Sony Z9D 電視分享技術體驗會(會後討論留言帖)

vchai

edlsang 發表於 2017-1-9 18:38
小弟比校過 P 記高階 model X900H vs Z9D , 明顯今次 Sony 無論黑位、對比度較優勝。

而且P 記 Panel 已 ...

oh NO!!!

diyman

wil-wil 發表於 2017-1-9 21:48
師兄，千萬不要用抱歉來講。其實真衷心多謝你嘅意見。搞活動基本就係 Problem solving 嘅遊戲，因為資源 ...

同意Ching所講 Post76 提供了一個很好的平台供大家收取和交換情報，遇到不同意見時，相互的尊重和包涵尤其重要，Post 76 加油，大家都支持你!

wil-wil

kuushun 發表於 2017-1-9 22:43
我認同師兄的講法
幾部電視的設定都有問題

明的。問題係今次我地無調教而用上原廠基本設定，下次我地再唸下點搞會好些。

kuushun

       努力  支持你哋

wil-wil

rlmfung 發表於 2017-1-9 23:23
首先多謝 Post76 攪這個 show, 的確獲益良多,  起碼知道怎樣看spec揀大電視。

當然揾一部合適的都是要相信 ...

明白。往後會研究下搞 d 小型嘅，又學到野嘅電視活動，不過有關 4K 內容一定會有!!

kyleckl

其實好多客觀事實我睇到好多師兄已經講咗了吧！

不過首先一定要多謝Post76及Sony 舉辦今次活動及一眾工作人員既努力！

今次可以同場比較3個品牌TV，仲有JAMES講解，真的收穫不少！

先利申我個人係L牌支持者，3個牌子中個人認為3叔真的輸晒(起碼Default Mode一定輸)，

而另外2機就各有千秋，播Pacific Aim時，睇OLED 清楚睇到男主角深色衫上紋理，而Z9D 就無咁明顯了！

但到播(好似係)"引力邊緣"時，Z9D光位下都睇細緻野，但同一個位 OLED 光散散地及無咁多細緻野睇到！

而且全程 OLED 好似唔夠光咁 (不過JAMES有講，OLED本身弱點)，

至於顏色方面，我覺得Z9D略勝OLED一疇，睇得好舒服！

以下我用分數去比較2機表現

     OLED  Z9D
光  6        9
黑  9        7
色  7        8
角  9        7

個"角"係角度，先講我係睇第1場坐第3行較左果面，一開場時坐我傍邊的女仕都有問我兩部Z9D係咪唔同

型號，之後都有師兄問大王係咪兩部Z9D唔同Setting，而大王答覆是同一Setting，所以應該係角度問題了

，而我都覺得分別幾大下！

最後要讚一讚SONY的小奬賞(真的太少了，下次唔該加碼 )，雖然我用唔到(因我唔會買Z9D)，但都

欣賞你們的進取而都方便買家的做法。

總結，我覺得Z9D表現真的不錯，力壓我的最愛OLED，不過送部Z9D比我(發下夢 )都幾頭痛，因小

弟住緊蝸居，65吋真的太大了，所以SONY出旗艦TV，唔好最小都要65吋啦，照顧下d蝸居港人好！

仲有場地燈光好似唔係太平均，如果下次有類似活動，可能要改善一下

以上係小弟無知新手的小意見，有錯請見諒！

sherman

踏入2017年參加首個影音活動不單是品牌旗艦電視介紹會，更是由James Chen 主講之電視技術分享會，首先要多謝Post 76與Sony合作舉辦這次活動，今次事前之準備功夫肯定多，讓我們增添了許多技術知識，選擇購買4K電視之因素要點，更即場與其他品牌電視同一個畫面讓我們自行作出比較，桿戰太平洋中人物的膚色，定格畫面讓我們比較火焰之顏色，遊戲中畫面處理之流暢度等，過去數年Sony新電視的介紹會我都去過，亦有同場展示其他品牌電視讓參觀者以作比較，雖然講解人員明確指出當時Sony電視優勝之處，但我心中難免會有對其他品牌電視設定不公平對待的可能; 今次由Post 76聯合負責，更有James Chen在場，排除了刻意將其他牌子的電視調得不好，因用原廠設定，公平的比較，同一個畫面質素效果如何在場各位大師兄有目共睹，雖然只得一個Soundbar，以當時現場環境實在不足夠，但大家的焦點集中注意力都在仔細觀察比較各個電視畫面，亦不在乎聲音，大家的焦點都在前面聽小瑟與James的講解，我剛巧坐在側邊，見到Hugo師兄對著電腦未能配合努力之心急樣子，感謝所有為此分享會貢獻的工作人員;

在九十年代初期，我初初接觸影音，有一天在尖沙咀海洋中商場，路經一間影音店被一部播放著很靚畫面的Sony 34吋(4：3)電視機吸引我停下了腳步，入神地欣賞了十分鐘才醒覺為什麼沒有聲音？電視上下左右也沒有喇叭？以禮貌的方式向店員查詢才知道原來這不是電視機，是monitior ! 是那個年代在日本及香港的影音發燒友用作欣賞靚畫面的Sony Profeel Pro CRT monitor，日本及香港的電視台亦是用此類monitor作參考依據，而當時更有些日本國內專屬家用monitor以供日本發燒友使用，不出口，由那時開始已知道Sony在電視畫面技術已非常優質，Made In Japan由上世紀至今始終是很多發燒友覺得特別優質的保證；James當日亦講解Sony不但有自己的電影公司，更有份協助制定業界內的準則，其實在上世紀Sony製作電影時更有自己的音響制式：SDDS (Sony Dynamic Digital Sound)後來消失了;

此外今次James以色域圖用黑色虛線和實線讓我們明白了BT 709 與BT2020 之分別，亦解釋了我們欣賞full HD電視的距離與欣賞4K Ultra 畫面的距離之分別，最特別的環節是(觀星)，觀星後看黑白定格畫面竟然看到顏色，原來是人眼睛殘留在腦海中的影像，有趣 ! James 更以陽光下花朵的照片令我們了解亮度單位Nits 在實際生活的數據，解釋優質電視及Dolby Vision對亮度之要求，HDMI 2.0及2.1規格之傳輸速度計算方式，真是獲益良多寶貴的一課;

Z9D畫質很好，但個人口味偏愛OLED, 故極度期待Sony新的OLED旗艦電視，希望能將Sony電視之優點結合OLED之優點，更可支援稍後推出Dolby Vision的Ultra Blu-ray，在此僅祝Post76各位版主，師兄在2017年及即將來臨之農曆雞年身體健康 ! 換機成功 ! 玩得開心 !

小瑟

大家好, 因為估唔到大家回覆的反應咁有深度, 所以今次最有心的回覆獎項仲需要多一點時間去選出, 請大家多等一會, 一有名單我地會即時通知大家架勒!!

再三多謝大家的支持及回覆呀~~

TYLEEDON

當日有事未能出席, 請問那買機優惠信係咪一定要有出席先可以有呢?

SonSon

TYLEEDON 發表於 2017-1-26 15:29
當日有事未能出席, 請問那買機優惠信係咪一定要有出席先可以有呢?

優惠信係當日交回問卷時即場派發