電池信號線

Alman

電得過癮， 欲罷不能

各位可能正忙於過年， 小弟這裡樂得清閒， 正好繼續整線也。

先講對上的 Silver Balance 加網電池線： 初聽時真係想拆走佢， 只因梗係有點唔慣， 好似盟咗D， 前後黐埋， 唔通這次整法唔work？ 但煲咗兩日後， 算係收貨， 可以保留。 表現比未加電網前有些改進， 例如整體音場深厚， 夠靜及平衡。

今日把所有電池線來過比較， 只用 High Performance Carmen 的第四同第十八首曲去試， 主要試分析力及層次： 第四首尾段有一下輕微的"ding"一聲， 以前以為係唔覺意'hi" 到， 而家至知是演奏的其中一個音符！每對線輪流試， 結果全部都能夠清楚播出， 只係有一兩對的ding 聲會掘D。  第十八首的三角鈴真係考機，清脆之餘， 尾音的擴散可以去得好盡。  用Gotham 數碼線那對始終實力有限， 較收斂， 又去唔得盡， 正面對被劏後果

最下的 Gotham， 會被剝皮供其他線使用：




這幾對RCA線通電後都有一共同特點， 就是空間大音場開放， 未通電前則較焗促及音場收縮。 試完音， 居然是Duelund 26 awg 棉油線那對最啱聽， 好聽在細緻得來通透。  當初覺其較柔弱， 但煲過一段時間後， 所有突進，會否與其純用銅箔做shielding有關？

Duelund 26 awg 棉油線


唔好比佢停， 跟住把對 Duelund 1.0 油絲／OCC 銅鍍銀／KEI Abolute Silver 加裝銅網通電：











煲了個幾鐘後開聲， 油絲線的威力比前更顯， D聲開放兼音質細緻過之前幾對， 高音超清脆， 低音鬆化。。。

D線係咁排住隊嚟等加網添。。。。。。

raylee

ALMAN兄, 琴日終於開工整條RCA

但發覺原來條線芯個外皮係鍍銀皮仲要通電, 結果正負都通曬..HAHA

要去買TELFON皮包包佢先得

Alman

改造 Neotech 方芯銅電池線

早前整落的方芯銅， 是以兩線繞著成條數碼線而成。  效果很好。  但Duelund 油絲電線一出， 好似差佢少少。 於是決定成條改造之。

拆出方芯銅， 繞著兩條數碼線芯






Alpha Core銅箔真係好使好用


今次整法有D唔同， 就係中心那兩條銅線（了入teflon）接去電池組的正極， 銅箔那條（紅色的）去電池負極。  這接法效法AQ DBS。




分別左右聲道獨立接了四隻電池試


整夠8隻72V


試返原本的電池盒（此時無分正負）


初步的效果是。。。。接電池盒的音效最好

四隻時好似D空間感大D； 到8隻時聲音大咗， 尾音更強， 但有些燥同叫。  去返電池盒則洽到好處。

新造方芯銅同舊線比是更傳神， 空間大到嚇死人！無改錯。  遲D要同Duelund 比比了。。。。

話分兩頭， 近日search 過， 原來DBS 同 電池盒的原理有唔同。  電池盒接機殼有其作用：  試過用錶度， 接機殼與否V數有唔同的。而DBS無電阻電容， 電池正負極各直接中心 線及網。  有時間再慢慢研究。

Alman

死得！

小弟所指的是剛整好嘅Neotech 方芯銅。。。。。。。這對線的音場宏大， 分析力不用話可。  今日聽唔同CD， 聽多咗細節。  貝多芬第九的現場錄音， 又多了幾下觀眾"清喉嚨 "。

沾沾自喜之餘， 趁有時間， 不如改埋Neotech 金銀／Duelund 0.5 銀箔那對， 咁手上的不同線材都變身成電池線。

拆出Neotech金銀（28 awg）後， 決定用新配搭： Neotech做正， 兩條28 awg OCC銀（已入棉管）做負， 交叉繞著20 awg 紅銅裸線後， 再入棉管，包以銅箔／teflon tape。。。RCA頭照用 KEI 頭。















原本Neotech 金銀線的實力唔講得笑， 現在改裝成電池線唔知會點？

開聲第一首聽聖桑骷顱之舞， 音場無Neotech 咁大， 背景好靜， 音色屬溫文， 但煞食（做低Neotech 方芯銅之處）係其活生及層次感， 有一下拉的小提琴突然好似走出來咁， 被嚇了一跳， 同埋演奏群更加清晰。 播Feelings， 今午用Neotech 聽時已認為好掂， 音場闊， 人性夠味， 背後的伴奏亦好清晰。  點知金銀線把伴奏出得更明顯之餘， 人聲竟然。。唱 Like I 'll never have you 的 'll 音 同 ve 音係咁係你面前出， 好鬼傳神。

