我的第一對無線耳機-B&O H5開箱

a888

係呢度同大家講下我買H5的小小經歷:

每次開箱無論係大箱或是細箱都好興奮, 今次也不例外, 因為這次係買我人生第一對無線耳機, 我對呢對耳機可謂是一見鍾情....第一次見到已經被佢粉紅色的外表深深吸引住 .  望一望價錢......嘩...嘩...嘩...成2K幾.......咁鬼貴(對我來說真係好鬼貴架!!! ) ....由於無得試, 所以唔敢亂買, 帶著依依不拾的心情回家去.

跟著的日子當然係死心不息, 周圍搵D類似但錢平D的耳機, 當中也試過一些唔同的牌字和款色, 但始終搵唔到"愛的替身".  某一天行經大型HXX唱片舖, 見到有得試聽當然第一時間飛撲去聽聽, 不試還好, 一試就愛上佢的聲音, 可以話係一試難忘, 心想唔通真係"佢", 心想買唔買呢!!!!??? 唔好衝動.......停一停諗一諗......回家想多一晚吧.

第二天起身又真係冷靜左唔少 , 跟住自己的工作又很繁忙, 漸漸將買耳機的事情淡忘了.   最近又重燃愛火, 某天行唱片舖又忍唔住試多一次, 隔左咁耐我仍然覺得"佢"最好, 呢次下定決心選定佢. 問過SALES話公價無得平, 心想會唔會有D地方可以有DISCOUNT呢? 又一次轉身離去.

又過左唔知幾耐的今日, 因陪媽媽去百XX買電話, 原來用HSBC有Promote, 買滿5千就可有$300回贈, 二話不說就叫SALES攞埋個H5耳機俾我, 就係咁就終於帶左佢返屋企.


   

kennethtcp

聲音好何? 之前試過佢對wireless 大耳牛, 唔知係咪 H7, 好似調音比重手, 但如果出街聽流行曲又幾唔錯

a888

kennethtcp 發表於 2017-1-18 14:32
聲音好何? 之前試過佢對wireless 大耳牛, 唔知係咪 H7, 好似調音比重手, 但如果出街聽流行曲又幾唔錯 ...

小妹正是聽流行曲, 我覺得聲音唔錯, 係我鍾意的果種聲, 中高低音都幾平均, 我又唔覺好味精.
因為我唔鍾意頭戴式, 所以選左呢對.

model先決

公價貨品即係觸犯合謀定價罪，可以向海關投訴

目木

B&O H5 係唔錯呀!
我都迷戀左好耐!!

B&O聲底比較厚,
不過最後, 因為我唔鍾意B&O個叉電方法, 同埋得5個鐘Running hours;
所以無入手

旺角星際, b&o起16年8-9月做緊2k樓下, 或者衛訊有時都有discount;
下次可以睇埋呢兩度

GaryNew

同妳一樣.一聽以經覺得就係你啦!唔駛再試其他耳機.B&O三頻好平均.有層次好耐聽.用左1 年.現在升上H9享受中.`

鴻泰@G

請問粉紅色係深份定係淺粉紅會唔會易污糟呀