我迷上了佢唱雨季不再來及一人有一個夢想等，當時小恩子在寶麗金年代，我近距離見過面，之後終於等到小恩子復出，我好多謝post76的現場安排，我才再有機會同小恩子簽名合照，最開心可以試聽三百萬HIFI器材，令我大開眼界，希望post76未來日子有多些同類活動，Thank You!

galleryng

今個試聽會大致上安排都唔錯，只有以下幾點不專業嘅意見，想分享一下：

1. 試聽會進行前，可以先介紹走火通路線同廁所位置
2. 利用圖像i.e. block diagram介紹音響設備及線材， 使會員更清楚每樣設備所採用嘅牌子/ 型號與其特性
3. 於鑒賞音樂前，可以簡介一下每首歌嘅取向或值得留意嘅部分/細節
4. 簡介一下工作團隊及其參與製作嘅公司 (順便當宣傳 )

最後多謝76各單位嘅努力與付出，使該活動得以順利和完滿地完成，謝謝

secretdennis

Hi,

  首先感謝今次有分促成活動既你地, 同時可以比我地欣賞到咁豪既音響. 好正.....

讚:
1) 準時開場.
2) 可以聽到小恩子3首既LIVE, 實在無懈可擊. (重點係你地都好free, 任人拍.... 好正....)
3) 可與小恩近距離簽名之餘, 仲可以單人合照, 實在太驚喜. (呢個真係好感激唱片公司&你地有呢個咁正既安排)
4) 另我最開心係: 之前好多D試聽會, 都係歌手或唱片公司揀佢地想PUB既歌去演唱, 但今次, 係由觀眾去揀, 感覺好好, 係因為覺得"整個活動係由歌迷而設", 感覺好備受尊重.

改善地方:
1) 我之前睇過幾個小恩既新碟訪問, 所以發覺係現場所問, 有一部份既問題係重覆左. 當時我有個期望, 係想知道一D係之前無訪問過既問題, 例如: 講多D有D咩其他歌, (除左果一首"如果"), 仲有D咩歌係好想放入去, 而最後放唔到, 可能下一張碟可以再考慮放... 因為小恩話仲有好多歌係之前有揀....
2) 簽名部份: 其實今次你地已經好好, 之前有好多次簽名or 新碟發報會都係咁, 早出去果d fans, 拎成set 舊碟比人簽名, (佢地真係唔會覺得唔好意思...) 我地係後面個LCD, 聽到好多人都有聲音, 後期因為可能個活動Overrun, 後面果D人, 每人只簽多1,2張...(都明白既, 但下次如果可以, 開始時就要Set 左每人除左新碟外, 只可以簽多最多3張etc) 第一咁樣會公平d, 第二又唔會擺晒d時間.... (我係後面, 係個MON 見到, 小恩見到有一個FANS , 一手拎左成10幾張碟出黎, 小恩呆一呆, 佢望一望條龍, 唔好意思都狂簽)

3) 純粹係個人既期望: 其實好想係琴日買埋張"黑膠"架... (咁難得小恩係度, 想比佢簽埋名嘛.....因我個人覺得, 黑膠同CD既情懷係好唔同... 大大張... 又勁GRAND), 因為我買SACD果陣, 見到在場有張黑膠唱片係度, 其實果時可以Show 埋出黎, 我相信好多fans 都會買埋....

pac

首先要感謝76各位大哥辛苦的舉辦這次簽名會，
好多支持者又有好貴的器材，最重要聽到好靚既小恩子把聲，
估唔到無出碟咁耐一樣保持得咁好。講真佢現場仲好過聽SACD.
這點在我和她影合照時也和她提過。
其實之前都聽過此碟的CD，在音質的感覺上未有驚喜。
這次參加活動純粹因為小恩子。
但回家聽聽此SACD。嘩！嘜比CD好聲咁多嘅，完全唔同曬
真正達到HI FI 碟水準。
希望以後的所謂HI FI碟也能這樣。
最後祝小恩子工作順利，開心快樂

ykluk

先放相~









首先講吓三百萬器材, 雖然場地太大, 真心講係得頭6-7行係聽得好啲, 不過小弟全日要做錄影仔, 只係叫做認真地聽咗1/3首歌.....套架生係好淡定~

再講小恩子, 真人真係好真好純好親切, 唔會話有大明星架子仲超級nice, 講嘢又好笑, 現場唱功絕對唔會因為咁耐無出碟而功力減退, 始終八九十年代既歌手一定有返咁上下先出到碟~

唯一可惜係未出得切膠膠, 如果唔係簽埋仲正~

teddyng637

我覺得今次黎瑞恩《Vfresh》靚聲專輯音樂分享會，最滿意就是大會用的器材，部 Soulution SACD 機配上對 Spendor 喇叭，再加上小恩子現場演繹《幸福摩天輪》丶《回眸一笑》及《今生不再》，簡直是天衣無縫組合，出來的聲音十分完美。另外，自己亦非常幸運，在問答環節中答中問題，獲得由小恩子親筆簽名海報。多謝 L&H Workshop 提供咁好的場地及76 團隊的付出及安排，得到空前成功。

小瑟

提提大家, 依家我地都可以認購小恩子《感恩 Vfresh》特別版黑膠碟唱片, 當然還會附上小恩子的親筆簽名啦, 如果希望可以收藏埋小恩子復出後第一隻《感恩 Vfresh》的話, 就要留意以下認購程序勒!!! 好快就截止架勒~~

留意 : 截止回覆認購日期: 2017 年 03 月 02 日 (星期四) 23:59(數量少於20隻則未能成團)
https://post76.hk/forum.php?mod=viewthread&tid=253104&fromuid=4

9spl

請問，有沒有多一隻簽名版SACD？