對線都未煲過已一鳴驚人， 對金銀線又要刮目相看多一次。另一對金銀線將會逃不出被改結果。   

leojai

真係改線改不完。

Alman

leojai 發表於 2017-2-14 16:05
真係改線改不完。

鬼叫辣着火頭， DIY心態，好攪攪震， 無辦法。。。。。

小弟的紫銅只剩低幾包。上次去省城所見， 舖頭經已冇入貨， 後繼有問題了。。。。  

Alman

再來一對Neotech 金銀電池線



這對以Neotech 金銀做正， OCC 銅為負的灌沙+晶石銅管線再加KEI頂級RCA頭可謂小弟鎮山之寶，。。。。 直至電池線的出現後， 形勢大大不妙。曾經試過在中間銅管加條電線接電池， 完全無效果。  今日把心一橫， 煎皮拆骨， 取其金銀線及RCA頭， 改作電池線！

之前的電池線芯都用單枝銅， 今次實行落重本， 用赤裸裸的Duelund 0.5 silver foil （面積加大，肌膚更親密， 兼用上銀， 可能傳電更佳？）， 兩邊分別繞上金銀線（正）及UPOCC 24awg單枝銅（負）， 加棉管銅網， 做法大致跟前一樣。

初試啼聲， 又聽到不同效果。。。。

Alman

新電池線

這排輪流聽那三對Neotech 金銀／OCC 銀 + KLE copper 頭， Neotech金銀／Neotech  UPOCC 單枝銅 + KLE  Absolute Harmony， Duelund油絲線／OCC 銅鍍銀 + KLE Pure Silver ， 全部表現非常接近， 但無可否認， 用 Neotech 金銀線 + Absolute Harmony那對， 會較其餘兩對多些韻味。

整了咁多對電池線， 已到盡頭？  非也， 首先， 小弟對 Neotech 棉漆線情有獨鍾， 只因之前用兩條 Neotech 22 awg 棉漆線夾住Duelund 26 awg 油棉線做正的效果極佳，想再以棉漆線當負極用； 其次， 電池線都是用條電線做芯通電，再加網或銅箔為外層接電池， 如果將條正極用銅箔包住通電， 會否更直接及到肉?  其三， 布拉姆斯兄分享過用Switchcraft RCA頭夾Belden線打低Duelund+WBT頭。  小弟手頭有剛有Switchcraft， 怎不能物盡其用？ 於是新線就此誕生。。。

用幼身銅箔包住Neotech 24 awg UPOCC 方芯銅


Neotech 棉漆線


兩條夾住銅箔Neotech 24 awg




先整正極通電， 看其效果， 下一步再加銅網也不遲（所以連techflex 也不用住）




是龍是鳳， 明天分曉。。。。。

Alman

報告

銅箔包芯／被夾線係。。。。。。。。龍！

用了整日聽佢， 雖然所用嘅係Switchcraft 平頭，但分析力細節完全無少到。 初聽時聲音會緊DD， 高頻已經好靚但唔夠Neotech 金銀／KEI Absolute Harmony咁飄逸， 整體音色亦唔及後者的通透。 猛火煲了兩日後已有改善， 小弟完全收貨。 "制匠"確是好嘢。  上網睇下價錢， 大約五蚊美金一隻， 真係抵到爛。

再聽耐D會加埋銅箔接電， 會否更上一層樓呢？

Alman

真係一山還有一山高： 仿 Synergistic Research 電池線

早一陣子發現新的電池線整法， 應是類似 Synergetic Reasearch方式， 摸索一輪， 終於日前開工， 一開聲， wow wow， 大勝之前所整的（包刮同是Neotech 金銀線的一對）， 真係不得了。。。。

有關網站資料：http://generalknowledgeofaudio.b ... urce-equipment.html



今次不同之處是電池正負極分別接網的一端，正極那邊接一粒電阻去網， 然後網接粒電容去RCA頭的負極 ， 即係網連接電池兩極通電。

用料：

正極： 26 awg Neotech 金銀線      負極： Neotech 24 awg UPOCC單枝銅        RCA： 1877      網： 拆皮Neotech 漆皮棉線 （好重皮！）

















先是接四粒9V電， 嘩， 唔駛一陣線身已發熱， 快快換走， 改接6V  （日後慢慢加大V數去試）




效果：

每樣樂器擁有其自己body／空間， 前後左右好清晰， 演出更活及聽出其變奏， 高音更加飄逸， 低音份量同之前的線差不多。一句講晒： 更像真！

又有排唔得閒， 忙於改線了。。。。。