「童貞を殺す服」

Cheong448

性感度爆燈
2015年7月5日，有位叫做「キーホㄦダー」嘅日本網民喺個人Twitter上發文指，最具代表性嘅「童貞必殺服」係一個日本時裝品牌所推出嘅白色喱士襯衫，配搭修腰長裙嘅套裝，所展現出嚟嘅純情千金小姐嘅氣質，令佢腦內浮現各種幻想。呢段文貼出後，即刻引嚟眾多網民熱烈討論，因而令「童貞必殺服」一詞熱爆網絡。本來「童貞必殺服」嘅原意係指一啲具有氣質，引起男士想像力嘅女性服裝。不過經過網絡熱議後，定義變成指服裝嘅性感度爆燈，簡直可以奪走處男嘅第一次。後來「童貞必殺服」嘅討論慢慢冷卻落嚟，點知日本網民「凶音」喺今年1月25日發文分享一款性感毛織上衣，並稱為現今最強嘅「童貞必殺服」，令呢個童貞服熱潮再次興起，並吸引唔少漫畫家以童貞服嚟創作各種性感插畫。

必殺服列陣
早喺2015年時日本網絡上就進行多次選舉，選出邊種性感衣着係最具認受性嘅「童貞必殺服」，時至今日，雖然頭3位嘅選擇冇變，但頭兩位已經對換位置，依家就睇睇排名結果啦！

第1位　針織上衣
喺2015年排第2位嘅針織上衣，今年升上第1位。不過大家要留意，呢種上衣係有指定嘅條件，不但要夠貼身，突出身材嘅曲線美，而長度要及至大髀一半，並且當成裙咁着。日本網民認為女性以呢個造型示人，可愛度大為提升。

第2位　Lolita內衣
原本位列冠軍嘅Lolita內衣，雖然退居第2位，但係人氣仍然不減，賣點唔單止係性感內衣咁簡單，由於佢有一種可愛魅力，令穿着嘅女性變得萌味十足，故此深受日本男網民歡迎。如果內衣上有動物圖案嘅話，殺傷力會更加強。

第3位　吊帶襪帶
藏於裙內嘅吊帶襪，喺正常情況下係睇唔到嘅，若然將佢露出短裙之外嘅話，就會成為令處男雀躍無比嘅「童貞必殺服」！呢種衣着唔係賣萌，反而係直接地展現出性感女人味，勾起處男一顆蠢蠢欲動嘅心。有日本網民指唔理乜嘢年齡嘅女性，只要佢哋露出一對吊帶襪帶，就已經勁養眼。

熟嫩索女助興
一件性感大露背針織上衣，被日本網民視為最潮嘅「童貞必殺服」，咁究竟佢嘅殺傷力有幾大呢？日本熟女女神叶美香，同迷人美少女野良貓即刻喺網上，親身展示箇中殺傷力。

漫畫教學
如果大家想透過畫筆展現自己心目中嘅「童貞必殺服」，咁點先至可以掌握到當中嘅要點呢？呢本由日本一迅社喺去年7月推出嘅《童貞必殺服的繪畫方法》，絕對可以幫到你！書中不但有介紹各種被日本網民視為「童貞必殺服」一類衣着嘅繪畫方法，更深入到各種甫士應該點畫，先至可以展現性感魅力。對於二次元控嚟講，一定唔可以錯過。

小瑟

又冇圖，fw來都冇意思架喎