忽然想起未來戰士呢套戲, 有感而發傻

ewartuen

我結左婚兩年, 一向都唔想生細佬哥既, 一黎洗費多啦, 自己又多正常嗜好, 就如影音, 二黎鍾意二人世界, 多個B要顧就已經將我既感情同精神都分薄左, 但係早幾日, 想起未來戰士呢套戲, 大家都知個故仔啦, 個仔由未來救自己阿媽, 一想到呢度, 就諗, 當他朝有日自己走先, 何來有人照顧我老婆呢, 都決定左唔生囉, 又何來黎個仔去救老婆呢, 一想到呢一點, 就覺得生個細佬哥, 其實係好必要既, 目的絕對唔會係照顧我自己, 而係交個責任俾佢照顧老婆, 但生個細佬哥, 談何容易咩, 兩公婆返工, 即係又要找個女傭黎睇住佢, 又供樓又供養細佬, 再加上生一個又孤零零, 兩個先有相依為命架麻, 人就係咁奇怪, 唔同時候煩唔同時候既野, 半年前買樓, 一意孤行唔生細佬哥, 索性拆左個房花錢玩影音, 而家入埋去住, 忽然想要個John Connor, 呢穫真係"撞corner"!

wil-wil

其實生細佬唔係一時沖動，真係好大承擔 ... 不個我自己又唔贊承抱住個心態，自己老左時有個細佬可以照顧自己或另一半。講真，就算佢從少聽教聽話，大左肯照顧自己都好，對佢都係一種負擔。更可況事與願違，甚至乎學壞影響埋你正常生活，咁你點算!?

所以我個人覺得生細佬同借錢比人一樣道理，無經濟能力唔好唸 ~ 一係唔好生/唔好借錢出去，生左個 BB/借左錢比人，就唔好望有任何有回報，咁就會開心好多。

aegysd

我結左婚兩年, 一向都唔想生細佬哥既, 一黎洗費多啦, 自己又多正常嗜好, 就如影音, 二黎鍾意二人世界, 多個B要顧就已經將我既感情同精神都分薄左, 但係早幾日, 想起未來戰士呢套戲, 大家都知個故仔啦, 個仔由未來救 ...
ewartuen 發表於 23-11-2009 17:50

我覺得如果諗住、生個仔嚟照顧老婆、咁不如望自己唔好早過我老婆死可能好啲！呢個只係我嘅想法！

Ken704

依個年代唔好盼望下一代會照顧自己.

radhk

同意, 生個仔弟時唔問你攞錢已經阿彌陀佛...................
hkp1196 發表於 2009-11-23 19:57

根本我地呢代好多人已經無照顧上一代. 所以我地下代唔好講照顧, 就算肯探下老爸老媽, 已經好好啦.

datacoma

同意樓上，未知數既野最怕事與願違。同埋樓主會唔會擔心得太多？！
若要擔心，又大吉利事講....
若果個細路都未長大你就行左去，咁對身邊人咪變左重加重左負擔。
又或者生出黎個細路唔考順又點？

另外香港人出名因為各自有家庭下公私兩忙，而缺乏對上一代既照顧...
若然自己都抽唔到閒黎照顧父母，咁又點能夠期望自己兒女他日長大後一定能照顧番你呢？
兒女長大後就係另外一個成年人，會有佢自己既想法同際遇，而呢樣野你係無法控制。
人越大越多擔心係正常既，但偏偏將來既野；就係唔輪到你擔心得咁多。

所以不如唔好諗咁遠先，將照顧伴侶既責任實實在在交番比自己..
例如愛惜自己既健康，咁先會有能力照顧身邊一半嘛。
學樓上aegysd話齋，若你能夠撐到佢行先過你...咁你咪就完成任務，冇野再擔心遺憾嘍。

ewartuen

2# wil-wil


講真, 我以前係完全好似你咁同人講架, 直頭係反對生細佬呀, 我仲成日話, 一係就後生生, 年紀大少少, 第日個仔大左攞摺櫈打老豆都無力還拖, 同事朋友問我點解唔想生, 我就話個地球都被人類污染得七七八八啦, 仲生出黎吸廢氣咩? 仲有我覺得香港都唔適合生細佬哥, 地少人多, 樓貴福利差, 但忽然又開始先諗呢樣野, 唔好話望個仔照顧邊個啦, 剩係講唔生的話, 就根本連呢個可能都無得諗!

P.S.: 大家有細佬既, 千祈唔好介意我用詞, 我只係講我個想法, 無意得罪

ewartuen

7# datacoma

係啦, 都唔知做乜發神經, 諗埋呢D野, 我地做男人, 有得揀既, 當然想自己長命過老婆啦, 我估無人咁抵死想自己走先, 掉低老婆掛!

wildwolf007

2# wil-wil


講真, 我以前係完全好似你咁同人講架, 直頭係反對生細佬呀, 我仲成日話, 一係就後生生, 年紀大少少, 第日個仔大左攞摺櫈打老豆都無力還拖, 同事朋友問我點解唔想生, 我就話個地球都被人類污染得七七 ...
ewartuen 發表於 2009-11-23 20:42

我以前完全同你一樣想法,人地叫我生我會回一句,痴線~~~~
但係我個女現在都已經5歲.......
個心態轉變好難用三言兩語講得到.
但係有樣野係真,當你見到個小朋友對住你笑,你會覺得呢個世界唔係咁差,重有希望架.
或者到你有左小朋友,出左世,咁你就會明白呢種心情.

重有講多句,量力而為,唔好因為人有我有,生小朋友個責任係一生一世.

ewartuen

10# wildwolf007

就係我唔鍾意求求其其, 我知我如果有個細佬, 一定會放好多心機時間俾佢, 咁先驚, 無哂自己時間同空間, 犧牲好大喎, 所以先唔想生囉, 睇黎我都係以不變應萬變好D, 真係唔想多舊魚!! 至少呢一刻都仲係迷惘緊, 就索性唔好諗