如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 245141525 於 2009-11-23 22:45 編輯
早幾日上個老友屋企,最近佢計劃緊裝修,想換過晒D器材,又見我無啦啦撈到個版主嚟做,點都要賀一賀我,叫我睇啱邊樣,是但揀件咁話!
佢屋企我都唔係第一次上,大約都知佢套嫁撐咩料,見佢誠意權權,即管又睇吓有咩啱駛~
一望之下,最搶眼梗係部Pansonic 42PY800 PLASMA啦! 諗落都唔錯,可以頂替我部37" HD READY,望多兩望......頂~!!! 有三條爪痕o既?!! 要嚟把鬼!
睇過第樣......咦!Pionner VSX-LX51喎!不過我原本都諗住出年換AMP,可以不理......SunFire HRS-12?我自己果個都10"啦,相差無幾,又可以不理......Monitor Audio BR5?我對684堅過佢啦......MTV3000?我好少睇電視喎......
橫睇掂睇,得返部BDP-51FD似樣D,始終叫做PIONEER,點都好過我部PS3掛?話晒解到HD音效,仲有7.1 PRE-OUT,將就D,就要呢部啦~
返到屋企,用咗條三百零蚊,都唔記得咩牌子o既HDMI線,同埋8條canare做RCA,用盡51FD o既7.1 PRE-OUT,咁啱我部爛鬼AMP又有7.1 IN-PUT,問你死未?
好喇~試機喇~
先講畫面,開返隻變形金剛2出嚟睇,嘩!之前1 PAT PAT、紅色、藍色果隻嘢,原來係柯柏文嚟咖?!宜家先睇得清楚,真係撞鬼!而且,黑位又實咗、話面乾淨咗、立體咗,可以話完全K.O. PS3!咁啱老婆o係隔離,望住我然後好奇怪咁問:你之前一直用緊果部碟機,其實係咪假架?
講到聲效,更加不得了,之前用PS3解碼,根本無高音可言,鐵聲變咗木聲,子彈聲變咗飛鏢聲,宜家雖然未用到BITSTREAM,但係用51FD解碼一D都唔失禮,金屬聲、子彈聲、刀聲、劍聲齊晒,風聲、爆炸聲又夠氣勢,連自信心都返埋嚟!聽咗差唔多兩年中清音效(未至於低清),忽然間可以o係屋企聽到高清音效,真係爭D喊咗出嚟!
當我仲陶醉o係子彈橫飛o既世界o既時候,老婆又問:喂!你都未答我,你之前一直用緊果部碟機,其實係咪假架?
......其實......佢宜家睇緊o既電視機都係假o既,擴音機又係假o既,就連後置同埋後中置都係假o既......希望有朝一日,我可以將D假嘢,全部換晒做真嘢!
PS3
51FD
<全文完> |
發表於 2009-11-23 22:43
發表於 2009-11-23 22:47
