無與倫比的音效臨場感- 山葉 - CX-A5100 AV純前級*追加Ult...

極地雪 · 發表於 2017-1-4 17:49

本帖最後由極地雪於 2017-1-5 12:45 編輯

呢次再次重投了山葉既懷抱因找到了全新"口味"，小弟並非影音專業人士，只是喜愛聽歌同睇戲，成日都幻想將戲院搬返屋企，一直都係坊間試唔同既品牌AV AMP，而小弟呢次決定由P記LX89 轉去 A5100 確實物有所值，終於享受到小型家居戲院滋味。

山葉 - 以往既缺點：低頻輕，高頻飄／尖，音樂感不太吸引人。不過自從山葉出左A5100 真係令人耳目一新，針對以往既缺點做出改善，加上音場效果一絕！DSP音效最完善，空間變換、包圍感都很強，整體氛圍最到位，戲院感一絕。

有好多人會話DSP 咪即係"假聲"，我又唔會否定他人既聽感，我只會諗：歌手唱歌都會用假音／假聲，咁又係咪代表唔好聽呢？

始終唔同人有唔同喜好同取向，能夠搵到自己鐘意既音色同取向的確唔係一件易事，不過會係一件賞心樂事

另外以往玩AVAMP 最大既挑戰同困難係點樣調整個SETTING 先令到個效果最好同最岩自己心水，但山葉就有個APPS (AV Controller) 對應大部份新舊既AV-AMP，可以輕鬆簡單咁調整DSP 音場參數

(講真，叫我計SURROUND DELAY，以一個普通用家黎講，我就唔多識，如果要學，又要買音壓計，又要計返條數，咁到最後都係要耳仔收貨，呢個APPS 又簡單容易設定，仲可以即時有效果！

）

只要用手指放大或縮細，就可以輕鬆咁調教設置，數值參數都會有所改變，

如果嫌太簡單，而想再進階D，SET多D野可以去ADVANCE，都有分PRESENCE，SURROUND等等，可以話可玩性極高。

加上睇電視都可以玩到模擬 DTS：X 解碼聲效，將睇視聽既效果再昇華，實在過癮

其實仲有好多DETAIL SETTING可以係MENU 入邊SET，例如有SPEAKER 既角度距離等等，大家不妨去研究下，如果有任何心德隨時教下小弟多多分享同交流

以下係小弟對唔同品牌既聽感，純屬個人聽感，不喜勿看：

P記 - 無論力水、分析力、控制力、音色、造功都表現出性價比上盛之選，雖然音樂感不足（乾），但睇戲有PQLS 加持下，無論動態，包圍感，中低頻表現都穩打穩紮。

天記 - 厚重聲底結實，包圍感足夠，中低頻表現較突出，中頻有厚度，高頻唔飄／尖，低頻有層次感。表現電影時最爆最重，拳拳到肉（睇葉問1-3真係正到無朋友），大場面真係難佢唔到，唯獨係音場和聲效上略輸山葉。

安仔 - 中規中矩，低頻唔會那埋一舊，中頻有厚度，高頻唔飄，睇電影DETAILS較多，聽音樂有自己的味道。無山葉的音場感，沒有天記的厚重火爆，但是聽音樂聲底比山葉厚，聲音無天記生硬，沒、無馬仔音樂韻味，但睇電影比馬仔衝擊力較勁

馬仔 - 明顯音樂取勝，低頻有D散，高頻不刺激，槍戰片略欠刺激感，但是睇文藝片容易被配樂吸引和感染。但有濃厚情感的聲音韻味，播放音樂聽起來在五大品牌裏面最舒服（個人感覺而已）。

總結：世上沒有最好的AV AMP，只有合唔合適自己口味的AVAMP，每個人都有佢自己鐘意既野，最重要係自己親身去感受同體驗，我深信百樣米養百樣人，各大品牌都有自己的好處同壞處！能夠搵到自己合適既口味絕對唔係一件簡單的事，祝賀POST 76 每位CHING 係2017 愈做愈得