近大半年76活動都唔中

laiho

我知呢個Post係有d無厘頭,但真係好想舒發下,我係真心支持76活動的
無論有咩新野,新機,技術,制式,CD....等等76都會盡快搵黎該產品的代理
或對該產品有認識的人來介紹,分享,雖然自己笨唔係每次都出席,
亦都唔係對每種產品都有興趣,但睇番之後既實況記錄片,睇到各版主優默低死的主持風格
都覺得很有趣,好野自然多人參加,近大半年想參加76既活動已好難,成日抽唔中,我唔係要投訴咩野
活動成功多人參加好正常,不過我想問下係咪申請參加過程有咩未辦妥成日抽唔中呢?

SonSon

其實一D受歡迎既活動, 小瑟wil總都好努力爭取可以多D版友出席, 見到有時連企位都會動用埋, 奈何部份場地所限未必容納到或者人多會影響活動質素先會以抽籤形式出席, 希望日後可以有更多合適場地選擇舉辦活動, 幾多人都容納到唔駛抽籤啦......

P.S. 公司年年annual dinner 大獎都抽唔中, 我都好灰

wil-wil

laiho 師兄你好!! 我個人黎講都好記得你呀!! 我未入 76 前你已經好支持 76，之後仲常常出席活動、分享等撐我地，在此非常感激!!

近年 76 辦嘅活動越搞越多，報名人數亦越來越爆。唔好單純講影音網，就計埋其他香港不同形式網站來講，我地都算辦活動比較多嘅網站之一，一年搞 30 個左右，由幾十人到二百多人嘅活動都有，所以機會率真係每個情況都好唔同，有名額緊絕嘅，亦有來者不拒 (雖然唔多)；其實，我地已經有個簡單嘅程式作抽籤，希望盡量平均到大家嘅機會，而抽籤當中亦可設有選項，選項資料來自我地每次活動後，同事手動入返嘅會員多個狀態，作為下一次抽收籤條件嘅選項，當中包括: 報名者過往抽中次數、抽中後有否限時前主動確認出席、出席率 (有否臨時失約)、出席後有否發帖或回覆分享 ...等。所以報名者自己報名提交後，就會按每次所要求嘅選項加入抽籤因素，因為我地希望盡可能比多些機會每位會員參予，即使報左名參予黎唔到，亦希望大家主動通知比返 d 後補嘅版友補上、又或者多分享自己出席後嘅真感覺，唔得都歡迎理性分享，唔好以為一味要讚 (76 真係唔係部份一講個種只有商業原素)，所以真唔希望好與唔好都只會於自己 WhatsApp 群組 share 就算!!

講返 laiho 師兄情況，我都有望過後台，狀態都算好好，會研究下有否其他問題出錯。不過正如 SonSon 所講，場地座位有限，加上報名希望出席嘅活動，如果個個都係熱爆嘅項目，下下都名額少勁多人報名的話，即使個個記錄良好都始終會有好彩與否嘅問題，我地嘅程式只可盡力平均每位師兄嘅機會率，敬希睇諒，但承諾會再細心研究問題，希望 2017 年再有一個新開始。

wil-wil

SonSon 發表於 2016-12-20 10:20
其實一D受歡迎既活動, 小瑟wil總都好努力爭取可以多D版友出席, 見到有時連企位都會動用埋, 奈何部份場地所 ...

呢個活動原本場地話唔想收太夜，只批搞一場，我地已經盡力爭取一陣子，所以最後先決定向前推，玩 18:00-19:00。咁多年硬件都無試個平日 18:00 開場，結果呢個早場報名都爆到七彩，我地有想過再加開四、五點場，但機會好微!!

laiho

多謝副版管回覆,正如我第一個post所講唔係要投訴d乜野
大品牌產品搞活動當然人人都想參予,我是明白的
只是因為每次申請每次都冇份才覺得會否是自己在申請過程中有什麼問題?
Anyway,我會繼續支持76的,加油~

wil-wil

講開又講，借借呢個版面提下大家，經常有 d 會員報名時要求填寫聯絡、填寫參加場次等資料，但佢地就乜都無填寫，咁嘅情況電腦只會當報名者資料未提供足夠，就立即自動排除左個次嘅抽籤機會，咁樣報幾多次都唔會有一次中，希望大家留意。