文而不悶, 《Miss Sloane 槍狂帝國》

mike384

話說上星期睇了JW2後, 熱血沸騰了一陣, 直頭有衝動去玩3-GUN(當然係玩具版), 而為了平衡(藉口黎姐), 今個星期選了睇了一套文戲.

而且可以話係一套全文戲, 如其譯名所講, 套戲係同槍有關, 不過唔係槍戰動作, 而係美國一個爭議了多年的話題, 槍管條例.

電影的原題為Miss Sloane, 係片中女主角的名字, 呢個角色描寫得好細膩, 但又未白痴到好似某D片咁用埋心聲去講, 而係從佢的工作到私生活都好細心地一步步咁拍.

除了考驗導演功力,更考驗女主角的演技, 阿MURPH(笑)幾乎係一人撐足兩個鐘,  絕對唔悶, 劇情那管都係有少少CLICHE, 但進展可以用精彩來形容.

小弟畀7.5分, 向喜歡睇劇情, 政治類電影的朋友推介.

P.S. 唔知係米因為2016年年尾先上的原因, 呢套戲係今屇奧斯卡係冇任何提名的, 但金球獎就有提名(不過冇獎攞), 定係因為佢係ERUOPA發行? 唔太清楚了.

小瑟

正。Thx Report

gashapon

我都睇了, 不過可能成套戲"對白"比較多, 有時都miss了d細節. 另外少少唔明最後個結局係點?

剷透:
佢為了通過法案, 搞咁多野不惜自己坐監都OK?

mike384

gashapon 發表於 2017-3-9 10:24
我都睇了, 不過可能成套戲"對白"比較多, 有時都miss了d細節. 另外少少唔明最後個結局係點?

剷透:

睇呢套片, 觀眾最好對美國現況, 尤其槍管有D認識就最好, 咁睇時會特別投入, 亦會較易理解.

劇透:
我記憶中, 佢坐五年的理由係冇特別寫明, 因為冇劇情交帶佢被判五年的經過, 但劇中交帶過一D可能:
1. 佢係印尼個單之中的簽名文件, 亦即係令到對手去正式搞佢的憑據, 簽名係真的, 但成唔成到罪戲中就冇交帶(或是我漏左)
2. 佢出證時, 被人指控為了目的會用到非法監聽, 當場否認左, 但最後又放上網爆大鑊的一事, 就好有可能令到佢受靶, 兼違反誓言, 當然片中亦都冇明確講過呢D罪名的判決.

gashapon

mike384 發表於 2017-3-10 09:25
睇呢套片, 觀眾最好對美國現況, 尤其槍管有D認識就最好, 咁睇時會特別投入, 亦會較易理解.

劇透:

我的理解: (請反白)

佢專登扮成犯規而令對手攻擊佢, 為了令佢老友影低d罪證-->最終令對手都違規.

無記錯本身佢應該伙坐5年(偽證罪), 但依家應該只係坐6個月?(不道德行為)

其實同個男人一樣, 我都想問佢, 你搞咁多野只為了通過法案?

mike384

gashapon 發表於 2017-3-10 17:04
我的理解: (請反白)

佢專登扮成犯規而令對手攻擊佢, 為了令佢老友影低d罪證-->最終令對手都違規.

又到劇透:(請反白)
戲入面, 槍管法案佢雖然係支持, 但未到好嚴重的地步, 唔似得黑妹咁身為受害者咁多感觸.
所以與其話佢做咁多野係為了通過槍管, 不如話佢唔想輸, 對佢黎講, 一開場畀班大粒佬以為食硬佢個次, 係一種侮辱, 再加上佢本身都係支持槍管, 順理成章地就企了係對立面, 再隨著自家老細都擺明唔幫佢事, 係阿光頭的邀請下佢居然答應唔收錢去做, 我的睇法係, 坐監事少, 畀班男人屈到先係接受唔到, 而件事發展落去都已經係不死不休的局面, 係收唔到手時寧願坐監, 話佢正義, 不如話佢好勝.
而從另一觀點, 可以理解到女主角係一位好獨立的女性,  雖然戲中冇講佢以前有冇同男人發生過咩唔好的事,  但從佢連性生活都係靠叫鴨完事, 可見佢完全唔信任男人, 對佢黎講, 輸畀男人就係一件唔可接受的事.

myblue

估唔到出乎意外, 幾好睇, 以古仔黎講,