百份百粉絲向電影, 《劇場版 艦隊Collection》

mike384

本來覺得太少眾唔想寫了, 不過唔怕一萬...哈哈
話說呢套野係舊年11月尾於日本上映時, 首日票房係超過《你的名字》, 當然啦, 只係有頭威, 之後的日子就唔提了~~~

話說呢套都算從係遊戲改編的電影, 遊戲製作的負責人田中係訪問中講, 本來只係想將自己對戰艦的熱愛整隻GAME出黎, 但估唔到可以HIT成咁,.

而呢一隻初初只搵了一班同人畫師(為主)畫插圖(一隻艦娘十幅都冇), 再搵幾個聲優(一個配幾把), 基本上係冇動畫的戰艦模擬遊戲
(玩家只需整裝備, 排陣, 打鬥全部電腦包辦, 後來街機版就加入了玩家自己操控的元素), 變成一街都係佢D玩具精品, 包括艦娘的各種FIGURE,
以艦娘為封面的戰艦模型, 重拍埋電視(好似香港上過?), 連香港都有不定期的大型FANS活動搞添.

隻GAME其實都出了幾年, 而小弟終於係一年前, 經朋友的誘導下, 開始玩呢隻GAME, 係有佢吸引人之處(主要分兩種玩家, 一種係美少女遊戲迷, 另一種係軍事宅), 詳細就唔講了, 有機會先啦.

今次見香港都有得上, 就聯同一班提督(該遊戲對玩家的稱呼, 亦係玩家之間的互稱)去睇首日.

意見就各有各啦, 可能我又唔算係太深度的玩家, 但就該戲的製作水平, 評價就偏於負面了:
1. 人物設計

能理解唔可以好似遊戲入面, 一個畫師負責多個人物咁, 要統一, 但因此搞到成套片中的人物的面型就得個兩三種(大人, 小孩, 妖精), 轉個髮型就算.

2. 作畫
時不時出現比例問題, 一D遠鏡都會用電動整, 睇落去幾慳皮, 背景, 海浪的作畫更可以歸類為較廉價的電視動畫級別.

3. 故事
遊戲本身的故事性唔強, 多數源於史實戰役的海域, 再加工, 而季節活動就會參考史實戰役, 但故事都係弱的.
去到電影版為了加故事, 放了一些好原創的概念落去, 如艦娘同深海艦隊的關係云云, 似係對遊戲故事的補完, 但唔只我, 一班朋友都睇到頭都大.

基本上係唔滿意的, 唯一好少少的係加入較多妖精(遊戲入面, 妖精就係艦娘身邊, 操作各種裝備, 飛機的小矮人, 就如真實戰艦上的船員同飛行員)的場面, 呢點係唔錯的.

講真, 從艦COLLE(該遊戲的愛稱)呢隻遊戲洐生出來的產品, 比起TV/電影, 一D小形製作的同人作品其實更有說服力, 偶爾係網上睇到的一個小故事, 更能打動我的心.
(前提係要對二戰, 尤其係太平洋方面的戰役有一定程度的理解, 否則冇FEEL的)

要打個分的話, 4分啦, 作為動畫電影真係唔合格.

alleelarry

尋日睇左，疲累狀態下入場，的確來來去差唔多樣，差唔多既聲音，你打我得黎我又打番你咁完場！

mike384

alleelarry 發表於 2017-2-28 10:51
尋日睇左，疲累狀態下入場，的確來來去差唔多樣，差唔多既聲音，你打我得黎我又打番你咁完場！ ...

唔知算唔算係同類型片,  《少女與戰車》劇場版的水平卻是異常的高, 該片冇將戰車擬人化, 而係將戰車同少女的組合變成了一種競技運動的項目, 除了少女外, 各戰車的特性都係有好細膩的描寫.
個人來說, 作為一套少眾宅片, 都算好高質了.

alleelarry

mike384 發表於 2017-2-28 11:07
唔知算唔算係同類型片,  《少女與戰車》劇場版的水平卻是異常的高, 該片冇將戰車擬人化, 而係將戰車同少 ...

我諗設定特別得黎，都要有故事去支持先會好睇！